Fréttablaðið - 15.05.2010, Síða 64

BORGARFERÐIR ÓSLÓ
10 FERÐALÖG
Ósló er skemmtileg
blanda af stórborg og
sveitaþorpi og landfræði-
leg lega gerir það að
verkum að þar hlýnar
fyrr í lofti en á Fróni.
Rétt eins og Íslendingar
eru Norðmenn fegnir
þegar langur veturinn
loksins kveður og þar
iðar allt af lífi þessa dag-
ana. Á vappi um borgina
rakst Hólmfríður Helga
Sigurðardóttir á fyrr-
verandi Óslóarmeyjuna
Rut Hermannsdóttur og
fékk hana til að benda
ókunnugum ferðalangi á
nokkra snilldarstaði til að
heimsækja.
ROKKABILLÍBÚÐ,
PÖNKARAGARÐAR
OG ANNAÐ ÓMISSANDI
Los Lobos, Thorvald Meyersgata 30, Grünerløkka Í rokkabillíbúðinni Los Lobos er að finna
fallega 50’s kjóla, skyrtur, jakka og önnur klæði, tónlist frá sama tímabili og guðdómlega
innanstokksmuni sem passa við lúkkið. Eigandi búðarinnar er norska sjónvarpsstjarnan
Jan Vardøen sem á stóran hlut í þeirri uppbyggingu sem hefur orðið í Grünerløkka-hverfinu
undanfarin ár.
Náttúrugripasafnið, Tøyenhagen, Tøyen Dýrasafn Náttúrugripasafnsins í Ósló er uppáhald
allra barna. Þar má sjá og fræðast um dýr alls staðar að úr heiminum, frá öllum tímum. Þar
er meira að segja risaeðla í fullri stærð. Náttúrugripasafnið samanstendur af jarðfræðisafni,
dýrafræðisafni og stærðarinnar grasagarði.
Anarkistahúsið
Blitz, Pilestredet
30c, Hammersborg
Anarkistahúsið
Blitz er samkomu-
staður pönkara og
anarkista. Þangað
er fólki ekki ráðlagt
að koma í pels og
þar er heldur ekki
sniðugt að biðja
um Coca Cola,
enda helsta tákn
kapítalismans
og eitur í beinum
anarkistanna. Hins
vegar er þar til sölu
góður matur á mjög
lágu verði og þetta
er eini staðurinn
í Noregi þar sem
enn þá má reykja
innandyra.
Almenningsgarðar um alla borg Ósló er græn borg og þar er ógrynni af æðislegum almenn-
ingsgörðum. Margir Óslóarbúar því sem næst flytja í garðinn á sumrin. Þar sólar fólk sig, les
bækur, spilar, heldur partí jafnt sem barnaafmæli og grillar í kvöldmatinn. Tekið skal fram
að myndin var tekin á dögunum. Sumarið er komið!
Í heimahögum Kvikmyndagerðarkonan Rut Hermannsdóttir bjó eitt
sinn í Ósló og þekkir þar alla skemmtilega króka og kima.
FRÉTTABLAÐIÐ/ HÓLMFRÍÐUR HELGA SIGURÐARDÓTTIR
LEIÐSÖGUSKÓLINN
ICELAND TOURIST GUIDE SCHOOL
LEIÐSÖGUSKÓLINN
ICELAND TOURIST GUIDE SCHOOL