Fréttablaðið - 06.03.2010, Blaðsíða 2
2 6. mars 2010 LAUGARDAGUR
Kalli Bjarni, ætlið þið að leika
fyrir sauðsvartan almúgann?
„Já, en við verðum ljúfir sem lömb.“
Tónlistarmennirnir Kalli Bjarni og Einar
Ágúst Víðisson troða upp saman eftir
viku undir nafninu Svörtu sauðirnir.
EFNAHAGSMÁL Stjórnvöld verða, líkt
og aðrir, að bíða niðurstöðu Hæsta-
réttar um lögmæti gengisbundinna
lána, að sögn Gylfa Magnússon-
ar viðskiptaráðherra. „Það er eitt-
hvað hægt að liðka fyrir niðurstöðu,
en það er ekkert til sem heitir flýti-
meðferð fyrir Hæstarétti,“ segir
hann og kveður því svigrúm til að
flýta niðurstöðu afar takmarkað.
„Erfitt er að sjá að nokkur leið
sé til þess að löggjafar- eða fram-
kvæmdarvaldið stökkvi fram fyrir
og grípi í raun fram fyrir hendurn-
ar á dómstólum sem eiga að skera úr
um réttaróvissu.
Það væri varla
til bóta og gæti
búið til hættu
á því að ríkis-
valdið lenti með
þetta allt í fang-
inu og þyrfti að
greiða háar fjár-
hæðir í bætur
ef það tæki rétt
annaðhvort af þeim sem hafa tekið
eða hafa veitt slík lán.“
Gylfi bendir á að á meðan niður-
stöðu sé beðið geti fólk nýtt sér þau
úrræði sem standi til boða og eiga
að lækka greiðslubyrði lána sem
tekin voru í erlendri mynt. „Og fara
kannski í sumum tilfellum mjög
nærri því að gera hana svipaða og
yrði ef dómur fellur þannig að hann
geri þessi lán ólögmæt.“
Gylfi segir svo annan handlegg
hvort stjórnvöld verði tilbúin með
leiðir til úrlausnar eftir því hver
niðurstaða Hæstaréttar verður, að
svo miklu leyti sem það standi upp
á löggjafar- eða framkvæmdarvald-
ið. „Það er vitaskuld hægt að skoða
þau mál.“ - óká
Viðskiptaráðherra segir að bíða verði niðurstöðu Hæstaréttar um erlend lán:
Ríkið gæti skapað sér bótaskyldu
HEILBRIGÐISMÁL „Ég hef tekið af öll tvímæli með
nýrri reglugerð að þessi hópur á rétt á 95 prósenta
endurgreiðslu frá ríkinu,“ segir Álfheiður Inga-
dóttir heilbrigðisráðherra sem undirritaði í gær
nýja reglugerð um aukna þátttöku sjúkratrygg-
inga í nauðsynlegum tannlækninga- og tannrétt-
ingakostnaði vegna alvarlegra afleiðinga fæðing-
argalla, sjúkdóma eða slysa.
Kostnaður vegna ákvörðunarinnar er áætlaður
um 140 milljónir króna í ár. Gamla fyrirkomulagið
fól í sér að greitt var hlutfall af gjaldskrá Sjúkra-
trygginga Íslands sem ekki hefur verið uppfærð í
samræmi við verðlagsbreytingar.
Því var breytt með reglugerð um síðustu áramót
en hún þótti misheppnuð að mati aðstandenda og
tannlækna.
„Þetta er klárlega stórt skref í réttarbótum og
virðingarverð lagfæring,“ segir Árni Stefáns-
son, stjórnarmaður í Breiðum brosum, samtökum
aðstandenda barna með skarð í vör eða gómi. Árni
vildi þó hafa allan vara á þar til hann hefur skoðað
reglugerðina en ákvæði hennar munu gilda fyrir
hópinn frá 1. janúar síðastliðnum. „Við höfum auð-
vitað barist fyrir fullri endurgreiðslu en 95 pró-
sent er mjög gott.“
Árlega fæðast um ellefu börn með skarð í vör
eða góm en auk þeirra nær reglugerðin til þeirra
sem vantar í tennur vegna fæðingargalla eða
lenda í slysi sem tryggingar ná ekki yfir, alls um
80 manns á ári hverju. - sbt
95% af kostnaði vegna tannviðgerða og -réttinga vegna fæðingargalla endurgreidd:
Stórt skref stigið í réttlætisátt
GYLFI MAGNÚSSON
ÁLFHEIÐUR INGADÓTTIR ÁRNI STEFÁNSSON
LÖGREGLUMÁL Brasilískir sérsveit-
armenn sóttu gæsluvarðhalds-
fangann Hosmany Ramos hingað
til lands í gær. Þeir fylgdu honum
til Brasilíu þar sem hann heldur
áfram afplánun á ellefu árum sem
hann á eftir af 25 ára fangelsisvist
sem hann var dæmdur til á sínum
tíma fyrir mannrán, rán og fleiri
alvarleg brot.
Sérsveitarmennirnir sóttu
Ramos í hegningarhúsið við Skóla-
vörðustíg um sexleytið í gær-
morgun og fóru með hann beint
út á Keflavíkurflugvöll. Honum
skaut upp hér á landi í ágúst í
fyrra. Hann var þá eftirlýstur af
Interpol þar sem hann hafði ekki
skilað sér aftur í fangelsið í Bras-
ilíu úr jólaleyfi. - jss
LEIDDUR ÚT Sérsveitarmenn leiddu
Ramos út úr hegningarhúsinu snemma
í gærmorgun og fluttu hann rakleiðis til
Brasilíu. FRETTABLADID/GVA
Brasilíski lýtalæknirinn farinn:
Sérsveitarmenn
sóttu Ramos
FANGELSISMÁL „Hér eftir munum
við láta landamæraeftirlit vita af
dagsleyfum fanga,“ segir Páll E.
Winkel, forstjóri Fangelsismála-
stofnunar, spurður um viðbrögð
fangelsismálayfirvalda við flótta
Guðbjarna Traustasonar, fanga á
Litla-Hrauni.
Guðbjarni var á flótta undan
lögreglu í rétt tæpa viku. Hann
gaf sig svo fram við fangelsið á
Litla-Hrauni í fyrrakvöld. Hann
var þá staddur í Reykjavík. Páll
segir að ekki hafi verið tekin
ákvörðun um hvort reglur um
dagsleyfi fanga verði hertar í kjöl-
far flótta Guðbjarna. - jss
Viðbrögð vegna Guðbjarna:
Aukinn viðbún-
aður eftir flótta
DANMÖRK Tuttugu og þriggja ára
maður af íslenskum ættum situr
nú í gæsluvarðhaldi í Danmörku
grunaður um morð á rúmlega fer-
tugri konu. Konan var inni í húsi
sínu í útjaðri borgarinnar Horsens
þegar skotið var á hana inn um
glugga á þriðjudag.
Maðurinn var handtekinn dag-
inn eftir og úrskurðaður í gæslu-
varðhald. Í gær var svo dansk-
ur maður um þrítugt handtekinn
grunaður um tengsl við málið.
Maðurinn er alinn upp í Danmörku
og sagður hafa þekkt fórnarlambið
úr undirheimum Danmerkur. - sh
Ungur Íslendingur í haldi:
Grunaður um
morð í Horsens
EFNAHAGSMÁL „Staða mála á
Íslandi er nokkurn veginn óbreytt
frá því sem verið hefur. Viðræð-
ur halda áfram,“ sagði Caroline
Atkinson, forstöðumaður ytri
samskipta hjá Alþjóðagjaldeyris-
sjóðnum (AGS) á reglubundnum
upplýsingafundi í vikulokin.
Atkinson áréttaði að sem fyrr
væri samkomulag um Icesave
ekki skilyrði AGS fyrir því að
haldið yrði áfram með efnahags-
áætlun stjórnvalda og AGS. „En
við þurfum að fá staðfesta fjár-
mögnun áætlunarinnar svo hún
fái haldið áfram,“ sagði hún og
kvað sjóðinn að sinni ekkert geta
sagt um möguleg áhrif niðurstöðu
þjóðaratkvæðagreiðslunnar. - óká
Óbreytt staða hjá AGS:
Óvissa um fjár-
mögnun tefur
Börn leidd um Þjóðminjasafnið
Níu til tólf ára börnum verður
boðið upp á leiðsögn í Þjóð-
minjasafninu á sunnudag
klukkan tvö. Þar verður sýningin
Endurfundir skoðuð, þar sem sjá
má alls kyns áhugaverða gripi
sem fundist hafa við fornleifa-
uppgröft á Íslandi.
MENNING
ÞJÓÐARATKVÆÐI Forseti Íslands,
Ólafur Ragnar Grímsson, segir þá
ákvörðun sína að skjóta Icesave-
málinu til þjóðarinnar hafa skil-
að þeim árangri að allir séu nú
sammála um það að Icesave-sam-
komulagið sem gert var í fyrra
hafi verið ósanngjarnt.
Ólafur ætlar að mæta á kjör-
stað og greiða atkvæði í þjóðar-
atkvæðagreiðslunni um Icesave-
lögin í dag. „Það er í samræmi við
þá skoðun mína að kosningaréttur-
inn er helgasti réttur hins lýðræð-
islega samfélags og sá grundvöll-
ur sem það hvílir á,“ segir hann.
Ýmsir, meðal annars leiðtogar
ríkisstjórnarflokkanna, hafa lýst
atkvæðagreiðslunni sem mark-
lausri, einkum í ljósi þess að nú
standi yfir viðræður við Breta
og Hollendinga um hagstæðari
samning. Bæði Jóhanna Sigurð-
ardóttir og Steingrímur J. Sigfús-
son hafa lýst því yfir að þau muni
ekki mæta á kjörstað í dag.
Ólafur segist ekki ætla að
blanda sér mikið inn í þá umræðu.
„Hins vegar hefur þessi þjóðar-
atkvæðagreiðslu alveg afdrátt-
arlausa og skýra stöðu í stjórn-
skipun lýðveldisins,“ segir hann.
„Icesave-lögin tóku gildi, í sam-
ræmi við 26. grein stjórnar-
skrárinnar, í byrjun árs. Ef þjóð-
in ákveður ekki að afnema þau
í atkvæðagreiðslunni á morg-
un þá munu þau gilda áfram og
vera endanleg niðurstaða máls-
ins. Það hefur ekkert frumvarp
komið fram á Alþingi um að fella
þessi lög úr gildi svo að það er eðli
atkvæðagreiðslunnar á morgun að
ákveða hvort þessi lög gilda eða
ekki. Það er nú varla hægt að hafa
djúpstæðari merkingu.“
Þetta sé algjörlega óháð því
hvað gerst hafi í samningaviðræð-
unum. „Hitt er hins vegar ánægju-
legt að ákvörðunin um þjóðarat-
kvæðagreiðsluna og stuðningur
þjóðarinnar við hana hefur orðið
til þess að viðsemjendur Íslands
hafa þokast mjög í þá átt að hægt
sé að ná samningi sem talinn er
eðlilegur og viðráðanlegur. Og
það er ekki lítill árangur í sjálfu
sér.“
Ólafur segist hafa verið ósam-
mála þeim svartsýnu spám sem
settar voru fram eftir að hann tók
ákvörðun sína í byrjun janúar. Því
hefði meðal annars verið spáð að
Bretar og Hollendingar segðu sig
frá málinu og skildu Íslendinga
eina eftir.
„Ég hafði enga trú á því vegna
þess að ég taldi að skilningur þess-
ara gömlu lýðræðisríkja á mik-
ilvægi hins lýðræðislega réttar
íslensku þjóðarinnar væri slíkur
að menn myndu taka mið af því og
átta sig þá á því, eins og gerst hefur
á undanförnum vikum, að það sam-
komulag sem gert var á síðastliðnu
ári væri ekki sanngjarnt. Enda er
það komið í ljós í þessu samninga-
ferli á síðustu vikum að það eru
allir sammála um það – Bretar,
Hollendingar og samninganefnd
Íslands – að það var ekki sann-
gjarnt.“ stigur@frettabladid.is
Allir sammála um
ósanngirni laganna
Forseti Íslands hafnar því að þjóðaratkvæðagreiðslan í dag sé marklaus. Ákveði
þjóðin ekki að afnema Icesave-lögin haldi þau gildi og verði þá hin endanlega
niðurstaða. „Það er nú varla hægt að hafa djúpstæðari merkingu,“ segir hann.
KÝS Í DAG Ólafur Ragnar Grímsson segir ákvörðun sína um að synja lögunum stað-
festingar og vísa þeim til þjóðarinnar hafa skilað því að viðsemjendur Íslands hafi
þokast í átt að eðlilegum og viðráðanlegum samningi. FRÉTTABLAÐIÐ/GVA
Óbreyttir stýrivextir
Seðlabankar Evrópu og Englands
ákváðu báðir í vikunni að halda
stýrivöxtum óbreyttum að sinni.
Stýrivextir Englandsbanka standa í
hálfu prósenti en á evrusvæðinu í
einu prósenti.
EVRÓPA
Norsku olíuskipi rænt
Sjóræningjar náðu norska olíuflutn-
ingaskipinu UBT Ocean á sitt vald
undan strönd Madagaskar í gær.
Skipinu er nú siglt í átt að Sómalíu.
INDLANDSHAF
SPURNING DAGSINS
m
ag
g
i@
12
o
g
3.
is