Fréttablaðið - 06.03.2010, Blaðsíða 8
6. mars 2010 LAUGARDAGUR
Óskast í 101 Reykjavík
Einbýlishús
Staðgreiðsla fyrir vandað hús á góðum stað
Svar sendist á hus101reykjavik@gmail.com
KOSNINGAR Líklegt þykir að stuðn-
ingur sitjandi sveitarstjórnar við
fyrirhugaða Urriðafossvirkjun
í Þjórsá verði stærsta kosninga-
málið í sveitarstjórnarkosning-
um í Flóahreppi í vor, enda verður
virkjunin vart komin á aðalskipu-
lag fyrir kosningar.
„Það stefnir í að það verði óbeint
kosið um þetta mál,“ segir Almar
Sigurðsson, bóndi á Lambastöðum,
og einn aðstandenda nýs framboðs
sem nú er í burðarliðnum.
Ekki er enn ljóst hvort hópurinn
sem stendur að framboðinu nær
að setja fram lista fyrir kosning-
arnar, en Almar segir það líklega
skýrast á fundi í næstu viku.
Nýju aðalskipulagi Flóahrepps,
þar sem gert var ráð fyrir Urriða-
fossvirkjun, var nýverið hafnað af
Svandísi Svavarsdóttur umhverf-
isráðherra, þar sem Landsvirkjun
hafði greitt kostnað vegna skipu-
lagsins.
Það þýðir að leggja þarf í vinnu
við nýtt skipulag, sem afar hæpið
er að takist að klára fyrir sveit-
arstjórnarkosningar í vor. Það
mun því koma í hlut nýrrar sveit-
arstjórnar að ákveða endanlega
hvort virkjunin kemst á aðalskipu-
lagið eða ekki.
„Eins og þessi mál liggja við mér
ætlaði sveitarstjórnin að þvinga
virkjunina í gegnum kerfið gegn
vilja íbúa,“ segir Almar. Í ljós hafi
komið strax árið 2007 að meirihluti
kjósenda í hreppnum sé andvígur
virkjuninni. Því sé sveitarstjórnin
að vinna gegn vilja meirihluta íbúa
sveitarfélagsins.
„Það eru töluverðar líkur á að
þetta verði eitt af kosningamálun-
um,“ segir Aðalsteinn Sveinsson,
oddviti hreppstjórnar Flóahrepps.
Vonandi verði þetta þó ekki eina
málið sem verði rætt fyrir kosning-
Kosið um virkjun
í Flóahreppi í vor
Unnið er að nýju framboði fyrir sveitarstjórnarkosningarnar í Flóahreppi í vor.
Aðstandendur framboðsins eru ósáttir við afstöðu sveitarstjórnarinnar til virkj-
unar í Þjórsá. Kosningarnar gætu snúist að mestu um afstöðu til virkjunarinnar.
URRIÐAFOSS Tæplega 400 kosningabærir íbúar í Flóahreppi munu að einhverju
leyti kjósa í sveitarstjórnarkosningum í vor eftir afstöðu þeirra til fyrirhugaðrar
virkjunar Landsvirkjunar við Urriðafoss í Þjórsá. FRÉTTABLAÐIÐ/ANTON
Kosið var milli tveggja lista í sveitarstjórnarkosningum í Flóahreppi í síð-
ustu sveitarstjórnarkosningum. Hvorugur listinn var tengdur flokkapólitík.
Rúmlega 400 eru á kjörskrá. Sjö sitja í sveitarstjórn. Þ-listi meirihlutans
hefur fjóra fulltrúa og Flóalistinn þrjá. Sveitarstjórnin öll hefur verið fylgjandi
virkjun Þjórsár við Urriðafoss.
SVEITARSTJÓRNIN FYLGJANDI VIRKJUN
ORKUMÁL Sveitarstjórn Flóahrepps
hefur ákveðið að stefna Svan dísi
Svavarsdóttur umhverfisráðherra
fyrir dóm til að freista þess að
ógilda úrskurð hennar um aðal-
skipulag hreppsins.
„Okkur finnst nauðsynlegt að fá
úr því skorið hvort önnur lög gildi í
Flóahreppi en annars staðar á land-
inu,“ segir Aðalsteinn Sveinsson,
oddviti sveitarstjórnar hreppsins.
Svandís ákvað með úrskurði í lok
janúar að staðfesta ekki nýtt aðal-
skipulag Flóahrepps og Skeiða- og
Gnúpverjahrepps, þar sem meðal
annars er gert ráð fyrir virkjun
Landsvirkjunar við Urriðafoss í
Þjórsá. Ástæðan var sú að hún taldi
þátttöku Landsvirkjunar í kostnaði
sveitarfélaganna við skipulags-
vinnu stangast á við skipulags- og
byggingarlög.
Aðalsteinn segir margt orka tví-
mælis í úrskurði ráðherra, og svo
virðist sem ákvörðun hennar hafi
ekki verið tekin á faglegum for-
sendum. Hann reiknar með því
að farið verði fram á flýtimeðferð
fyrir dómi, en óvíst sé hversu lang-
an tíma málaferlin geti tekið.
Engin ákvörðun hefur verið tekin
um málshöfðun í Skeiða- og Gnúp-
verjahreppi, segir Gunnar Örn
Marteinsson, oddviti hreppsnefnd-
ar. Líklegra sé að nýtt skipulag
verði unnið en að farið verði með
úrskurð ráðherra fyrir dómstóla.
- bj
Sveitarstjórn Flóahrepps stefnir umhverfisráðherra vegna ákvörðunar um virkjun:
Sömu lög gildi á öllu landinu
UMDEILD ÁKVÖRÐUN Svandís Svavars-
dóttir umhverfisráðherra staðfesti ekki
aðalskipulag tveggja hreppa við Þjórsá
vegna þátttöku Landsvirkjunar í kostnaði
við skipulagsvinnu. FRÉTTABLAÐIÐ/HEIÐA
arnar, enda snúist rekstur sveitar-
félagsins um allt önnur mál.
Rúmlega 400 manns eru á kjör-
skrá fyrir kosningarnar, og segir
Aðalsteinn það vissulega orka
tvímælis að svo lítill hópur taki
ákvörðun um svo stórt mál fyrir
íslenskt samfélag. Þannig séu þó
lögin, og eftir þeim verði að fara.
Valdimar Guðjónsson, oddviti
Flóalista, segir línurnar ekki farn-
ar að skýrast fyrir kosningarnar
í vor, en þó sé ljóst að hann muni
sjálfur stíga til hliðar eftir 20 ár í
sveitarstjórnarpólitíkinni.
Hann segir erfitt að átta sig á
því hvaða áhrif andstaða við virkj-
unina muni hafa, þó að sennilega
verði hún kosningamál. Andstaða
við virkjunina árið 2007 segi ekki
alla söguna í dag, því líklegt sé að
ýmsir sem áður hafi verið and-
snúnir virkjuninni hafi nú skipt
um skoðun. brjann@frettabladid.is
BRETLAND, AP „Enginn vill fara í
stríð, enginn vill horfa upp á sak-
laust fólk deyja,“ sagði Gordon
Brown, forsætisráðherra Breta, í
yfirheyrslu hjá breskri rannsóknar-
nefnd í gær. Engu að síður sagðist
hann sannfærður um að það hefði
verið rétt ákvörðun að senda breska
hermenn til Íraks vorið 2003.
„Ég held að það hafi verið rétt
ákvörðun og byggð á réttum for-
sendum,“ sagði Brown, sem var
fjármálaráðherra í ríkisstjórn Tony
Blair þegar sú ákvörðun var tekin.
Hann sagði það þó ekki hafa verið
stefnu breska ríkisins að fara í stríð
til þess að steypa Saddam Hussein
af stóli, jafnvel þótt Tony Blair
hafi í yfirheyrslum hjá sömu nefnd
sagt innrásina í Írak réttlætanlega
vegna þess að með henni hafi verið
bundinn endi á stjórnartíð Sadd-
ams. Stríð hafi hins vegar verið
eini kosturinn þegar allir aðrir
höfðu verið reyndir til að fá Íraka
til að verða við kröfum Sameinuðu
þjóðanna.
Brown beindi hins vegar spjót-
um sínum að Bandaríkjamönnum,
og kenndi þeim um þau mistök sem
gerð hafi verið við uppbyggingu í
Írak eftir innrásina. - gb
Gordon Brown í yfirheyrslum rannsóknarnefndar um Íraksstríðið:
Stendur enn við ákvörðunina
GORDON BROWN Forsætisráðherrann á
leið til yfirheyrslu. NORDICPHOTOS/AFP