Fréttablaðið - 15.05.2010, Qupperneq 6

6 15. maí 2010 LAUGARDAGUR
VIÐSKIPTI Jón Ásgeir Jóhannesson
steig á fimmtudag úr stól stjórnar-
manns í bresku versluninni House
of Fraser. Breska dagblaðið Fin-
ancial Times segir ákvörðun hans
í beinu framhaldi af stefnu slita-
stjórnar Glitnis á hendur honum
og sex öðrum aðilum sem honum
tengjast. Þar á meðal er Ingibjörg
Pálmadóttir, kona Jóns, stjórnar-
formaður og helsti eigandi 365
miðla, sem meðal annars gefur út
Fréttablaðið.
Jón Ásgeir sat í stjórn House of
Fraser í umboði PriceWaterhouse
Cooper, sem fer með bú BG Hold-
ing í Bretlandi fyrir skilanefnd
Landsbankans. Eftir því sem næst
verður komist átti Jón Ásgeir ekki
frumkvæðið að því að yfirgefa
stjórnarstólinn. Jón Ásgeir situr
nú aðeins í stjórn bresku matvöru-
keðjunnar Iceland Foods.
Baugur eignaðist House of Fras-
er ásamt hópi fjárfesta árið 2006
en skilanefnd tók eignarhaldið
yfir í kjölfar falls Baugs í mars í
fyrra.
Þegar best lét sat Jón Ásgeir í
stjórnum fjölmargra fyrirtækja
í Bretlandi og í Danmörku, þar á
meðal í Mosaic Fashion í Bretlandi,
móðurfyrirtækis fjölda kventísku-
vörumerkja, svo sem Oasis, Ware-
house og Karen Millen auk dönsku
verslunarinnar Illum. - jab
FARINN Jón Ásgeir Jóhannesson situr
í dag aðeins í stjórn einnar erlendrar
verslunar. FRÉTTABLAÐIÐ/VILHELM
Jón Ásgeir Jóhannesson hættur í stjórn verslunarinnar House of Fraser:
Var látinn víkja úr stjórninni
KLAUSTRIÐ EFTIR PANOS KARNEZIS
FRÁ ÞEIM SEM GUÐ VILL TORTÍMA
TEKUR HANN FYRST VITGLÓRUNA
D
Y
N
A
M
O
R
E
Y
K
JA
V
ÍK
„Kyrrlát, nánast þögul,
frásögn en um leið brenn-
heitt, mannlegt drama ...
máttug og fumlaus.“
–Times
Þýðandi: Árni Óskarsson
neon
SPLUNKUNÝ
KILJA!
ALÞINGI Össur Skarphéðinsson
hyggst opna gagnvirka heimasíðu
til þess að Íslendingar geti komið
skoðunum á framfæri við samn-
inganefnd Íslands í aðildarviðræð-
um við Evrópusambandið.
„Það er mikilvægt að hafa
umsóknarferlið eins opið og gagn-
sætt og hægt er, ekki síst til þess
að eyða tortryggni og misskiln-
ingi sem stundum örlar á,“ sagði
Össur þegar hann gaf Alþingi í
gær skýrslu um stefnu sína í utan-
ríkismálum og störf ráðuneytisins
á liðnu ári. Fundargerðir samn-
inganefndarinnar og einstakra
samningahópa verði opinber gögn.
„Samningsafstaða í íslenskum
hópum verður opinber þegar hún
liggur fyrir og einnig önnur gögn
svo framarlega sem samninga-
fólkið okkar telji það ekki skaða
samningshagsmuni Íslendinga,“
sagði Össur. „Ég tel líka rétt að
veita Íslendingum beina hlutdeild
í umsóknarferlinu.“ Í því skyni
verði opnuð gagnvirk vefsíða, þar
sem fólk geti komið skoðunum
á framfæri, „en jafnframt haft
reglulega samræðu við aðalsamn-
ingamanninn, sérfræðinga, samn-
ingamenn og eftir atvikum ráð-
herrann sjálfan“.
Össur hefur mælst til að Stefán
Haukur Jóhannesson, sendiherra
og aðalsamningamaður Íslendinga,
fari um landið á næstunni og haldi
opna fundi um gang viðræðna og
næstu skref: „Það er sjálfsagt að
menn fái það sem er að gerast
hverju sinni beint í æð og þá beint
frá kúnni,“ sagði ráðherrann.
Össur segist líta á Evrópumál-
in sem grundvöll í endurreisn
Íslands. „Það hefur aldrei verið
ríkari ástæða en einmitt nú til
að láta reyna á hvað getur falist
í aðildarsamningum. Við þurfum
stöðugleika, við þurfum fjárfest-
ingar, við þurfum störf, við þurf-
um að byggja atvinnu- og efna-
hagslífi lífi þjóðarinnar sem allra
traustasta umgjörð.“
Bjarni Benediktsson, formaður
Sjálfstæðisflokksins, spurði hvort
Össur hefði ekki áhyggjur af stöðu
samningaviðræðna við ESB: „Er
til staðar nægileg pólitísk forysta
til að leiða samninga til lykta?“
spurði Bjarni.
„Ég hef meiri áhyggjur af mörgu
öðru sem lýtur að hagsmunum
Íslands en því,“ svaraði ráðherr-
ann en kvaðst mundu fagna því
ef jafnöflugur stjórnmálamaður
og Bjarni „mundi taka með meira
afgerandi hætti þátt í að tosa þessu
fram“. peturg@frettabladid.is
Gögn um aðildar-
viðræður opinberuð
Utanríkisráðherra hefur falið aðalsamningamanni Íslands í viðræðum við
ESB að halda á næstunni opna fundi um allt land. Fundargerðir og samnings-
afstaða birt opinberlega jafnóðum. Vefur opnaður fyrir athugasemdir frá fólki.
ÖSSUR SKARPHÉÐINSSON Gaf Alþingi í gær skýrslu um stefnu sína í utanríkismálum
og störf utanríkisráðuneytisins síðasta ár. FRÉTTABLAÐIÐ/PJETUR
Ert þú búin(n) að ákveða hvað
þú ætlar að kjósa í sveitar-
stjórnarkosningunum 29. maí?
JÁ 59%
NEI 41%
SPURNING DAGSINS Í DAG:
Ert þú farin(n) að skipuleggja
sumarfríið?
Segðu þína skoðun á visir.is
VERSLUN Velta í dagvöruverslun dróst saman um
11,7 prósent á föstu verðlagi í apríl miðað við
sama mánuð í fyrra. Samdrátturinn nemur 3,5
prósentum á breytilegu verðlagi. Verð á dagvöru
hækkaði um 9,3 prósent á síðastliðnum tólf mán-
uðum.
Þetta kemur fram í úttekt Rannsóknarseturs
verslunarinnar.
Sala áfengis dróst saman um 31 prósent í apríl
miðað við sama mánuð í fyrra á föstu verðlagi
og um 18,5 prósent á breytilegu verðlagi. Verð á
áfengi hækkaði um 18,1 prósent á milli ára.
Fataverslun var 13,8 prósentum minni í apríl
miðað við sama mánuð í fyrra á föstu verðlagi og
hækkaði verð á fötum um 11,1 prósent milli ára.
Velta húsgagnaverslana var 12,1 prósenti minni
í apríl en í sama mánuði í fyrra. Velta sérversl-
ana með rúm minnkaði um 52,6 prósent frá því
í fyrra. Verð á húsgögnum var 9,3 prósentum
hærra í apríl síðastliðnum miðað við sama mánuð
í fyrra.
Sala á raftækjum minnkaði um 13,3 prósent á
föstu verðlagi og hækkaði verðið um 8,6 prósent
frá apríl 2009.
Í tilkynningu frá Rannsóknarsetrinu segir að
óvenjumikill samdráttur hafi orðið í verslun í
apríl í ár miðað við sama tíma í fyrra. Ástæðuna
megi að hluta til rekja til þess að páskaverslun-
in fór fram í mars í ár en í apríl í fyrra. Sú stað-
reynd skýri þó ekki alfarið þennan mikla mun.
Samdrátturinn sé nokkuð óvæntur ef miðað er við
þróunina fyrstu þrjá mánuði ársins.
- bþs
Mikill samdráttur varð í allri verslun í aprílmánuði og verð hefur hækkað talsvert:
Dagvara hækkaði um 9% á einu ári
VERSLUN Mikill samdráttur varð í veltu dagvöruverslunar í apríl
síðastliðnum miðað við sama mánuð í fyrra.
DÓMSTÓLAR Breska lyfjafyrirtæk-
ið Shire hefur höfðað mál gegn
Actavis í Bandaríkjunum.
Shire er með þrjú einkaleyfi
á lyfi gegn athyglisbresti með
ofvirkni fram í september á
þessu ári og sakar Actavis um
að ætla að framleiða samheitalyf
áður en einkaleyfi Shire renna út.
Shire hóf sölu á lyfinu, sem heit-
ir Intuniv, seint á síðasta ári og
renna einkaleyfin út 2022.
Shire hefur sömuleiðis höfðað
mál gegn ísraelska lyfjafyrirtæk-
inu Teva vegna sama máls. - jab
Höfða mál gegn Actavis:
Sakað um brot
á einkaleyfi
LYFJAFRAMLEIÐSLA Breskt fyrirtæki
sakar Actavis í Bandaríkjunum um hugs-
anlegt brot á einkaleyfi.
VIÐSKIPTI Eimskipafélag Íslands
hagnaðist um 1,9 milljónir evra,
329 milljónir króna, á fyrsta
fjórðungi þessa árs.
Til samanburðar tapaði Eim-
skip í kringum 40 milljónum evra
á sama tíma tvö undangengin ár.
Haft er eftir
Gylfa Sigfús-
syni, forstjóra
Eimskips, í
tilkynningu,
að þau fyr-
irtæki sem
byggi á göml-
um og traustum
grunni verði
að leita aftur í
uppruna sinn.
Gylfi rifjar upp að Eimskipa-
félagið hafi farið illa í offjárfest-
ingu, skuldsetningu, ómarkvissri
stefnu og aðhaldsleysi. Félagið
er nú sagt hafa lokið endurskipu-
lagningu. Hluthafar eru nú 74, en
í þeirra hópi er skilanefnd Lands-
bankans sem fer með 37 prósenta
eignarhlut. - jab
Eimskip snýr úr tapi í hagnað:
Leitað aftur í
gamlan grunn
GYLFI SIGFÚSSON
HJÁLPARSTARF Tveir hjúkrunar-
fræðingar halda á næstunni til
starfa fyrir Rauða krossinn á
Haítí og í Pakistan, að því er fram
kemur í tilkynningu Rauða kross
Íslands.
Erla Svava Sigurðardóttir, sem
er nýkomin frá Haítí, fer eftir
helgi til Peshawar í Pakistan og
starfar á sjúkrahúsi Rauða kross-
ins í fjóra mánuði. Margrét Rögn
Hafsteinsdóttir, deildarstjóri hjá
LSH, verður yfirhjúkrunarfræð-
ingur á sjúkrahúsi í úthverfi Port-
au-Prince á Haítí. - th
Íslenskir hjúkrunarfræðingar:
Til starfa í Pak-
istan og á Haítí
KJÖRKASSINN