Fréttablaðið - 03.03.2010, Blaðsíða 13
MIÐVIKUDAGUR 3. mars 2010 13
500.000.000
+1.500.000.000
Ekki gleyma að vera með,
fáðu þér miða fyrir klukkan
fimm í dag á næsta sölustað
eða á lotto.is
Þrefaldur fyrsti vinningur stefnir
í 500 milljónir og Ofurpotturinn
stefnir í 1.500 milljónir.
ALLTAF Á MIÐVIKUDÖGUM!
MIÐINN GILDIR 3. MARS 2010
A. 12 14 17 21 41 48
B. 05 16 23 36 37 38
C. 07 09 13 22 34 38
D. 03 06 19 24 25 31
E. 11 19 21 25 38 42
F. 01 25 35 36 39 46
G. 18 19 20 23 28 46
H. 22 27 29 39 40 42
Þrefaldu
r
1. vinnin
gur
SLYS Kona um fertugt þótti sleppa ótrúlega
vel þegar hún féll í um fimm metra djúpa
hraunsprungu skammt frá Helgafelli við
Hafnarfjörð í gær. Sprunguna huldi um eins
metra þykkur snjór.
Konan var á göngu í hrauninu með vin-
konu sinni. Hún vildi ekki koma fram undir
nafni, en sagði í samtali við Fréttablaðið að
þær hefðu ekki áttað sig á að snjórinn hyldi
sprungu fyrr en um seinan. Konurnar stigu
á svipuðum tíma á snjóbrúna, en önnur náði
að kasta sér til hliðar þegar snjórinn gaf sig.
Konan er lurkum lamin og hrufluð, en
ekki alvarlega slösuð eftir slysið. Hún segir
snjóinn sem brast hafa fallið á undan henni
í sprunguna. Það hafi án efa bjargað miklu
að lenda á snjó en ekki hörðu hrauninu.
Snjórinn setti konuna þó einnig í hættu því
meiri snjór hrundi ofan í sprunguna á eftir
konunni, og grófst hún á kaf í snjóinn. Hún
segist sem betur fer hafa náð að losa aðra
höndina, og getað mokað frá andlitinu til að
bjarga sér frá köfnun.
Samferðakonan hringdi strax á Neyðar-
línuna, og voru björgunarsveitarmenn og
slökkviliðsmenn fljótir á vettvang.
„Það var vissulega mikil hætta á ferðum,
og hefði verið meiri ef konan hefði verið ein
á ferð,“ segir Ari Jóhannes Hauksson, varð-
stjóri hjá Slökkviliði höfuðborgarsvæðis-
ins. Hann segir varasamt að fara um hraun
utan þekktra gönguleiða þegar snjóþekja
geti hulið hættulegar sprungur. Brýna verði
fyrir göngufólki að fara varlega, og vera alls
ekki eitt á ferð, síst af öllu utan hefðbund-
inna göngustíga.
Einn björgunarsveitarmanna var á ferð
nærri svæðinu á þyrlu þegar útkallið kom.
Hann brást skjótt við og ferjaði björgun-
arsveitarmenn á staðinn, auk þess að ferja
konurnar af svæðinu eftir að björgunar-
störfum var lokið. brjann@frettabladid.is
Ómeidd eftir fall í hraunsprungu
Kona um fertugt slapp með skrekkinn þegar hún féll niður í um fimm metra djúpa hraunsprungu. Vinkona hennar náði að kasta sér
til hliðar þegar snjóbrú yfir sprunguna gaf sig. Sýna þarf aðgát þar sem snjór getur hulið hraunsprungur, segir björgunarmaður.
FAGNAÐARFUNDIR Konan sem féll í sprunguna faðmaði vinkonu sína þegar hún kom upp úr sprungunni. Sprungan var þröng og um fimm metrar á dýpt. Björg-
unarsveitarmaður var fyrir tilviljun á ferð á þyrlu þegar útkallið kom, og flutti hann björgunarmenn á staðinn og konurnar af vettvangi. FRÉTTABLAÐIÐ/VILHELM