Fréttablaðið - 03.03.2010, Blaðsíða 28

„Hugmyndin kom upp eftir að
Alexander vann í fyrra. Við félag-
arnir ræddum það að gaman væri
að hóa saman nokkrum til að fara
út til Noregs á næstu Eurovision-
keppni. Í framhaldinu prófaði ég
að skoða hvort áhugi væri fyrir
slíkri ferð með því að stofna síðu
á Facebook,“ segir Konráð Vals-
son Eurovision-áhugamaður.
Fljótlega varð ljóst að mikill
áhugi var fyrir hendi og dæmið
varð stærra en Konráð gerði ráð
fyrir. „Ég fór því strax af stað og
reyndi að finna ódýrustu ferðina
út og tókst að setja saman
pakka sem Icelandair
hjálpaði mér með. Ég
sótti meira að segja
um leyfi til að geta
starfað sem ferða-
skipuleggjandi
og er í kjölfar-
ið á þessari ferð
byrjaður að skipu-
leggja aðrar ferð-
ir, meðal annars
fyrir útlendinga
hingað til lands.
Ég lenti í bílslysi árið 2004 og hef
verið öryrki síðan þannig að það
er kærkomin tilbreyting að fá að
skipuleggja ferðir sem þessar.“
Sölu á hópferðapakkanum á
Eurovision lauk
10. febrúar og í
kringum fjöru-
tíu manns fara
út, allt áhuga-
fólk um keppn-
ina. „Nokkrir
gista hjá vinum
og ættingjum
og svo aðrir
á hótelinu. Flestir taka pakkann
með helgarferð en þó eru nokkrir
sem munu dvelja í viku. Það hefur
kostað tíma að fá gott verð því
Norðmenn ætla svo sannarlega að
græða á þessu og hótelnæturnar
núna eru afar dýrar sem og mið-
arnir á keppnina,“ segir Konráð.
„Einnig hef ég þegið góða hjálp
frá reyndu fólki, svo sem Páli Ósk-
ari Hjálmtýssyni og við komum til
með að hitta hópinn sem fer frá
RÚV úti. Ef vel tekst til er ætlun-
in að skipuleggja aðra slíka ferð
á næstu Eurovision-keppni, árið
2011,“ segir Konráð og bætir við
að það muni eflaust gera stemn-
inguna úti magnaða að hafa svo
marga Íslendinga með héðan að
heiman. juliam@frettabladid.is
Áhugamenn um söngvakeppnina
Eurovision halda upp í hópferð
Konráð Valsson ákvað að skipuleggja hópferð Íslendinga út til Noregs á Eurovision.
Ef vel tekst til eru fleiri ferðir á dagskrá. FRÉTTABLAÐIÐ/ANTON
Evrópska EDEN-samkeppnin um
gæða áfangastaði verður haldin í
fjórða sinn í ár. Þema ársins 2010 er
sjálfbær ferðaþjónusta tengd vatni.
Ferðamálastofa óskar eftir umsókn-
um vegna keppninnar en markmið
EDEN-verkefnisins er að vekja athygli
á gæðum, fjölbreytileika og sameigin-
legum einkennum evrópskra áfanga-
staða og kynna til sögunnar nýja, lítt
þekkta, áfangastaði vítt og breitt um
Evrópu þar sem áhersla er lögð á
ferðaþjónustu í anda sjálfbærni.
Áfangastaðurinn þarf að uppfylla þrjú
skilyrði. Í fyrsta lagi má hann ekki
vera hefðbundinn ferðamannastaður
og fjöldi ferðamanna skal vera lítill. Í
öðru lagi á staðurinn að vera hannað-
ur eða skilgreindur sem áfangastaður
með áherslu á strand-, ár- eða vatna-
ferðamennsku og hafa sett sér mark-
mið um að starfa samkvæmt mark-
miðum WTO um sjálfbæra ferðaþjón-
ustu. Í þriðja lagi þarf að vera hægt
að sýna fram á áhugaverða nýsköpun
í ferðaþjónustu sem tengist vatni, sjó
eða laugum. Nánari upplýsingar má
nálgast á www.ferdamalastofa.is
EDEN-samkeppnin
haldin í fjórða sinn
FERÐAMÁLASTOFA ÓSKAR EFTIR
UMSÓKNUM UM GÆÐA ÁFANGASTAÐI
Í EVRÓPU.
Þemað í ár er sjálfbær ferðaþjónusta
tengd vatni.
INTERNETMARKAÐSRÁÐ-
STEFNAN Reykjavik Internet
Marketing Conference, verður haldin
12. mars 2010 í sölum Smárabíós.
Konráð Valsson fékk þá hugmynd fljótlega eftir að Noregur sigraði
Eurovision á síðasta ári, að gaman væri að fara nokkur saman á
næstu keppni. Úr varð fjörutíu manna hópferð til Ósló í maí. Ef vel
tekst til er stefnan að endurtaka leikinn strax á næsta ári.
Hópurinn mun mynda myndarlegt
klapplið fyrir Heru og félaga í keppninni.
Ferðamálastofa veitti alls 89
verkefnum styrk vegna úrbóta á
ferðamannastöðum fyrir 2010.
Úthlutað var 48 milljónum króna.
Lægstu styrkirnir námu 70 þús-
undum króna en þrjá hæstu
styrkina, 3 milljónir hvert, fengu
Sveitarfélagið Skagafjörður
vegna snyrtingar fyrir fatlaða við
Byggðasafn Skagfirðinga í Glaum-
bæ, Ríki Vatnajökuls við Horna-
fjörð vegna þróunarverkefnis um
vistvæna áningarstaði og Borg-
arbyggð vegna deiliskipulags og
tröppugerðar við Grábrók.
Þrír styrkir upp á
þrjár milljónir
FERÐAMÁLASTOFA VEITTI TÆPLEGA
NÍUTÍU STYRKI VEGNA ÚRBÓTA Á
FERÐAMANNASTÖÐUM
Ríki Vatnajökuls fékk styrk.