Fréttablaðið - 03.03.2010, Blaðsíða 22
3. MARS 2010 MIÐVIKUDAGUR2 ● fréttablaðið ● starfsmenntun
Atvinnulausum hefur fjölgað
til muna í Hafnarfirði og í stað
þess stefna þeim til Reykjavík-
ur eftir þjónustu var nýverið
ákveðið að opna útibú frá
Vinnumálastofnun í bænum.
Atvinnumiðstöð Hafnarfjarð-
ar opnar í miðbæ Hafnarfjarðar
innan nokkurra vikna en þar verð-
ur svæðisbundin vinnumiðlun auk
þess sem veitt verður ráðgjöf og
önnur þjónusta við atvinnuleitend-
ur í Hafnarfirði. Sérstök áhersla
verður lögð á að aðstoða ungt fólk
og langtímaatvinnulausa.
„Fyrir um það bil tíu árum var
svæðisbundin vinnumiðlun starf-
rækt á vegum Hafnarfjarðarbæj-
ar en síðan tók ríkið hana yfir. Þá
var atvinnuleysið á allt öðru róli
heldur en það er í dag. Nú eru á
bilinu þrettán til fjórtán hundr-
uð á atvinnuleysisskrá í Hafnar-
firði og þótti orðið ófært og í raun
óhagkvæmt að stefna þeim öllum
til Reykjavíkur,“ segir Guðmund-
ur Rúnar Árnason, forseti bæj-
arstjórnar Hafnarfjarðar. Í sam-
starfi við félagsmálaráðherra og
forsvarsmenn Vinnumálastofnunar
var ákveðið að koma á fót útibúi frá
Vinnumálastofnun í Hafnarfirði.
„Þetta er þróunarverkefni byggt
á samstarfs- og þjónustusamningi
milli Vinnumálastofnunar og Hafn-
arfjarðarbæjar með aðild fulltrúa-
ráðs verkalýðsfélaganna í Hafnar-
firði,“ segir Guðmundur.
Hann segir að fram undan sé
vinna við að móta starfið að fullu.
„Samkomulagið felur í sér að
Hafnarfjarðarbær mun í samráði
við Vinnumálastofnun hafa for-
göngu um svæðisbundið samstarf
við stéttarfélög, atvinnurekend-
ur, menntastofnanir, frjáls félaga-
samtök og fleiri aðila. Sérstaklega
er stefnt að því að efla vinnumiðl-
un og faglega starfs- og námsráð-
gjöf, auka virkni atvinnuleitenda
og byggja upp fjölbreytt framboð
vinnumarkaðsúrræða á svæðinu,
til dæmis með auknum ráðning-
um atvinnuleitenda í starfsþjálf-
un, reynsluráðningum, vinnustaða-
námi og átaksverkefnum,“
Gert er ráð fyrir því að fimm
starfsmenn sinni þjónustu hjá
Atvinnumiðstöðinni. Bærinn út-
vegar tvo starfsmenn sem verða
að hluta til á launum úr Atvinnu-
leysistryggingasjóði og mun annar
sinna langtímaatvinnulausum en
hinn ungum atvinnulausum. „Þá
koma hingað tveir til þrír ráðgjaf-
ar frá Vinnumálastofnun til að sjá
um starfs- og námsáðgjöf.“
Guðmundur segir fjölmörg úr-
ræði og tilboð í Hafnarfirði og
nefnir fyrirtækjasmiðju, nám-
skeið í tengslum við Miðstöð sí-
menntunar, nýsköpunarmiðstöðina
Kveikjuna og samkomulagsdeigl-
una sem starfrækt er á vegum
Rauða krossins. „Þá höfum við
boðið upp á atvinnutengda endur-
hæfingu í samstarfi við verkalýðs-
félögin og Sjúkraþjálfarann en þar
er lagt upp úr alls kyns virkni auk
þess sem fólk fær kynni af vinnu-
markaðinum. Það er því verið að
vinna gott starf á ýmsum vígstöð-
um en með Atvinnumiðstöðinni
fáum við betri yfirsýn og tækifæri
til að tengja það betur saman.“ - ve
Aukin nærþjónusta
„Þetta hefur farið mjög vel af stað.
Okkur sýnist að 50 prósent af ung-
mennum á landinu hafi nýtt sér
einhver af þessum úrræðum sem
við bjóðum upp á,“ segir Hrafn-
hildur Tómasdóttir, verkefnis-
stjóri átaksins Ungt fólk til at-
hafna. Átakið miðar að því að eng-
inn á aldrinum 16 til 25 ára verði
atvinnulaus lengur en í þrjá mán-
uði án þess að bjóðast vinna, náms-
tækifæri, starfsþjálfun eða þátt-
taka í öðrum verkefnum.
Félags- og tryggingamálaráðu-
neytið ýtti verkefninu nýverið úr
vör í samstarfi við Vinnumála-
stofnun. Vinnumálastofnun sér um
framkvæmd átaksins og er það í
höndum þjónustuskrifstofa Vinnu-
málastofnunar á landsbyggðinni en
í Reykjavík hefur verið opnuð ný
þjónustuskrifstofa á Suðurlands-
braut 22. Þar fær ungt fólk leið-
sögn og ráðgjöf um þá fjölbreyttu
möguleika sem því stendur nú til
boða á kynningarfundi. Að honum
loknum skrá atvinnuleitendur sig
í það úrræði sem þeim líst best á,
en annars á það á hættu að missa
atvinnuleysisbætur. „Unga fólkið
hefur fjölbreytt val um úrræði, eða
40 talsins, en ekki val um aðgerða-
leysi,“ segir Hrafnhildur og nefn-
ir sjálfseflingu, ferðaþjónustunám
og Grunnmenntaskólann hjá Mími
sem dæmi um vinsæl úrræði. Hægt
er að fræðast betur um ferlið og þau
úrræði sem standa til boða inni á
vefsíðu Vinnumálastofnunar, www.
vinnumalastofnun.is/ungir. - rve
Fjölbreytt úrræði fyrir ungt fólk
Hrafnhildur segir átakið Ungt fólk til athafna hafa farið vel af stað. FRÉTTABLAÐIÐ/ANTON
Guðmundur segir Atvinnumiðstöðina gefa betri yfirsýn yfir þau úrræði sem eru í boði í Hafnarfirði og tengja þau betur saman.
FRÉTTABLAÐIÐ/GVA
● KAFFISPJALL Í SÆTÚNINU Stéttarfélagið Efling hefur boðið
atvinnuleitendum til sín í kaffi að undanförnu til skrafs og ráðagerða.
Bæði til að kynna þeim hvaða úrræði og möguleikar eru í stöðunni og
leita eftir skoðunum og líðan þeirra sjálfra með beinum samtölum. Þar
hefur verið spjallað um menntunarmöguleika, gönguhópa, um aukið
samstarf við Rauðakrosshúsið og Hlutverkasetrið svo eitthvað sé nefnt.
Undirtektir hafa verið alveg frábærar, að sögn starfsmanna sem segja
ljóst að fólk sé ekkert að leggja árar
í bát þó að það sé tímabundið án
atvinnu. Ætlunin er að halda kaffi-
spjallinu áfram og þeir félagsmenn
sem eru í atvinnuleit og ekki
hefur verið haft samband
við mega sem sagt eiga
vona á hringingum á næst-
unni. Heimild: www.efling.is
● SJÁLFSTÆÐI OG
SAMVINNA Í FYRIR-
RÚMI Fræðslunet Suður-
lands býður upp á margvís-
leg námskeið með styrkjum frá
Fræðslumiðstöð atvinnulífs-
ins. Eitt þeirra nefnist Skref til
sjálfshjálpar í lestri og ritun og
er ætlað fólki sem á við lestr-
ar- og/eða ritunarörðugleika.
Meta má námið til stytting-
ar á námi í framhaldsskóla um
allt að fimm einingar. Tilgang-
ur námsins er að styrkja lestr-
ar- og ritunarhæfni og auka þar með hæfni til starfs og áframhaldandi
náms. Áhersla er lögð á að efla lesskilning, lestrarlöngun, úthald við
lestur og stafsetningarfærni. Námsmönnum er leiðbeint um mismun-
andi tækni, aðferðir og hjálpartæki, svo sem yfirlestrar- og leiðrétting-
arforrit. Verð 11.000 krónur. Áætlað er að kennsla hefjist í næstu viku,
kennslutímar eru 60 talsins og er kennt einu sinni til tvisvar í viku í allt
að þrjár kennslustundir í senn. Nánari upplýsingar á fraedslunet.is.
www.tskoli.is
Brúðarkjóll,
eldhúskollur
eða kassabíll
• ARPA grunn- og endurnýjunarnámskeið
• Breytingastjórnun og niðurskurður
• Brúðarkjóllinn – hönnun og saumaskapur
• ECDIS rafrænt sjókorta- og upplýsingakerfi
• Eldhúskollur afa og ömmu frá 1940
• GMDSS námskeið
• GPS staðsetningartæki og rötun
• Grjóthleðsla – torf og grjót
• Húsgagnaviðgerðir
• Kassabílanámskeið
• Skírnarkjólasaumur
• Skemmti- og smáskipanámskeið
• Smíðað úr innlendum við
• Starfsmannasamtöl og launaviðtöl
• Stjórnun og stefnumótun
• Vélgæsla – smáskipavélavörður
• Þekkingarstjórnun og fræðslustarf fyrirtækja
Nánari upplýsingar í Endurmenntunarskólanum,
s. 514 9603 eða á endurmenntun@tskoli.is
Fylgstu með á www.tskoli.is
auk fjölda annarra námskeiða...