Fréttablaðið - 09.01.2010, Blaðsíða 70

BAKÞANKAR
Davíðs Þórs
Jónssonar
Það er erfitt að dæma um hvað séu sann-gjörn laun fyrir hina ýmsu vinnu. Hví
skyldi rakari þéna meira eða minna en
kennari? Hver eru sanngjörn laun fyrir
ráðherra? Er eðlilegt að vörubílstjóri búi
í lúxusvillu? Í dýrðarríki sósíalismans
hafa mennta- og ráðamenn lægstar tekjur,
þeirra laun eru starfsánægjan. Þeir hæst
launuðu eru verkamennirnir sem vinna
erfiðustu störfin sem veita minnsta gleði.
Þetta er óneitanlega langt frá því gildis-
mati sem við eigum að venjast.
UM daginn sá ég heimildarmynd um
efnahagshrunið. Þar sást vörubílstjóri
koma heim til sín í glænýtt tvílyft ein-
býlishús, hlamma sér í breiðan leður-
sófa og vorkenna sjálfum sér ógurlega
yfir reikningunum sem hann þurfti að
borga. Góðir vörubílstjórar eru gulls
ígildi og ekki sé ég eftir einni krónu í
kaup handa þeim. Þó gat ég ekki
varist þeirri hugsun að útlend-
ingum, sem þetta sæju,
myndi líklega finnast ein-
kennilegt að hér þætti
sjálfsagt mál að vörubíl-
stjóri gæti veitt sér slíkan
lifistandard. Alltjent stór-
efa ég að evrópskir vöru-
bílstjórar búi almennt
svona ríkmannlega. Ekki
vegna þess að þeir ættu
það ekki skilið. Kaupin á eyrinni gerast
bara einfaldlega ekki svona í löndunum
sem við viljum bera okkur saman við þegar
það hentar okkur, eftir því sem ég best veit.
SÖMULEIÐIS vil ég taka fram að ég efast
ekki um að allar fjárhagslegar áætlanir
þessa ágæta vörubílstjóra hafi staðist þær
forsendur sem honum voru gefnar á sínum
tíma og hann tók trúanlegar. Ég ætla honum
ekki að hafa eytt um þau efni fram sem þær
gerðu ráð fyrir og skil vonbrigði hans þegar
þær brugðust. Í mínum huga sýnir þetta þó
fyrst og fremst hve þessar efnahagslegu
forsendur voru orðnar brjálaðar fyrir hrun
og úr öllu samhengi við þann raunveruleika,
sem grannþjóðir okkar búa við.
Í MYNDINNI var talað við fleiri, meðal
annars konu sem örvænti um framtíð sína
og atvinnureksturs síns í kjölfar hruns-
ins. Hún var að íhuga að flytja hann til
Noregs. Hún vann við að greiða hundum.
HAFI tilgangur myndarinnar verið að
sýna órétti sem heiðarleg og vinnu-
söm smáþjóð er nú beitt óttast ég að það
hafi mistekist. Myndin sýnir nefnilega
að mínu mati samfélag sem lét glepjast,
missti veruleikaskynið og fór á líming-
unum þegar kom að skuldadögum. Það er
þó huggun harmi gegn að norskir hundar
verða snyrtilegir í framtíðinni.
Um sanngirni
38 9. janúar 2010 LAUGARDAGUR
■ Pondus Eftir Frode Øverli
■ Gelgjan Eftir Jerry Scott & Jim Borgman
■ Handan við hornið Eftir Tony Lopes
■ Barnalán Eftir Jerry Scott & Rick Kirkman
Eitthvað nýtt að frétta
frá víglínum stefnu-
mótanna, Ívar?
Nei, það ríkir
ró og friður á
vígstöðvunum.
Passaðu
þig!
Heyrðu!
Á hlið!
Bíddu
nú við!
Palli,
hvað ertu
eiginlega
að gera?
Athuga
hvernig
þetta
brimbretti
fer mér.
Í svefnher-
berginu
mínu?
Það er
jú engin
spegill á
ströndinni.
Það hefur reynst
mér erfitt að
rekja ættir mínar
því ég virðist
vera samansafn
úr óþekktum
varahlutum.
Mamma, manstu, þú pakk-
aðir nestinu mínu í brúnan
poka í stað þess að
nota nestisbox? Það er
rétt.
Sko, pokinn veitir nestinu
ekki jafnmikið skjól og
boxið og brauðið var
eiginlegt allt í bitum og
spægipylsan var útum allt.
Það hljómar
fremur
ógeðslegt.
Það var
það.
Geturðu haft
þetta þannig
líka á
morgun?