Fréttablaðið - 20.03.2010, Qupperneq 73

Hjálparstarf kirkjunnar 9
Nú fyrir páska getur þú keypt
þurrvörur í poka og Hjálparstarf
kirkjunnar kemur þeim til skila
til þeirra sem mest þurfa á að
halda. Þetta má vera hvað sem er
sem ekki þarf að geyma í kæli
eða frysti: Pasta, hreinlætisvörur,
dósamatur, kex, morgunkorn,
hveiti, súkkulaði …
Þessar búðir eru með
Verslanirnar sem eru með okkur
um Aukapokann eru Krónan
í Reykjavík, Mosfellsbæ og
Hafnarfirði, Nettó í Mjódd,
Hverafold, Akureyri, Reykjanesbæ
og Grindavík og Bónus á höfuð-
borgarsvæðinu, Akureyri og Fitjum
Reykjanesbæ. Búðirnar eru með
merktar kerrur eða ílát undir
aukapokana sem fólk kaupir í.
Þær standa þar sem komið er frá
kössunum. Hjálparstarfið sækir
pokana í búðirnar.
Góð blanda í hvern poka
Innihald aukapokans fer upp í hillu
hjá okkur og er svo sett í poka með
öðrum nauðsynjum þegar fólk
sækir um aðstoð hjá okkur. Þannig
er séð til þess að góð blanda sé
í hverjum poka. Stærðin fer eftir
fjölskyldustærð.
Hátíðar- og fermingarútgjöld
Alltaf eykst eftirspurn eftir aðstoð
fyrir páska. Þá er hátíð og
nöturlegt að geta engan dagamun
gert sér. Þó er aldrei um nokkurn
íburð að ræða. Í pokunum er
hversdagsmatur. Um páska eru líka
fermingar og þótt Hjálpar starfið
veiti ekki styrki til að halda
fermingar þá veitum við gjarnan
mataraðstoð til að fólk geti sparað
matarkostnað og notað peninga
heimilisins í útgjöld vegna
ferminga.
Strangari reglur skila sér til
þeirra verst settu
Allir umsækjendur fara í viðtal til
félagsráðgjafa – í hvert sinn sem
þeir sækja um aðstoð. Þannig
getum við leiðbeint fólki um hvar
megi spara, hvar megi frá aðstoð
frá sveitarfélagi eða ríki, hvernig
megi styðja börnin betur og fleira
í þeim dúr. Hjálparstarfið veitir
nefnilega fjölbreytta aðstoð auk
mataraðstoðar. Allar upplýsingar
eru skráðar. Þannig fylgist
félagsráðgjafi með málum hvers
og eins. Nýjar reglur miðast við
að veita aðstoð á grunni tekna og
útgjalda. Þannig náum við til
þeirra sem mest þurfa hjálp. Nýju
reglurnar mælast vel fyrir, bæði
hjá þeim fá og þeim sem gefa.
Vertu með næst þegar þú
kaupir inn
Við hvetjum alla sem geta til að
kaupa vörur í aukapoka nú fyrir
páska. Við gerðum þetta fyrir jólin
og það skilaði miklu til þeirra sem
verst voru staddir.
Veldu vörur sem ÞÚ vilt
gefa í Aukapokann
Hjálpum þeim sem verst eru settir
Áttu fyrir aukapoka?
Þegar þú verslar, geturðu keypt og
sett í aukapoka t.d. pasta, hrísgrjón,
niðursuðuvörur, kex, klósettpappír,
þvottaefni og aðrar nauðsynjar sem
ekki þarf að kæla eða frysta. Pokanum
komum við svo í hendur þeirra sem
þurfa á hjálp að halda.

Takk fyrir hjálpina!