Fréttablaðið - 06.03.2010, Blaðsíða 94

62 6. mars 2010 LAUGARDAGUR
sport@frettabladid.is
FÓTBOLTI Fyrsti stórleikur ársins í
fótboltanum fer fram annað kvöld
klukkan 20.00 í Egilshöll þegar KR
og Víkingur mætast í úrslitaleik
Reykjavíkurmótsins.
KR-ingar hafa verið að leika
einkar vel upp á síðkastið og Vík-
ingar hafa að sama skapi komið
skemmtilega á óvart og ljóst að
tilkoma Helga Sigurðssonar hefur
hjálpað liðinu mikið.
Formenn knattspyrnudeilda
félaganna, Kristinn Kjærnested
og Björn Einarsson, eru sam-
starfsfélagar hjá TVG Zimsen þar
sem Björn er reyndar yfirmaður
Kristins.
„Ég þarf eiginlega að biðja mína
menn um að vinna leikinn ekki of
stórt. Annars er hætta á því að
uppsagnarbréfið bíði á mánudag-
inn,“ segir Kristinn, formaður
knattspyrnudeildar KR, léttur í
bragði en hann spáir leiknum 3-0
fyrir sína menn. „Víkingarnir eru
með fínasta lið og við verðum að
passa okkur á Helga. Það verður
svo gaman að fylgjast með Bjössa
enda á hann það til að vera svolítið
klikkaður í stúkunni er hann fylg-
ist með sínum mönnum,“ segir
Kristinn og Björn neitar því ekki.
„Ég er langt frá því að vera sá
rólegasti og hef klárlega fengið
flest spjöldin af okkur formönnun-
um. Kiddi vill örugglega halda sig
sem lengst frá mér meðan á leik
stendur,“ segir Björn og hlær við.
En mun hann reka Kristinn ef KR
rúllar yfir Víkingana?
„Ég veit það nú ekki en hann má
búast við stuttum fundi snemma
á mánudagsmorgun ef illa fer,“
segir Björn léttur en hann hefur
fulla trú á sínu liði og segir Vík-
inga stefna upp í úrvalsdeild næsta
sumar. „Við ætlum að vera eitt af
þrem bestu á næstu árum.“ - hbg
Formenn knattspyrnudeilda KR og Víkings vinna saman og mætast á morgun:
Hræddur við að verða rekinn
ef við vinnum leikinn of stórt
VINIR OG SAMSTARFSFÉLAGAR Vinskapur þeirra Kristins Kjærnested, formanns knatt-
spyrnudeildar KR, og Björns Einarssonar, formanns knattspyrnudeildar Víkings, er
lagður til hliðar þegar lið þessara samstarfsfélaga mætast á morgun. FRÉTTABLAÐIÐ/ANTON
„Maður verður að skoða valkostina og reyna að taka rétta
ákvörðun,“ segir Guðmundur Reynir Gunnarsson sem fengið
hefur vilyrði frá sænska liðinu GAIS um að fara á láni til Íslands
í sumar. Guðmundur er mættur á Klakann og liggur nú undir
feldi.
„Þeir vilja bara að ég fari í eins sterkt lið og hægt er og fái
að spila. Ég þarf að spila sem mest og finna mitt rétta andlit
aftur,“ segir Guðmundur en nokkur félög hafa haft samband
við hann. Samkvæmt heimildum Fréttablaðsins hafa Kefla-
vík, Valur, Fram og KR öll áhuga.
Ekki er víst hvort hann fer í sitt uppeldisfélag í Vestur-
bænum. „KR er ekki út úr myndinni nei. Auðvitað vil ég
fara til KR en þeir eru með gríðarlega sterkt lið og það
eru aðrir möguleikar. Það eru margir hlutir sem ég þarf
að skoða í þessari ákvörðun. Auðvitað væri gaman að
fara í KR en ég þarf að pæla í ýmsum hlutum,“ segir
Guðmundur. Hann ætlar að nota helgina til að skoða málin. „Ég vil
taka þessa ákvörðun sem fyrst svo ég geti komið strax inn í það lið
sem verður fyrir valinu,“ segir Guðmundur sem bíður átekta.
„Pabbi er að sjá um þetta fyrir mig. Hann er að ræða við þjálf-
ara þessara liða og athuga hvað þeir hugsa sér. Ég er látinn
í friði sem er gott til að byrja með, segir Guðmundur sem
hefur verið úti í kuldanum í Svíþjóð en hefur þó ekki gefið
upp alla von.
„Ég hefði viljað spila meira en það þýðir ekkert að
hætta. Vonandi að maður fái að spila á næsta ári.“
Guðmundur Reynir hefur aðeins leikið með KR hér á
landi og á 56 leiki og 3 mörk að baki fyrir liðið í deild
og bikar.
Hann hefur leikið tvo leiki fyrir A-landsliðið en
það voru síðustu tveir æfingaleikir gegn Færeyjum í
Kórnum.
GUÐMUNDUR REYNIR GUNNARSSON: VERÐUR LÁNAÐUR Í PEPSI-DEILDINA Í SUMAR OG ER AÐ LEITA AÐ LIÐI
Ég þarf að finna mitt rétta andlit aftur
> FH stokkið í slaginn um Guðmund
Samkvæmt áreiðanlegum heimildum Fréttablaðsins fékk
FH í gær leyfi hjá KR til þess að ræða við framherjann
Guðmund Pétursson. FH gerði KR ásættanlegt tilboð í
leikmanninn í gær sem KR-ingar tóku. Nú er það undir
Guðmundi komið að semja við félagið. Hann hafði þann
möguleika að fara til Vals fyrr í vikunni en það slitnaði upp
úr samningaviðræðum hans og Valsmanna. Sjálfur hefur
Guðmundur sagst vilja fara til Breiðabliks en
það ku vera afar lítið í buddu Kópavogsbúa
þessa dagana.
Iceland Express karla
Njarðvík-Stjarnan 72-67 (44-35)
Stig Njarðvíkur: Nick Bradford 19 (10 frákost, 7
stoðsendingar), Magnús Gunnarsson 17, Jóhann
Árni Ólafsson 13, Guðmundur Jónsson 8, Friðrik
Stefánsson 7 (13 fráköst, 7 varin), Páll Kristinsson
6, Egill Jónasson 2.
Stig Stjörnunnar: Justin Shouse 26, Fannar
Helgason 11, Djorde Pantelic 9, Birgir Pétursson
8, Jovan Zdravevski 7, Kjartan Kjartansson 5 (10
fráköst, 5 stolnir), Magnús Helgason 1.
ÍR-FSu 104-91
STAÐAN Í DEILDINNI
KR 19 16 3 1787-1529 32
Njarðvík 19 14 5 1701-1472 28
Grindavík 19 14 5 1770-1524 28
Keflavík 19 14 5 1780-1513 28
Snæfell 19 13 6 1800-1584 26
Stjarnan 19 13 6 1609-1526 26
Hamar 19 7 12 1613-1697 14
ÍR 19 6 13 1589-1733 12
Tindastóll 19 6 13 1555-1716 12
Fjölnir 19 6 13 1506-1658 12
Breiðablik 19 4 15 1479-1743 8
FSu 19 1 18 1429-1924 2
Iceland Express kvenna
6 LIÐA ÚRSLIT - FYRSTI LEIKUR
Keflavík-Snæfell 95-82 (52-50)
Stig Keflavíkur: Bryndís Guðmundsdóttir 32, Birna
Valgarðsdóttir 20, Kristi Smith 19, Pálína
Gunnlaugsdóttir 12, Rannveig Randversdóttir 8,
Marín Karlsdóttir 4.
Stig Snæfells: Sherell Hobbs 32, Unnur
Ásgeirsdóttir 12, Sara Andrésdóttir 8, Hrafnhildur
Sævarsdóttir 6, Helga Björgvinsdóttir 5, Rósa
Indriðadóttir 4, Björg Einarsdóttir 3, Sara
Magnúsdóttir 2.
Staðan er í 1-0 fyrir Keflavík en það lið sem fyrr
vinnur tvo leiki kemst í undanúrslit.
KARFAN Í GÆR
N1 Deildin
2009 - 2010
KONUR
Laugardagur
Mýrin
Strandgata
Fylkishöll
Vodafonehöll
Stjarnan - HK
Haukar - Fram
Fylkir - KA/Þór
Valur- Víkingur
16:00
16:00
16:00
16:00
KARLAR
Sunnudagur
Seltjarnarnes
Mýrin
Grótta - Haukar
Stjarnan - HK
16:00
19:30
KÖRFUBOLTI Njarðvíkingar unnu
sinn þriðja leik í röð í Iceland
Express-deild karla í gærkvöldi
þegar liðið vann 72-67 sigur á
Stjörnunni í miklum baráttu-
leik í Ljónagryfjunni. Þetta var
kannski ekki fallegasti sóknar-
leikurinn sem liðin hafa boðið
upp á en baráttan og vinnusem-
in gaf góð fyrirheit um spennandi
úrslitakeppni. Njarðvík fór upp í
annað sætið með sigrinum en eru
þó aðeins með tveimur stigum
meira en Stjörnumenn sem sitja
fjórum sætum neðar í töflunni.
Njarðvíkingar byrjuðu vel,
komust í 15-6 og voru með frum-
kvæðið nær allan leikinn þótt
gestirnir úr Stjörnunni héldu
sér alltaf inni í leiknum. Njarð-
vík var 44-35 yfir í hálfleik og
virtist ætla að landa öruggum
sigri þegar Stjörnumenn misstu
þá Jovan Zdravevski og Djorde
Pantelic út af með fimm villur á
aðeins 36 sekúndum.
Stjörnumenn lögðu ekki árar
í bát, unnu upp forskotið og áttu
möguleika á að vinna í lokin.
Njarðvíkingar sluppu þó með
skrekkinn og unnu fimm stiga
sigur.
Teitur Örlygsson, þjálfari
Stjörnunnar kann vel við sig í
úrslitakeppni-andrúmsloftinu og
hann var ánægður með leikinn
þótt hittnin væri léleg.
„Mér fannst þetta vera
skemmtilegasti leikurinn í vetur.
Við Siggi töluðum um það eftir
leikinn að þetta hefði verið eins
og leikur í úrslitakeppni. Bæði lið
hefðu unnið öll lið á landinu nokk-
uð auðveldlega með svona leik,“
sagði Teitur eftir leikinn.
„Varnirnar voru geggjaðar og
það var barátta í hverjum ein-
asta strák í liðunum. Mér fannst
þetta vera alveg frábært. Þetta
var rosalega gaman en auðvit-
að hefðum við vilja vinna,“ sagði
Teitur.
Teitur á enn eftir að stýra
Stjörnunni til sigurs í Ljóna-
gryfjunni en það segir Teitur að
gætu orðið slæmar fréttir fyrir
Njarðvík. „Það kemur að því og
ég vona Njarðvíkur vegna að við
hittum þá ekki aftur,“ sagði Teit-
ur.
Nick Bradford er farinn að
finna sig betur í Njarðvíkur-
liðinu og í gær var hann mest í
stöðu leikstjórnanda sem kom vel
út. „Ég hef spilað leikstjórnanda
alla mína ævi þótt ég hafi ekki
fengið mörg tækifæri til að sýna
það hér á Íslandi. Það eru örugg-
lega einhverjar efasemdarraddir
en ég hef mikla reynslu af þessari
stöðu og sendingar eru minn besti
kostur. Ég geri bara það sem þarf
til að bæta liðið og vinna leikina,“
sagði Nick sem hrósaði Garð-
bæingum fyrir leikinn í gær.
„Þetta er mjög gott lið sem
lætur finna vel fyrir sér. Þeir
gáfust aldrei upp þótt þeir lentu
10 til 15 stigum undir. Það sást
hvað þeir eru með góðan þjálf-
ara og góða leikmenn í sínu liði,“
sagði Nick sem er ánægður með
þróunina hjá sínu liði. „Við erum
að komast aftur í gang. Við höfum
haft mikinn tíma til að æfa á síð-
ustu dögum. Það var gott frí frá
leikjum og við fengum tíma til
að vinna í og laga hluti sem voru
ekki í lagi,“ sagði Nick að lokum.
ooj@frettabladid.is
Varnirnar voru geggjaðar í Njarðvík
Teitur Örlygsson þarf að bíða lengur eftir fyrsta sigrinum í Ljónagryfjunni sem þjálfari Stjörnunnar eftir
72-67 tap fyrir Njarðvík í miklum baráttuleik í gær. Njarðvík fór upp í annað sætið með sigrinum.
NÍTJÁN FRÁ NICK Njarðvík vann góðan sigur á Stjörnunni þar sem Nick Bradford var
stigahæstur heimamanna. FRÉTTABLAÐIÐ/VILHELM