Fréttablaðið - 06.03.2010, Blaðsíða 76

44 6. mars 2010 LAUGARDAGUR
timamot@frettabladid.is
SIGMUNDUR ERNIR RÚNARSSON
ALÞINGISMAÐUR ER FÆDDUR
ÞENNAN DAG ÁRIÐ 1961.
„Í pólitík þurfa menn ein-
att að óska sér. Og sumt
rætist, annað ekki.
Sigmundur Ernir er fjöl-
miðlamaður og skáld. Nú
situr hann á Alþingi Íslend-
inga fyrir Samfylkingu.
MERKISATBURÐIR
1853 Óperan La Traviata eftir
Giuseppe Verdi er frum-
sýnd í Vínarborg.
11920 Kaupfélag Reykjavíkur
og nágrennis er stofnað,
skammstafað KRON.
1930 Fryst matvæli eru seld í
fyrsta skipti í Bandaríkj-
unum.
1969 Sex menn farast þegar
sprenging verður um
borð í togaranum Hall-
veigu Fróðadóttur á
Faxaflóa.
1979 Tveir ungir menn farast í
snjóflóði í Þverdalshorni í
Esjunni.
1998 Í Mývatnssveit mælist
34,7 gráðu frost á Celsíus
sem er hið mesta á land-
inu í 80 ár.
Fyrsti togarinn sem
Íslendingar eignuð-
ust kom til landsins
þennan dag árið
1905. Hann hét
Coot og var keyptur
hingað gamall frá
Bretlandi. Þar með
má segja að bylting
hefjist í atvinnusögu
þjóðarinnar því
áður en hann kom
til sögunnar var
togaraútgerð hér á landi í eigu útlendinga.
Stofnun Íslandsbanka árið áður hafði jákvæð
áhrif á atvinnulífið og varð meðal annars
lyftistöng fyrir íslenska togaraútgerð sem varð
að arðvænlegri
atvinnugrein upp
úr þessu. Ekki
liðu nema tæp
tvö ár þar til fyrsti
nýsmíðaði togari
landsmanna,
Jón forseti, kom
til landsins fyrir
atbeina Thors
Jensen athafna-
manns, sem var
einn af eigend-
um hlutafélagsins Alliance. En Coot var í eigu
Fiskveiðihlutafélags Faxaflóa sem var fyrsta
innlenda togarafélagið og hann var gerður út
frá Hafnarfirði. Hann var knúinn gufuvél.
ÞETTA GERÐIST: 6. MARS 1905
Fyrsti togarinn í eigu Íslendinga
Á sýningunni Strengir í Gerðubergi gefur að líta leikbrúður,
búninga og grímur eftir Messíönu Tómasdóttur frá nokkrum
sýningum Strengjaleikhússins. Sýningin er litrík og heill-
andi og höfðar jafnt til barna og fullorðinna.
Á morgun, sunnudag, klukkan 14 veitir Messíana gestum
leiðsögn um sýninguna en síðasta sýningarhelgin stendur
nú yfir.
Messíana stofnaði Strengjaleikhúsið árið 1983 en nafn
leikhússins vísar til strengja í brúðum og hljóðfærum. Frá
stofnun hefur leikhúsið flutt fjölda tónlistar- og leikbrúðu-
verka, ásamt því að frumflytja leikverk með nútímatónlist,
aðallega óperur. Í mörgum verkanna hafa leikarar skýr og
sýnileg hlutverk og stjórna að auki brúðunum, en í öðrum
verkum eru þeir lítt áberandi og falla sem mest inn í bak-
grunninn. Sýningar Strengjaleikhússins eru margar gerðar
sérstaklega fyrir börn en Messíana vinnur þá námsefni til
þess að auka ánægju og skilning áhorfenda.
Búningar og grímur á sýningunni Strengir eru úr óper-
unni Skuggaleikur, barnaóperunni Undir drekavæng, óperu-
leiknum Maður lifandi og brúðuverkinu Spor regnbogans.
Leikbrúður eru frá brúðusýningunum Bláa stúlkan, Sjö
spegilmyndir, ævintýraóperunni Sónata og barnaóperunni
Undir drekavæng.
Leiðsögn í sýningarlok
MESSÍANA TÓMASDÓTTIR stofnaði Strengjaleikhúsið 1983 og leiðir
fólk um sýninguna Strengir í Gerðubergi á morgun klukkan 14.
„Það eru margar góðar og duglegar
konur í félaginu sem eru alltaf tilbún-
ar að taka að sér verkefni þegar á þarf
að halda,“ segir Anna Karen Kristjáns-
dóttir, formaður Kvenfélagsins Hlíf-
ar á Ísafirði. Félagið mun halda upp
á hundrað ára afmæli á morgun með
veglegu Hlífarsamsæti.
Einnig stendur það fyrir útgáfu
afmælisblaðs og sögusýning verður í
Safnahúsinu síðar á árinu.
Þó að Kvenfélagið Hlíf hafi verið
stofnað 6. mars 1910 var starfsemi
þess hafin þremur árum áður, að
sögn Önnu Karenar. Þá höfðu nokkr-
ar konur fundið hjá sér þörf fyrir að
gera eitthvað fyrir gamalt fólk og ein-
stæðinga. Þær héldu þeim matarveislu
og það er upphafið að Hlífarsamsæt-
inu sem hefur verið árvisst síðan. Nú
er 70 ára og eldra fólki á Ísafirði og í
Hnífsdal jafnan haldið herlegt kaffi-
boð. „Við berum meðal annars fram
heitt súkkulaði í fínum könnum,“ tekur
Anna Karen fram glaðlega og segir
líka heilmikla dagskrá hafa verið und-
irbúna. „Hlífarkórinn æfir alltaf sér-
staklega fyrir samsætin og félagar úr
Litla leikklúbbnum mun syngja lög úr
sýningunni Vegir liggja til allra átta.
Síðan verður sýning á þjóðbúningum
og einnig skrautsýning sem er ætlað
að vekja hughrif, þær voru algeng-
ar á árum áður. Svo er alltaf dansað
í lokin.“
Hlíf sinnir menningar- og líknar-
málum í sinni heimabyggð og stendur
í fjáröflun með bösurum, hlutaveltum
og blómasölu. Í því eru milli 50 og 60
konur, að sögn formannsins, þar af
25-30 virkar. „Við reynum að styðja
við kirkjuna, skólann, sjúkrahúsið
og fleiri stofnanir á svæðinu,“ segir
hún og telur hafa lifnað yfir félaginu í
seinni tíð. „Það hafa yngri konur geng-
ið í félagið á undanförnum árum og
starfsemin er lífleg. Við höldum allt-
af fimm fundi yfir veturinn og reynum
að breyta áherslum í takt við tímann.
Auk þess höfum við verið duglegar að
fara í ferðalög. Árið 2008 fórum við í
fyrsta sinn til útlanda og þá til Fær-
eyja. Það var mjög skemmtilegt.“
Anna Karen er Ísfirðingur og var
ung þegar hún gekk í Kvenfélagið
Hlíf en er á þriðja ári sínu sem for-
maður. „Ég kem úr mikilli kvenfé-
lagsfjölskyldu,“ segir hún hlæjandi.
„Mamma mín var í Hlíf og við syst-
urnar sjö ólumst upp í kvenfélagsanda.
Ein okkar býr í útlöndum en við hinar
höfum verið í kvenfélögum víða um
landið, sumar formenn.“
Á tímabili telur Anna Karen hafa
verið litið á kvenfélög sem úrelt fyr-
irbæri og segir þau ekki öll hafa lifað
það tímabil af. „En viðhorf til kvenfé-
laga hafa breyst á allra síðustu árum,“
segir hún. „Þau eru orðin jákvæðari.“
gun@frettabladid.is
KVENFÉLAGIÐ HLÍF ÍSAFIRÐI: FAGNAR ALDARAFMÆLI MEÐ SAMSÆTI Á MORGUN
Áherslurnar í takt við tímann
FORMAÐURINN „við reynum að styðja við
kirkjuna, skólann, sjúkrahúsið og fleiri stofn-
anir,“ segir Anna Karen. MYND/HENNA RIIKKA NURMI
Ástkær móðir okkar, tengdamóðir,
amma og langamma,
Sigurbjörg
Þorsteinsdóttir
Hrafnistu, Reykjavík, áður til heimilis
að Kirkjuvegi 12, Keflavík,
lést mánudaginn 1. mars. Útförin fer fram frá
Keflavíkurkirkju, fimmtudaginn 11. mars kl. 14.00.
Guðný Helga Jónsdóttir Björn Baldursson
Guðmundur Jónsson Inga Ólafsdóttir
Brynjar Jónsson
barnabörn og barnabarnabörn.
„Ég er við Jökulsá. Við
höfum verið að setja upp
50 tonn af steypuklumpum
með flekum á sem mynd-
irnar mínar verða skrúfað-
ar upp á,“ segir Ragnar Th.
Sigurðsson ljósmyndari sem
opnar ljósmyndasýningu
á morgun klukkan 14 við
Jökulsárlón á Breiðamerk-
ursandi. „Þetta er rosa-
lega flott, segi ég í minni
mestu hógværð,“ heldur
hann áfram. „Myndirnar
eru allar af Vatnajökli, það
er flóð, það er eldgos, það
er Hnúkurinn, jakarnir og
veðrið. Allur pakkinn. Sýn-
ingin er á eystri bakka lóns-
ins og jakarnir og Öræfajök-
ull eru í baksýn.“
Fjölbreyttir menning-
arviðburðir eru í Austur-
Skaftafellssýslu þessa helgi
því auk sýningar Ragnars
Th. er blúshátíð á Höfn, góu-
hóf í Öræfum og sýningar á
Höfn. Guðrún Ingólfsdóttir
sýnir í Kartöflugeymslunni
og í Miklagarði og Pakkhús-
inu sýna Hanna Jónsdótt-
ir, Daníel Imsland, Hafþór
Reynisson og Jón Björnsson
verk sín. - gun
Ég er við Jökulsá
JÖKULSÁRLÓN Óteljandi myndir hafa verið teknar við lónið en sjald-
gæft er að ná selunum með. MYND/RAGNAR TH.
Listasmiðjan Litróf flytur
tónleika í Fella- og Hóla-
kirkju á sunnudagskvöld.
Listasmiðjan, sem er hluti
af þróunarstarfi kirkjunnar
með innflytjendum, er fyrir
börn frá átta ára aldri, bæði
íslensk og af erlendu bergi
brotnu. Markmiðið er að
skapa jákvæðan vettvang
fyrir börn þar sem þau geta
tekið þátt í þroskandi verk-
efnum í góðu umhverfi.
Helstu viðfangsefni Lit-
rófs eru tónlist, dans og
listræn hreyfing. Foreldrar
leggja listasmiðjunni lið og
styðja við starfsemina. Fjöl-
breytt dagskrá er í boði og
tónleikarnir ættu að höfða
til allra aldurshópa. - ná
Söngur Litrófs
LITRÓF Börnin í kór Listasmiðj-
unnar Litrófs.