Fréttablaðið - 06.05.2010, Qupperneq 65

FIMMTUDAGUR 6. maí 2010 53
FÓTBOLTI Fabio Capello hefur ein-
sett sér að útrýma þeim draugum
sem fylgt hafa enska landsliðinu
síðustu ár og áratugi fyrir HM í
Suður-Afríku í sumar.
„Þegar ég tók fyrst við lið-
inu þá fylgdi því króatískur
draugur,“ sagði Capello í viðtali
við enska fjölmiðla. Þar átti hann
við að Englandi mistókst að kom-
ast á EM 2008 eftir að hafa tapað
fyrir Króatíu á Wembley.
„Ég hef líka reynt að fjarlægja
mig frá þeirri umræðu um að við
höfum ekki unnið neitt í 44 ár,“
bætti hann við en England varð
síðast heimsmeistari árið 1966.
„Ég er hrifinn af draugabönum.
Vonandi tekst okkur að útrýma
þeim draugi líka því ég vil ná
eins langt með þessu liði og ég
mögulega get.“ - esá
Fabio Capello um HM:
Hrifinn af
draugabönum
CAPELLO Ætlar sér langt með enska
landsliðið á HM. NORDIC PHOTOS/GETTY
FÓTBOLTI Norskir fjölmiðlar tala
um perlumark hjá Birki Bjarna-
syni sem skoraði sigurmark Vík-
ings í 1-0 sigri á Haugasundi í
norsku úrvalsdeildinni í fótbolta
í gær. Það er ekki að ástæðulausu
að þessu mikilvæga marki hafi
verið hrósað enda um glæsilega
afgreiðslu að ræða hjá strákn-
um. Birkir hoppaði upp og tók
við hárri fyrirgjöf á kassann í
loftinu, lagði hann fyrir sig og
afgreiddi hann síðan upp í mark-
hornið.
Birkir skoraði markið sitt á 44.
mínútu leiksins en hann tryggði
Viking jafntefli á móti Kongs-
vinger um síðustu helgi eftir að
hafa komið inn á sem varamaður.
Hann hefur þar með tryggt sínu
liði fjögur stig í síðustu tveimur
leikjum. - óój
Norska úrvalsdeildin:
Perlumark hjá
Birki í gær
BIRKIR BJARNASON Mikilvægur í síðustu
leikjum Viking. FRÉTTABLAÐIÐ/PJETUR
KÖRFUBOLTI Marvin Valdimarsson
hefur ákveðið að spila með Stjörn-
unni í Iceland Express-deild karla
næsta vetur en Marvin var meðal
annars stigahæsti íslenski leik-
maðurinn í deildinni í vetur.
„Ég hafði alltaf ætlað mér að
breyta til því að aðstæður eru
þannig að ég bý í bænum og er
með konu, krakka, íbúð og allt mitt
hafurtask í bænum. Ég vildi vera
hérna á Reykjavíkursvæðinu og
Stjarnan var álitlegasti kosturinn
þó að það hafi verið mörg önnur
lið að tala við mig. Ég held að ég
eigi eftir að falla ágætlega inn í
þetta hjá þeim,“ segir Marvin sem
var með 24,5 stig og 6,0 fráköst að
meðaltali með Hamri í vetur en
skoraði 31,1 stig að meðaltali í 1.
deildinni tímabilið á undan þegar
Hamarsmenn tryggðu sér sæti
meðal þeirra bestu. Marvin spilar
nú við hlið Justins Shouse og Jov-
ans Zdravevski en þeir skoruðu
allir yfir 20 stig í leik í vetur.
„Ég vona að við séum ekki að
taka of mikið hver frá öðrum
þegar það eru komnir þrír af stig-
hæstu leikmönnum deildarinnar í
sama liðið. Ég hef engar áhyggjur
af því og maður verður eflaust í
öðruvísi hlutverki en ég er búinn
að vera í Hamri. Ég hef engar
áhyggjur af því þótt ég skori
ekki 25 stig í leik,“ segir
Marvin.
„Það er mjög erfitt að
fara en ég er kominn á
þann aldur að maður verð-
ur að prófa það einu sinni
að vera með liði sem á
möguleika á að vinna ein-
hverja titla,“ segir Marvin
að lokum. - óój
Hamarsmenn eru búnir að missa stigahæsta Íslendinginn í Iceland Express-deild karla:
Marvin samdi við Stjörnuna MARVIN VALDIMARS-SON Skoraði mest
51 stig í einum leik í
vetur.
FRÉTTABLAÐIÐ/ÓSKARÓ
FÓTBOLTI Inter Milan tryggði sér
í gærkvöldi ítalska bikarmeist-
aratitilinn eftir 1-0 sigur á Roma
í úrslitaleiknum á Ólympíuleik-
vanginum í Róm.
Argentínumaðurinn Diego Mil-
ito skoraði eina mark leiksins
eftir stungusendingu fimm mín-
útum fyrir hálfleik. Francesco
Totti, fyrirliði Roma, fékk rauða
spjaldið á 88. mínútu leiksins.
Jose Mourinho, þjálfari Inter,
á því enn möguleika á að vinna
þrennuna með liði sínu. Inter er á
toppnum í deildinni með tveggja
stiga forskot þegar tvær umferð-
ir eru eftir og er líka komið í
úrslitaleikinn í Meistaradeildinni
á móti Bayern München. - óój
Inter bikarmeistari í gær:
Þrennan enn
inni í myndinni