Fréttablaðið - 03.03.2010, Side 40

MARKAÐURINN 3. MARS 2010 MIÐVIKUDAGUR10
F R É T T I R
Jón Aðalsteinn Bergsveinsson
skrifar
Innan Arion banka er starfræktur listaklúbbur með
um 230 félagsmönnum. Hann var stofnaður fyrir
um fjórum árum og er öflugur í kynningu á ís-
lenskri og erlendri myndlist innan veggja bankans.
Meðlimir, sem eru allir starfsmenn Arion banka og
tengdra félaga, leggja eitt þúsund krónur af laun-
um í sameiginlegan sjóð um hver mánaðamót og er
fyrir það keypt í kringum þrjátíu verk eftir íslenska
myndlistarmenn. Á sex mánaða fresti er efnt til
happdrættis og dregið um þau. Þeir sem fara tóm-
hentir heim verða að bíða næsta útdráttar að hálfu
ári liðnu. Markmið listaklúbbsins er að styðja ís-
lenska myndlistarmenn og kynna íslenska list og
listamenn fyrir starfsmönnum.
Þegar ríkið yfirtók bankann haustið 2008 lagð-
ist klúbburinn í dvala. Lífi var blásið í hann í nóv-
ember í fyrra og verður fyrsti útdráttur eftir rík-
isvæðingu á fimmtudag í næstu viku.
Myndlistarmaðurinn Kristinn E. Hrafnsson er of-
arlega á blaði innan listaklúbbsins um þessar mund-
ir, að sögn Klöru Stephensen, umsjónarmanns með
listasafni bankans. Nálægt anddyrinu í höfuðstöðv-
unum í Borgartúni er skúlptúr sem var samvinnu-
verkefni Kristins og Sjóns. Kristinn stígur fljót-
lega á svið á vegum listaklúbbsins og flytur er-
indi um list sína.
Arion banki á um 1.250 listaverk, bæði málverk,
vatnslitamyndir, teikningar, ljósmyndir og skúlpt-
úra. Þar af eru um fjögur hundruð verk í geymslu.
Bankinn studdi ötullega við íslenska myndlist og
keypti mörg verk fram undir lok árs 2007. Síðan
þá hefur hann ekkert keypt en bæði fengið nokk-
ur lánuð og geymt önnur fyrir listamenn, svo sem
Hrafnkel Sigurðsson. Jafnframt á bankinn nokkur
verk eftir Hrafnkel.
Verk úr safni bankans eru víða í höfuðstöðvum
hans og í öðrum húsakynnum þar sem þau fá að
njóta sín. Önnur eru í útibúum auk þess sem bank-
inn hefur um árabil sýnt vegfarendum verk eftir
ýmsa listamenn í tveimur útstillingargluggum í
Austurstræti og við Hlemm. Þá hefur safn bank-
ans lánað verk til sýninga hjá Listasafni Íslands
og víðar.
Elstu verk úr safni Arion banka eru Öxarárfoss
eftir Ásgrím Jónsson og Flosagjá eftir Þórarin B.
Þorláksson, bæði frá 1905. Verk Þórarins var annað
tveggja verka sem bankinn gaf Listasafni Íslands í
síðustu viku – á sama tíma og hann samdi við Lista-
safnið um tólf ára kauprétt að 192 verkum, sem
talin eru á meðal dýrgripa íslenskrar listasögu.
Halda listagyðjunni
lifandi í kreppunni
Myndlist er gert hátt undir höfði í Arion banka. Starfs menn
hans safna í sjóð og kaupa um sextíu listaverk tvisvar á ári.
Í eigu Landsbankans eru um
1.700 listaverk og hjá Íslands-
banka tæp 1.100. Saman eiga
bankarnir þrír því um 4.050
listaverk af ýmsum toga,
mörg eru dýrgripir íslenskrar
myndlistarsögu eftir ástæl-
ustu listamenn þjóðarinn-
ar. Eitthvað er um verk eftir
erlenda listamenn í bönkun-
um öllum. Þau eru í miklum
minnihluta.
Listaverk bankanna eru á
meðal þeirra eigna sem samið
var um við tilfærslu eigna
úr gömlu bönkunum við fall
þeirra. Þá hafa þeir allir átt
í viðræðum við menntamála-
ráðuneytið, sem rekur málið
fyrir hönd Listasafns Íslands,
um þau verk sem flokkast til
þjóðargersema.
Bankarnir eiga rúm 4.000 verk
Á GÖNGUM ARION BANKA Forverar Arion banka studdu ötullega við listamenn þjóðarinnar. Ekkert hefur verið keypt inn af verk-
um eftir bankahrunið haustið 2008. Hér má sjá í forgrunni verk eftir Ívar Valgarðsson, sem var til sýnis í listaglugga Arion banka í
Austurstræti. Á veggnum hangir málverk eftir Kristján Davíðsson, sem sýnt var á Feneyjatvíæringnum á sínum tíma. MARKAÐURINN/ANTON
ÍSLANDSKORT Á veggjum einnar skrifstofu Arion banka eru innrammaðar eftirprent-
anir af gömlum Íslandskortum. Á hvítum miðum við kortin má lesa að þau voru gefin í
tengslum við undirritun sambankalána í gegnum tíðina. MARKAÐURINN/ANTON
Til leigu Kringlan 5, 103 Reykjavík
Glæsilegt 570 fm. skrifstofuhúsnæði á 5. hæð í lyftuhúsnæði með sameign (30 fm).
Opið skrifstofu rými að stórum hluta. Björt og rúmgóð móttaka með fl ísum og parketi
á gólfi . Sameiginleg móttaka og mötuneyti fyrir allt húsið. Aðgangur að kennslusal
sem rúmar um 50-60 manns og líkamsræktarsal mögulegur. Næg bílastæði.
Nánari upplýsingar veitir Helgi Már í s. 897-7086/ 534-1024,
hmk@atvinnueignir.is
Helgi Bjarnason, viðskiptafræðingur, MBA,
löggiltur leigumiðlari og löggiltur fasteignasali
Ólafur Jóhannsson, rekstarfræðingur,
löggiltur leigumiðlari
Alls komu 3.600 gestir í Upp-
lýsingamiðstöð ferðamanna
vikuna 14. til 20. febrúar síð-
astliðinn. Þetta er um 25 pró-
sent fjölgun miðað við venju-
lega febrúarviku samkvæmt
upplýsingum frá Höfuðborg-
arstofu.
Sif Gunnarsdóttir, forstöðu-
maður stofunnar, segir fjölgun-
ina skýrast af vetrarfríi í Evr-
ópu og Valentínusarferðum frá
Bretlandi.
Hún segist bjartsýn á sumar-
ið, ekki síst vegna mikillar um-
fjöllunar um Ísland í erlendum
fjölmiðlum. Þannig var land-
ið valið það besta fyrir sund í
febrúarhefti bandaríska ferða-
tímaritsins Business Traveler.
„Við fáum gríðarlega mikið af
fyrirspurnum frá blaðamönn-
um frá Evrópu og Bandaríkjun-
um, meðal annars ferða- og lífs-
stílstímaritum,“ segir Sif.
Hún býst þó ekki við spreng-
ingu í fjölda ferðamanna. „Það
eimir enn eftir af kreppu í
heiminum. Engar sérstakar
ráðstafanir hafa verið gerðar
fyrir sumarið.“ Því verður sami
fjöldi starfsmanna í miðstöðv-
um borgarinnar í sumar.
Í könnun Ferðamálastofu
kom fram að áætlaðar tekjur af
komu ferðamanna til landsins
árið 2009 hafi verið 155 millj-
arðar króna. Þetta er 21 pró-
sents raunaukning frá árinu
áður og er ferðaþjónustan orðin
ein helsta gjaldeyrisuppspretta
þjóðarinnar. - kk
Umfjöllun erlendis
skilar ferðamönnum
Umhverfinu er hætta búin af
gömlum raftækjum sem safn-
ast upp, einkum í þriðja heim-
inum. Þetta er meðal þess sem
fram kemur í nýrri rannsókn um-
hverfisráðs Sameinuðu þjóðanna
(UNEP). Talið er að úrgangur af
völdum gamalla tölva, síma og
annarra raftækja sé um 36 millj-
ón tonn ár hvert.
Framkvæmdastjóri ráðsins,
Achim Steinar, segir að lönd
heimsins séu illa búin undir ruslið
sem safnast hefur upp af völdum
raftækja ýmiss konar undanfar-
in áratug. Hann segir einnig að
Bandaríkjamenn og Evrópubúar
hafi gefið ónýtar tölvur til Afríku-
landa með þróunaraðstoð að yf-
irskini. Tölvunum sé svo hent á
haugana í útjaðri fátækrahverfa
þar sem þær eru mögulegir meng-
unarvaldar.
Bent er á að endurvinnsla
ónýtra raftækja sem fer fram í
Kína og á Indlandi fer yfirleitt
fram án eftirlits og þannig að um-
hverfinu stafar hætta af. Tækin
eru brædd með það að markmiði
að ná út þeim málmum á borð við
gull, með tilheyrandi hættulegri
útgufun. Varað er við því að magn
úrgangsins muni aukast mjög á
næstu árum. - sbt
Gömul raftæki valda
skaða á umhverfinu
TÖLVUR Í HAUGUM Starfsmaður í verk-
smiðju á Indlandi flokkar ónýtar tölvur
áður en þær eru endurunnar.
MARKAÐURINN/AP
Á LAUGAVEGI Ferðamenn voru fjölmennir hérlendis í febrúar.