Fréttablaðið - 03.03.2010, Blaðsíða 50

22 3. mars 2010 MIÐVIKUDAGUR
sport@frettabladid.is
> Rakel Dögg áfram í Noregi
Rakel Dögg Bragadóttir, landsliðskona í handknattleik,
verður áfram í herbúðum norska félagsins Levanger
næstu tvö árin. Rakel Dögg skrifaði á
sunnudaginn undir nýjan tveggja ára
samning við félagið. Rakel kom til
félagsins í nóvember á síðasta ári en
hún hafði lítið fengið að spila með
danska félaginu KIF Vejen og færði
sig því um set. Þar hefur gengið
betur. Þjálfari Levanger er Ágúst
Þór Jóhannsson.
Handboltadómarinn Anton Gylfi Pálsson er á leið til Zagreb í
Króatíu ásamt félaga sínum, Hlyni Leifssyni. „Við leggjum á
okkur tuttugu tíma ferðalag út fyrir einn leik og svo aðra tut-
tugu til baka. Þetta er ekkert business class eins og í fótbolt-
anum.“
Anton og Hlynur eru að fara að dæma stórleik í Meistaradeild
Evrópu, viðureign Croatia Zagreb og HSV Hamburg næsta
sunnudag. Sannkallað risaverkefni.
„Við fengum að vita þetta fyrir tveimur vikum en
það ríkir alltaf leynd þar til á mánudeginum fyrir. Við
höfum fengið flotta leiki í vetur en þetta er alvöru
stórleikur,“ segir Anton sem er fullur tilhlökkunar.
„Þetta verður örugglega skemmtilegt. Fullt hús, tíu
þúsund manns og brjáluð stemning. Það gerist ekki
betra.“
Þeir félagar hafa verið að klífa metorðastigann
í handboltadómgæslunni. „Okkur gengur ágætlega. Við
höfum fengið mjög góðan meðbyr. Það var búið að segja við okkur
að við kæmum til greina sem dómarar á EM í Austurríki en svo
vorum við ekki í hópnum. Þá stefnum við bara á næsta mót. Við
vinnum hörðum höndum að því að komast þangað inn með því
að standa okkur vel,“ segir Anton.
„Við værum ekki að fá þennan leik nema við værum að fá
mjög góða dóma. Hver leikur er bara úrslitaleikur fyrir
dómara. Ef við skítum í brækurnar þarna þá fáum við ekki
svona leik aftur.“
Anton segir að vel sé fylgst með þeim. „Við erum
með erlenda eftirlitsdómara úti. Þeir eru duglegir við
að hringja í eftirlitsdómara hérna heima og athuga
hvernig gengur, athuga hvernig okkur er að ganga í
prófum og svona. Það varð líka auðveldara fyrir þá að
fylgjast með eftir að Sport-TV fór að sýna alla þessa leiki
á Netinu.“ Hægt er að sjá leikinn á sunnudaginn á Netinu
á vefsíðunni ehf-tv.com.
ANTON GYLFI PÁLSSON OG HLYNUR LEIFSSON: DÆMA STÓRLEIK Í MEISTARADEILDINNI NÆSTU HELGI
Það er ekkert business class eins og í fótboltanum
FÓTBOLTI Ísland sækir Kýpur heim
í vináttulandsleik í dag. Ísland
verður án margra fastamanna í
þessum leik. Má þar nefna Her-
mann Hreiðarsson, Grétar Rafn
Steinsson, Veigar Pál Gunnars-
son og Eið Smára Guðjohnsen.
Hermann og Grétar eru meiddir,
Veigar veikur en Eiður fær frí.
„Það er gott fyrir hann að fá
frí. Hann er að koma sér fyrir
hjá nýjum klúbbi og að reyna að
vinna sig inn. Hann fær plús í
kladdann frá klúbbnum fyrir að
vera áfram á Englandi og æfa.
Ef þetta hjálpar honum og hann
fær að spila meira þá hjálpar það
okkur líka,“ segir Ólafur Jóhann-
esson þjálfari.
Kári Árnason fær tækifæri
með landsliðinu eftir langa fjar-
veru. Ekki er langt síðan Kári var
nánast búinn að afskrifa lands-
liðið. „Þó að menn segi eitthvað
sem þið skrifið og er kannski
ekki endanlega rétt pirrar það
mig ekki. Ísland hefur ekki efni á
að vera í fýlu út í einhverja leik-
menn,“ segir Ólafur.
„Það er fínt að mæta þessu liði
núna. Við erum með þeim í riðli
á EM þannig að þetta er svolít-
ill njósnaleikur fyrir bæði lið,“
segir Ólafur en hann vanmetur
ekki andstæðinginn. „Það er ekk-
ert sjálfgefið að við vinnum leik-
inn. Kýpur er með öflugt lið og
það hafa orðið miklar framfarir
hjá þeim eins og sjá má á árangri
þeirra í Meistaradeildinni. Ísland
hefur aldrei efni á að vanmeta
neinn. Við getum ekki talið okkur
eiga að vinna neina þjóð.“ - hbg
Ísland mætir Kýpur í dag:
Kýpur er með
öflugt lið
ÓLAFUR JÓHANNESON Vanmetur ekki
lið Kýpur. FRÉTTABLAÐIÐ/STEFÁN
FÓTBOLTI Íslenska 21 árs landslið-
ið er í góðri stöðu í undankeppni
Evrópumótsins eftir 2-2 jafntefli
á móti ríkjandi Evrópumeisturum
Þýskalands í Magdeburg í gær.
Íslenska liðið lenti tvisvar undir í
leiknum en strákarnir gáfust ekki
upp og komu til baka í bæði skipt-
in. Bjarni Þór Viðarsson skoraði
jöfnunarmarkið eftir glæsilega
sókn þrettán mínútum fyrir leiks-
lok og á lokamínútunum björguðu
bæði hann og Hólmar Örn Eyj-
ólfsson með mögnuðum hætti á
marklínu eftir að svo virtist sem
aðalstjarna þýska liðsins væri að
tryggja sínum mönnum sigur.
„Þetta var glæsilegt stig. Það
sýnir þvílíkan karakter hjá okkur
að koma tvisvar til baka í þessum
leik,“ sagði Bjarni Þór Viðarsson,
fyrirliði íslenska liðsins og hetja
á báðum endum vallarins. „Þeir
fengu tækifæri í lokin en við hefð-
um líka getað skorað eitthvað í
viðbót. Þeir eru ríkjandi Evrópu-
meistarar þannig að við erum mjög
ánægðir sérstaklega þar sem þetta
stig er svo mikilvægt fyrir okkur,“
segir Bjarni.
Íslenska liðið hefur nú fimm
stiga forskot á Þýskaland í barátt-
unni um annað sætið en íslensku
strákarnir eru svo tveimur stigum
á eftir toppliði Tékka.
Timo Gebhart, sem var einn
besti leikmaður Stuttgart á móti
Barcelona í Meistaradeildinni í
dögunum, virtist vera að tryggja
þýska liðinu sigurinn í uppbótar-
tíma þegar hann lyfti boltanum
yfir Harald Björnsson markvörð
og það virtist fátt geta komið í veg
fyrir að boltinn færi inn í mark-
ið. Bjarni Þór var þó ekki búinn að
gefast upp heldur stökk á boltann
og sparkaði honum aftur fyrir sig
af marklínunni.
„Hólmar bjargaði okkur þrem-
ur mínútum áður og síðan vippaði
hann yfir markmanninn og ég varð
bara taka eins konar hjólhesta-
spyrnu til þess að koma honum í
burtu,“ lýsir Bjarni.
Kolbeinn Sigþórsson jafnaðí
leikinn í 1-1 á 13. mínútu aðeins
þremur mínútum eftir að Þýska-
land komst yfir. Þjóðverjarnir
komust síðan aftur yfir eftir stór-
sókn í upphafi seinni hálfleiks.
Bjarni skoraði jöfnunarmarkið
sitt síðan á 77. mínútu þegar hann
batt enda á frábæra íslenska sókn.
Jóhann Berg Guðmundsson lék
þá á þýska varnarmenn á vinstri
vængnum og gaf þá inn í teig á
Kolbein Sigþórsson sem virtist þó
ætla að leggja boltann fyrir sig.
Kolbeinn tók við boltanum en lét
hann svo fara til Bjarna.
„Ég kallaði á Kolla og sagði
honum að láta boltann fara og
ég hitti hann síðan ágætlega. Ég
þurfti síðan að bíða eftir því að
hann færi inn því ég hélt fyrst að
hann myndi ekki fara inn,“ segir
Bjarni Þór.
Bjarni segir að íslenska liðið
hafi vitað að Þjóðverjarnir gætu
gefið eftir í lokin. „Við vorum að
horfa á leik hjá þeim í gær þar
sem þeir voru að spila á móti
Norður-Írum. Írarnir jöfnuðu á
síðustu mínútu þannig að við viss-
um að þetta væri ekkert búið,“
segir Bjarni og strákarnir fögn-
uðu stiginu líkt og um sigur væri
að ræða.
„Við vissum að ef við myndum
ná jafntefli þá værum við í þvílíkt
góðum málum. Þeir ætluðu greini-
lega að pakka okkur saman þannig
að þetta var gaman og glæsilegt,“
sagði Bjarni að lokum.
Íslensku strákarnir og þjálf-
ararnir Eyjólfur Sverrisson og
Tómas Ingi Tómasson eiga mikið
hrós skilið fyrir frábæra frammi-
stöðu. Liðið spilaði frábæran
bolta á löngum köflum í leiknum
og sýndi síðan styrk sinn í að lifa
af stórsókn þýska liðsins í kring-
um hálfleikinn og koma sér aftur
inn í leikinn. Það verður gaman
að fylgjast með þessum strákum
í framhaldinu. ooj@frettabladid.is
Bjarni Þór var hetjan á
báðum vallarhelmingum
Bjarni Þór Viðarsson tryggði íslenska 21 árs landsliðinu 2-2 jafntefli og bjargaði
síðan á marklínu með magnaðri hjólhestaspyrnu í uppbótartíma leiksins.
FYRIRLIÐINN FÓR FYRIR SÍNUM MÖNN-
UM Bjarni Þór Viðarsson sést hér í
leiknum í Magdeburg í gær.
MYND/GETTY IMAGES
Iceland Express kvenna
Keflavík-Hamar 85-101 (42-49)
Stigahæstar: Kristi Smith 27, Birna Valgarðs
dóttir 15, Pálína Gunnlaugsdóttir 13, Svava Ósk
Stefánsdóttir 12, Bryndís Guðmundsdóttir 11 (6
stoðs.) - Julia Demirer 22 (16 frák.), Sigrún Sjöfn
Ámundadóttir 20 (13 frák.), Fanney Lind Guð
mundsdóttir 18, Kristrún Sigurjónsdóttir 13 (5
stoðs.), Koren Schram 13, Guðbjörg Sverrisd.11.
Grindavík-KR 45-66 (21-33)
Stigahæstar: Michele DeVault 11, Jovana Lilja
Stefánsdóttir 11 - Signý Hermannsdóttir 17,
Margrét Kara Sturludóttir 16 (12 frák.), Heiðrún
Kristmundsdóttir 12.
Njarðvík-Haukar 61-94 (26-43)
Stigahæstar: Ólöf Helga Pálsdóttir 17, Auður
Jónsdóttir 13, Heiða Valdimarsdóttir 12 - Heather
Ezell 33, Telma Björk Fjalarsdóttir 15, Rannveig
Ólafsdóttir 10, Kiki Lund 9.
Valur-Snæfell 58-83 (27-33)
Stigahæstar: Dranadia Roc 17, Berglind Karen
Ingvarsdóttir 15, Hrund Jóhannsdóttir 10
- Sherell Hobbs 30, Gunnhildur Gunnarsdóttir 13,
Hrafnhildur Sif Sævarsdóttir 12, Björg Guðrún
Einarsdóttir 10.
Stig liða í A-deild: KR 36, Hamar 24, Keflavík
24, Grindavík 22. Stig liða í B-deild: Haukar 24,
Snæfell 12, Njarðvík 12, Valur 6.
SEX LIÐA ÚRSLITIN
Keflavík-Snæfell og Grindavík-Haukar mætast.
KR og Hamar sitja hjá í fyrstu umferð. Það lið
sem vinnur fyrr tvo leiki kemst í undanúrslit.
ÚRSLITN Í GÆR
HANDBOLTI Aron Kristjánsson
skrifaði undir tveggja ára samn-
ing við þýska úrvalsdeildarliðið
Hannover-Burgdorf í gær. Aron
hefur náð frábærum árangri með
Hauka hér heima og og liðið varð
bikarmeistari undir hans stjórn
um síðustu helgi.
„Aron Kristjánsson var okkar
fyrsti kostur og passar
vel inn í okkar framtíð-
arsýn. Hann er ungur,
orkumikill og hefur
náð árangri,” sagði
Ulrich Karos
framkvæmda-
stjóri Hann-
over-Burgdorf á
heimasíðu félags-
ins. -óój
Aron fer til Hannover:
Samdi í gær