Fréttablaðið - 06.05.2010, Page 55

FIMMTUDAGUR 6. maí 2010 43
LEYNDÓ J.J. Abrams er ekki mikið fyrir að segja frá
næstu verkefnum sínum.
Kvikmyndagerðarmaðurinn J.J. Abrams er snillingur í því
að búa til dulúð í kringum sínar kvikmyndir. Skemmst er
að minnast Clover field en stikla úr myndinni birtist, öllum
að óvörum, á Netinu án þess að nokkur vissi að hún væri
einu sinni til. Nú virðist svipað vera upp á teningnum með
nýjasta verkefni Abrams sem hefur verið gefið vinnuheitið
Super 8. Vefmiðlar hafa reynt að geta í eyðurnar, einhverjir
telja að hún sé sjálfstætt framhald Cloverfield en aðrir eru
ekki jafnvissir. Eitt er víst að Abrams sjálfur á ekki eftir að
tjá sig neitt um Super 8 svo hann eyðileggi ekki þessa ókeyp-
is kynningu.
Dularfullur Abrams
Matthew Vaughn, leikstjóri ofur-
smellsins Kick-Ass, hefur verið
ráðinn leikstjóri X-Men: First
Class. Eins og nafnið gefur til
kynna þá er þetta enn einn kaflinn
í þessari stórsmellaseríu. Ráðgert
er að tökur hefjist í byrjun júní og
að myndin verði frumsýnd á næsta
ári. Upphaflega stóð til að Bryan
Singer myndi leikstýra þess-
ari mynd en hann hafði þá þegar
lofað sér að leikstýra kvikmynd-
inni Jack The Giant Killer sem
til stendur að gera hér á Íslandi
að hluta. Singer mun hins vegar
framleiða myndina.
Singer sagði í yfirlýsingu að
hann hefði lengi verið aðdáandi
Vaughns eða síðan hann sá Layer
Cake með Daniel Craig í aðalhlut-
verkinu.
X-Man: First Class á að segja
forsöguna að því hvernig þetta
hófst og segja sögu Charles
Xavier og Eriks Lensherr áður
en þeir urðu Prófessor X og
Magneto. Xavier og Lensherr
voru nefnilega mestu mátar
áður en þeir urðu höf-
uðóvinir hvor annars
og voru bara tveir
ungir menn sem
voru að uppgötva
náðargáfu sína.
Leikstjóri Kick-Ass
stýrir næstu X-Men
SAGAN ÞEIRRA Xavier
og Lensherr voru
mestu mátar áður en
þeir urðu höfuðóvinir
hvors annars. First
Class á að fjalla
um sögu þeirra.
Maðurinn með hnífafingurna,
Freddy Kruger, er aftur mættur
á hvíta tjaldið til að hrella kvik-
myndahúsagesti. Og svo virð-
ist sem bandarískir kvikmynda-
áhugamenn hafi saknað herra
Krugers því myndin slátraði allri
samkeppni um helgina í Banda-
ríkjunum. Myndin halaði inn rúm-
lega þrisvar sinnum meira en How
to Train Your Dragon sem situr í
öðru sæti listans. Gamanmyndin
Date Night með Steve Carell og
Tinu Fey er í öðru sæti.
Myndin er endurgerð á gömlu
hryllingsmyndinni hans Wes
Craven frá árinu 1984 þar sem
Freddy birtist fyrst. Þá var Robert
Englund í hlutverki Freddy en
leikarinn lék fjöldamorðingjann í
alls sjö myndum. Englund er hins
vegar víðsfjarri í nýju útgáfunni
því það er Jackie Earle Haley sem
leikur hann núna. Þótt ótrúlegt
megi virðast þá var Jackie þessi
tilnefndur til Óskarsverðlauna
fyrir bestan leik í aukahlutverki
fyrir frammistöðu sína í Little
Children þar sem hann fór á kost-
um á móti Kate Winslet og Jenni-
fer Connelly. Hann er á eilítið ann-
arri og ögn blóðugri slóð í sinni
nýjustu mynd.
Endurkoma Freddy
Kruger vinsæl
BRONS Freddy Kruger hafði mikla yfir-
burði í kvikmyndahúsum Bandaríkjanna
um helgina og slátraði Tinu Fey og Steve
Carell.
Það er
Veraldlegt samfélag
– gildi þess og framtíð
MÁLÞING Í TILEFNI 20 ÁRA AFMÆLIS SIÐMENNTAR
VERIÐ ÖLL VELKOMIN – ÓKEYPIS AÐGANGUR
Laugardaginn 8. maí kl. 10:00 - 14:00 í stofu N132 í Öskju, Háskóla Íslands
10:00 Setning málþings – Hope Knútsson, formaður Siðmenntar.
10:10 - 10:40 Veraldlegt samfélag – er gildi þess gleymt?
Svanur Sigurbjörnsson, læknir.
10:40 - 11:10 Vísindaskáldsögur og veraldarhyggja
Halldór Benediktsson, líffræðinemi við HÍ.
11:10 - 11:40 Aðskilnaður ríkis og kirkju – hluti veraldlegs samfélags
Sigurður Hólm Gunnarsson, iðjuþjálfi.
11:40 - 12:10 Hugsanir á dósum: um hjarðhugsun og andlega leti
Eyja Margrét Brynjarsdóttir, heimspekingur.
12:10 - 12:40 Hádegishlé.
12:40 - 13:10 Er allt leyfilegt sem ekki er beinlínis skaðlegt?
Hugleiðingar um skólastarf á villigötum og
skeytingarleysi menntayfirvalda. Jóhann Björnsson,
heimspekingur og kennari.
13:10 - 14:00 Pallborð ræðumanna.
Stjórnandi málþings: Steinar Harðarson, tæknifræðingur.
Hvert erindi er áætlað 20 mínútur en síðan er gert ráð fyrir
spurningum til ræðumanns.