Fréttablaðið - 06.03.2010, Blaðsíða 74

42 6. mars 2010 LAUGARDAGUR
P
aul Dano fæddist
19. júní 1984 í New
York. Leiklistin átti
fljótt hug hans allan
og þegar hann var
aðeins tólf ára lék
hann í sínu fyrsta verki á Broad-
way. Hann var sautján ára þegar
hann lék í sinni fyrstu kvikmynd,
L.I.E. Þar fór Brian Cox með aðal-
hlutverkið og tókust þá með þeim
góð kynni sem endurnýjuðust
síðan í The Good Heart.
Föðurímyndin Brian Cox
„L.I.E. var fyrsta myndin sem
ég lék í með Brian. Hann var þá
hálfgerð föðurímynd bæði fyrir
mig og persónuna í myndinni,
enda var ég frekar ungur á þess-
um tíma. En þegar kom að þess-
ari mynd [The Good Heart] höfðu
hlutirnir breyst dálítið. Ég er bara
25 ára en vonandi orðinn fullorð-
inn. Fyrir vikið var vinátta mín
og Brians dýpri og ég var meira á
hans bylgjulengd sem manneskja,“
segir Dano á yfirvegaðan hátt. „Ég
hafði séð honum bregða fyrir af og
til í New York og mér líkar mjög
vel við hann. Mér finnst hann frá-
bær leikari og ég var virkilega
spenntur fyrir því að geta unnið
aftur með honum. Ég er líka orð-
inn allt annar leikari núna, þannig
að þetta var öðruvísi reynsla hvað
það varðar.“
The Good Heart fjallar um
hjartveikan bareiganda (Cox) sem
tekur ungan heimilislausan mann
(Dano) undir sinn verndarvæng
með það að markmiði að hann taki
við rekstri barsins.
Dano hafði ekki séð verk leik-
stjórans Dags Kára þegar hann
fékk handritið sent til sín. „Ég
las það og fannst það gott. Mér
finnst sjónarhorn hans einstakt og
stemningin í myndunum hans góð.
Ég hef líka mjög gaman af flott-
um barsenum,“ segir Dano, sem
er ánægður með The Good Heart.
„Mér fannst veröldin sem hann
skapaði flott, mér fannst Brian
Cox frábær og öndin líka og hund-
urinn,“ segir hann og hlær. „Dagur
semur líka tónlistina í myndinni
og mér finnst hún hafa töluvert að
segja varðandi stemninguna.“
Hæfileikaríkur Dagur Kári
Dano hefur á ferli sínum unnið
með mörgum af þekktustu leik-
stjórum Hollywood. Hann starf-
aði með Paul Thomas Anderson
í There Will Be Blood, Ang Lee í
Taking Woodstock og Spike Jonze
í Where The Wild Things Are.
Spurður hvort Dagur Kári eigi
möguleika á að ná jafn langt og
þeir segir Dano að Dagur sé þegar
orðinn mjög góður leikstjóri. „Mér
fannst Nói Albinói falleg mynd og
ég fíla allt sem hann hefur gert.
Ég vona að hann geti gert margar
myndir til viðbótar. Það er gaman
að fleiri raddir séu farnar að heyr-
ast frá Íslandi sem eru að reyna
fyrir sér utan landsteinanna og ég
vona að hann geri aðra mynd sem
allra fyrst,“ segir hann og getur
vel hugsað sér að vinna aftur með
íslenska leikstjóranum.
Saknar Íslands
Tökur á The Good Heart fóru fram
bæði í New York og á Íslandi og
dvaldi Dano í um tvo mánuði í
Reykjavík. „Ég sakna Íslands. Ég
átti góðan tíma þar. Þetta er falleg-
ur staður og allir voru vingjarn-
legir. Ég hlakka mikið til að fara
þangað aftur,“ segir hann. „Ég
eignaðist góða vini þar og ég hef
bara góða hluti að segja um land
og þjóð. Þetta var góður tími og
um helgar gat ég ekið um og skoð-
að marga fallega staði.“
Dano hefur gert töluvert af því
að leika í smærri myndum á borð
við The Good Heart. Hann segist
fyrst og fremst horfa í gott hand-
rit og persónusköpun þegar kemur
að því að velja hlutverk, en ekki
stærð myndarinnar. Hann hefur
þó áhuga á að leika í vísindaskáld-
sögumynd í framtíðinni. „Reynsla
mín af Íslandi var einstök vegna
þess að tökuliðið var svo lítið,
en á góðan hátt. Fólkið var mjög
duglegt og allir náðu vel saman.
Þetta var frábrugðið því að leika
í stórri mynd með mikið af fólki
allt í kring.“ Hann er fúll yfir því
að hafa ekki komist á frumsýn-
ingu The Good Heart í Reykjavík
vegna mikilla anna. „Ég verð bara
að reyna að koma einhvern tímann
seinna á þessu ári.“
Tom Cruise er duglegur
Dano er upptekinn um þessar
mundir enda ung og upprennandi
kvikmyndastjarna. Fjórar myndir
eru væntanlegar með honum, þar
á meðal Knight and Day, þar sem
hann leikur á móti Tom Cruise,
Cameron Diaz og Peter Sars-
gaard. „Mér líkar mjög vel við
hann,“ segir Dano um stórstjörn-
una Cruise. „Hann er einn dug-
legasti náungi sem ég hef unnið
með. Hann vill alltaf gera hlutina
enn betur og sér til þess að allir
séu með á nótunum. Það er eitt-
hvað sem ég ber mikla virðingu
fyrir,“ segir hann og nefnir einn-
ig að gaman hafi verið að starfa
með Diaz og Sarsgaard. „Um leið
og maður fer að eyða tíma með
þessu fólki verður það eins og
hver önnur manneskja.“ Dano lék
einnig á móti Katie Holmes, eigin-
konu Cruise, í gamanmyndinni The
Extra Man og segir að þau hafi náð
mjög vel saman. Önnur væntanleg
mynd hans er For Ellen í leikstjórn
So Young Kim. Hún framleiddi á
sínum tíma myndina Salt sem var
tekin upp á Íslandi með íslenskum
leikurum og kom út 2003. Leik-
stjórinn var maður hennar Bradley
Rust Gray og bjuggu þau hér á
landi í tvö ár meðan á tökunum
stóð. „Þau búa í Brooklyn eins og
ég. Mér finnst þetta vera gullfalleg
saga,“ segir hann um For Ellen þar
sem hann leikur á móti Jon Heder
úr myndunum Blades of Glory og
Napoleon Dynamite.
Ég hef nú hafið störf á tannlækna-
stofunni Krýnu ehf. að Grensásvegi
48 í Reykjavík.
Tímapantanir eru í síma 553 4530.
Ásgeir Gunnar Ásgeirsson
tannlæknir
TANN LÆKN ASTOFA
Grensásvegur 48, 108 Reykjavík | S. 553 45 30 | www.kryna.is
Eignaðist góða vini á Íslandi
PAUL DANO Leikarinn Paul Dano hreifst mjög af Íslandi þegar hann dvaldi hér í tvo mánuði fyrir tveimur mánuðum. NORDICPHOTOS/GETTY
Knight and Day (2010)
The Extra Man (2010)
Where The Wild Things Are (2009)
The Good Heart (2009)
Taking Woodstock (2009)
Little Miss Sunshine (2008)
The Ballad of Jack and Rose (2005)
The Girl Next Door (2004)
L.I.E. (2001)
Helstu hlutverk
➜ Í UPPÁHALDI
Dano á mikið af uppáhaldskvik-
myndum. „Þegar ég var tólf ára var
það Jack Nicholson sem vakti fyrst
áhuga minn á leiklist. Five Easy
Peaces og One Flew Over the Cuck-
oo´s Nest voru í miklu uppáhaldi en
núna er úr mörgu að velja. Ein af
uppáhaldsmyndunum mínum er Le
samourai eftir Jean-Pierre Melville.
Ég fíla líka nútímaleikstjóra á borð
við Terence Malick, Jim Jarmusch og
Alfonso Cuarón. Dumb and Dumber
er líka í miklu uppáhaldi.“
Á TÖKUSTAÐ Paul Dano ásamt
leikstjóranum Degi Kára á tökustað
The Good Heart í New York.
Bandaríski leikarinn
Paul Dano fer með
annað aðalhlutverk-
anna í nýjustu mynd
Dags Kára Péturssonar,
The Good Heart. Í við-
tali við Frey Bjarnason
ræðir hann um kynni
sín af Íslandi, Degi Kára
og kvikmyndastjörnum
á borð við Tom Cruise.
Ég sakna Íslands. Ég átti góðan
tíma þar. Þetta var fallegur stað-
ur og allir voru vingjarnlegir.
Þetta var góður tími og um helgar gat ég ekið
um og skoðað marga fallega staði.