Fréttablaðið - 22.05.2010, Blaðsíða 30

30 22. maí 2010 LAUGARDAGUR
Þ
að eina sem virðist erfitt að koma
inn hjá fólki er það að þetta er
frítt,“ segir Kristján Gunnarsson,
markaðsstjóri Gogoyoko, um leið
og hann kemur með rjúkandi heitt
espresso. Þeir Pétur Einarsson sitja á líflegri
og opinni skrifstofu í Mörkinni þar sem fyr-
irtækið á sér aðsetur. Málverk eftir Hafstein
Mikael Guðmundsson, málara og listrænan
stjórnanda Gogoyoko, prýða veggina og í eld-
húsinu er meira að segja að finna „fussball“
spil. Augljóst er að sköpun og vinnugleði er
í fyrirrúmi hjá þessu framsækna fyrirtæki
sem var stofnað í lok örlagaársins 2007 af
tónlistarmönnunum Hauki Magnússyni og
Pétri Einarssyni. Tilgangur þeirra félaga
var að búa til nýjan vettvang fyrir tónlist-
armenn til að koma tónlist sinni á framfæri
á alþjóðavettvangi en að hafa jafnframt tekj-
ur af verkum sínum sem hefur reynst fólki
innan geirans þrautaganga.
„Munurinn á Gogoyoko og öðrum miðl-
um eins og til dæmis tónlist.is er sá að það
kostar ekkert að hlusta,“ útskýrir Kristján.
„Það er hægt að hlusta á alla tónlistina sem
er inni á gogoyoko endalaust og algerlega
frítt. Þarna eru ekki bútar af lögum heldur
heil lög og heilar plötur til að hlusta á án end-
urgjalds.“ Pétur bætir við að fólk sé stund-
um tortryggið vegna þess hve mikið af ólög-
legum slíkum þjónustum eru á netinu. „Það
verður þó að hafa hugfast að það eru um 400
löglegar tónlistarveitur á netinu. Það eru
auglýsendur okkar sem greiða fyrir það að
fólk getur hlustað á tónlist ókeypis á Gogoy-
oko, alveg eins og auglýsendur greiða fyrir
efnið í Fréttablaðinu. Þú þarft ekki að borga
neina áskrift hjá okkur eins og hjá mörg-
um öðrum miðlum til að fá þessa þjónustu.“
Tónlistarfólk þarf sjálft ekki að borga neitt
fyrir að setja tónlist sína inn á Gogoyoko né
tekur Gogoyoko hluta af sölu ágóða þeirra.
„Allur ágóði af tónlistinni sem þeir selja hjá
okkur fer til þeirra beint,“ segir Kristján.
„Það er bara ekki sanngjarnt að taka hluta
af ágóðanum ef það er tónlistarmaðurinn
sem vinnur alla vinnuna, eini kostnaðurinn
fyrir tónlistarfólk er smástund til að búa til
sinn eigin „prófíl“ og hlaða tónlistinni sinni
inn. Við leggjum mikið upp úr samstarfi við
góðgerðarstarfsemi og ef tónlistarmenn vilja
gefa hluta af tekjum sínum til samtaka sem
við erum í samstarfi við, eins og til dæmis
Unicef, þá geta þeir það, en þeir þurfa þess
alls ekki.“
Ný tónlistarbúð opnuð
„Auk ókeypis tónlistarstreymis á Gogoyoko
er svo tónlistarbúð þar sem þú getur keypt
þér allt þetta gífurlega úrval af tónlist að
vild. Þú borgar fyrir tónlistina ef þú vilt
verðlauna listamanninn fyrir góða upplifun
og vilt eiga hana í tölvunni, setja hana í sím-
ann eða á MP3-spilarann,“ segir Kristján.
Stóru fréttirnar eru einmitt þær að nú um
helgina verður opnuð splunkuný tónlistarbúð
á netinu í stað þeirrar sem verið hefur uppi
undanfarið ár. „Búðin sem við vorum með í
gangi var dálítið eins og vöruskemma eða
vörulisti en nú er sumsé komin upp alvöru
búð. Í upphafi lögðum við höfuðáherslu á að
gera skráningarferli og upplifun tónlistar-
mannanna sjálfra sem besta. Því hefur upp-
lifun notenda sem eru að leita sér að tónlist
á Gogoyoko ekki verið megináhersla í þróun
vefsins fyrr en nú. Á Gogoyoko geta sumsé
tónlistarunnendur nú fengið sömu upplif-
un og í góðri tónlistarverslun.“ Pétur bætir
við að að þetta sé í raun mjög lógísk for-
gangsröðun. „Við viljum að fólk læri að elska
gogoyoko vegna tónlistarinnar sem þar er
að finna, fyrst og fremst. Því vildum við
tryggja að sem flestir tónlistarmenn myndu
vilja setja tónlistina sina inn hjá okkur með
því að gera vel við þá í byrjun. Ef við fáum
ekki tónlistina inn þá kemur fólk auðvitað
ekki inn á síðuna okkar.“ En hver er megin
breytingin á tónlistarbúðinni? „Breytingin
fyrir notendur er fyrst og fremst sú að þarna
er komin búðarupplifun. Við erum með gríð-
arlega öfluga leit og sérstök kynningarsvæði
fyrir hvern geira tónlistar,“ útskýrir Kristj-
án. „Til dæmis er kominn búðarfrontur fyrir
djass, fyrir klassíska tónlist, popptónlist,
rokk og svo framvegis. Við erum með yfir
tuttugu ólíka geira og innan hvers geira er
svo vinsældalisti þar sem hlustendur geta
skoðað hvað er vinsælast hverju sinni. Svo
erum við að kynna tónlist sem er á góðu eða
lækkuðu verði, og önnur nýjung er það sem
við köllum „Golden Oldies“ þar sem þú finn-
ur gamla tónlist sem er allt frá djassi upp í
Elvis Presley og jafnvel Cliff Richard.“
Lögðum mikið í undirbúninginn
Annar skemmtilegur kostur fyrir tónlistar-
fólk er að það getur valið markhóp sinn eftir
löndum. „Hver tónlistarmaður getur ákveðið
hvert hann vill beina sjónum sínum og hvar
hann vill selja tónlistina sína. Þetta er liður
í því prinsippi okkar að veita tónlistarfólki
fullkomna stjórn.“ Önnur nýjung er einnig
að hægt er að leita eftir plötufyrirtækjum og
plötufyrirtæki verða með eigin síður innan
Gogoyoko þeim að kostnaðarlausu. „Fólk
elskar líka tónlist sem er gefin út af plötu-
fyrirtækjum, við viljum líka gera vel við þau
og hafa tónlist frá hefðbundnum útgáfum
þarna inni.“ Gogoyoko er nú opið notendum
í öllum norrænu löndunum: Íslandi, Græn-
landi, Finnlandi, Færeyjum, Noregi, Svíþjóð
og Danmörku en í haust stefnir fyrirtækið
á frekari sókn og opnar fyrir notendum í
Bretlandi og Kanada hinn fyrsta septemb-
er. „Ástæða þess að við opnum þetta hægt
og sígandi er sú að við viljum gera hlutina
vel og vandlega frá byrjun og leggja mikið
í undirbúninginn.“ Markaðurinn er harður
en liðsmenn Gogoyoko eru bjartsýnir. „Við
höfum fulla trú á því sem við erum að gera
og erum fyrirtæki með prinsippin í lagi. Fólk
er alltaf að velta fyrir sér hver framtíð tón-
listar verður með tilkomu netsins. Svarið
okkar er að framtíðin er Gogoyoko.“
Framtíðin er Gogoyoko
Sprotafyrirtækið Gogoyoko er dæmi um blómstrandi íslenskt hugvit en fyrirtækið er vettvangur fyrir tónlistarfólk til að selja
tónlist sína og koma sér á framfæri á netinu. Í dag opnar fyrirtækið nýja og glæsilega tónlistarbúð þar sem tónlistarmenn fá
allar tekjur sjálfir af verkum sínum. Anna Margrét Björnsson fékk sér kaffibolla með þeim Pétri Einarssyni og Kristjáni Gunnars-
syni og fékk að heyra meira.
VILJUM AÐ FÓLK LÆRI AÐ ELSKA GOGOYOKO VEGNA TÓNLISTARINNAR SEM ÞAR ER AÐ FINNA Pétur Einars-
son, Kristján Gunnarsson og Helgi Már Bjarnason hjá fyrirtækinu Gogoyoko. FRÉTTABLAÐIÐ/ANTON
Allt gert fyrir upplifun notenda
■ Hver tónlistarstefna fær sitt heimasvæði.
■ Plötuútgáfur fá sérsíður fyrir sína útgáfur.
■ Leitin verður betrumbætt svo um munar
og verður gríðarlega öflug.
■ Auglýsingasala hefst með tilkomu nýju
búðarinnar.
➜ LISTAMENN UM GOGOYOKO:
Gogoyoko færir saman skapandi fólk
„Ég setti saman verkefnið The Flaming Banshees með skoskum
vini mínum Ian fyrir nokkrum árum síðan í Þýskalandi,“ segir
tónlistarmaðurinn Duncan McKnight sem einnig er þekktur sem
söngvari hljómsveitarinnar The Virgin Tongues. Duncan, sem
hefur verið búsett-
ur hér á landi eftir
að hafa orðið fyrir
alvarlegu slysi rétt fyrir
tónleika sveitarinnar
í fyrravor segist hafa
kynnst fólki innan
fyrirtækisins sem hafi
verið honum ein-
staklega hjálplegt. „
Þeim fannst tónlistin mín nógu góð til að hjálpa mér að koma
henni á framfæri og bentu mér meðal annars á að selja hana
á Gogoyoko.“ Tónlist The Flaming Banshees hefur notið mikilla
vinsælda á Gogoyoko. „ Upphaf plötunnar má rekja til þess að
við Ian unnum á leikskóla við enskukennslu og tónlistarkennslu.
Við tókum hana upp á einum mánuði í íbúðinni okkar í Berlín.“
Duncan telur að Gogoyoko sé góðar fréttir fyrir tónlistarfólk. „
Síðan færir saman skapandi fólk. Við getum hlustað á tónlistina
þeirra og þeir á okkar. Þetta er eins og fréttaveita innan tónlist-
argeirans.“
Nenni ekki að styrkja Apple
„Það sem er heila málið við Gogoyoko er að maður hendir drasl-
inu sínu þarna inn og fær böns af seðlum og styrkir góðgerðar-
starfsemi í leiðinni,“ segir Pétur Eyvindsson sem er betur þekktur
undir nafninu DJ Music-
ian. Hann er búsettur
í Danmörku þessa
stundina og segist eyða
tíma sínum aðalega í
að drekka heitan bjór
með rjóma sem er það
alheitasta í Kaupmanna-
höfn um þessar mundir.
Aðspurður um álit sitt
á Gogoyoko segir hann,
„ Það er betra en að
styrkja Apple eða I
Tunes eða hvað þetta
nú heitir, ekki nenni ég
því.“ Pétur segir að síðan þurfi einmitt að ná meira til almennra
notenda en hún hefur gert. „ En þeta módel þeirra geir tónlistar-
mönnum kleift að koma tónlist sinni á framfæri til tónlistarunn-
enda mun ódýrara en allstaðar annarsstaðar.“
Gott að hafa stjórn á þessu sjálfur
Daninn Mads Kjar Pederson er í hljómsveitinni Alloy Alloy sem
hafa trónað á toppi Gogoyoko vinsældarlistans undanfarnar
vikur. „ Við höfum spilað saman í um tvö ár og gerum einhvers-
konar elektrónískt popp, hressa danstónlist fyrir næturklúbba.“
Mads segir að hann sé afar hrifinn af valdinu sem Gogoyoko
færir tónlistarfólkinu sjálfu. „ Það er mjög mikilvægt fyrir mig
sem listamann að geta stjórn-
að því sem ég læt frá mér.
Gogoyoko fjarlægir alla teng-
iliði. Það er frábært að geta
dílað beint við Gogoyoko án
þess að þurfa að fara í gegnum
önnur fyrirtæki til að selja tón-
listina þína eins og til dæmis
á I tunes þar sem þeir hafa
næstum allan peninginn af þér. Auk þess hef ég miklu beinna
og betra samband við fólkið sem er að hlusta á tónlistina mína
en það getur sent mér póst beint á Gogoyoko síðuna mína.“
Mads bætir við að hann hafi hreinlega bara svo góða tilfinningu
fyrir fyrirtækinu. „Það er eitthvað svo hreint og beint við þetta
konsept. Manni líður eins og maður sé hluti af stórri fjölskyldu
en ekki að það sé bara einhver að reyna að græða á manni. Það
er einhver skandinavískur fílingur við fyrirtækið sem ég fíla og
auk þess er ég hrifinn af allri hönnun vefsins og „artworki“ sem
mér finnst töff.“