Fréttablaðið - 22.05.2010, Blaðsíða 59

matur 7
Dímon með mango chutney og hnetum er algjör sælkeramatur, sem klikkar aldrei,“ segir Ingunn og mælir sterklega með réttinum á grillið í sumar. „Auðvitað má alveg hita ostinn í ofni og nota til
dæmis apríkósumarmelaði með, en persónulega finnst mér þetta góð
blanda sem tilvalið er að bera fram með Ritz-kexi og vínberjum eða
jafnvel ólífum.“ Ingunn segir réttinn einmitt hafa fallið í kramið hjá
vinahópnum þegar hann tók sig til og grillaði saman á dögunum. „Við
fengum okkur alveg rosalega góðan skötusel í aðalrétt og osturinn var
svo hafður í eftirrétt.“
Ingunni finnst gaman að grilla á sumrin og segist almennt vera mikil
áhugamanneskja um matseld. „Ég hef verið það síðan ég man eftir mér.
Ég erfði áhugann frá mömmu og ömmu en ætli hann hafi ekki kviknað
af alvöru þegar ég var sem unglingur í vist á Króki í Biskupstungum eitt
sumar. Ég man að húsfreyjan var alltaf að elda góðan mat og baka.“
Áhuginn varð síðar til þess að Ingunn stofnaði uppskriftaklúbb sem
hún deildi svo með vinum sínum. Hann vatt smám saman upp á sig og
er nú kominn með eigin vefsíðu. „Ég held úti vefsíðu í kringum Sælkera-
klúbb Ingunnar, saelkeraklubbur-ingunnar.blogcentral.is, þar á meðal að
ostaréttinum góða og er jafnframt hægt að nálgast í gegnum Facebook
þar sem ég á orðið yfir 3.000 aðdáendur,“ segir hún hress og bætir við
að það sé gaman að geta deilt ástríðunni með öðrum. - rve
Djúsí Dímon með chutney
Ingunn heldur úti nokkrum vefsíðum með helstu áhugamálunum, matargerð og svo
handverksgerð. Handverkið má skoða á http://www.facebook.com/pages/IMS-
Honnun-og-handverk/48816774797?ref=ts og http://ims-handverk.blogcentral.is/
Hér er rétturinn borinn fram með Ritz-
kexi og vínberjum en Ingunn segir
ólífur sömuleiðis gott meðlæti.
GRILLAÐUR
STÓRI DÍMON
1 stk. Stóri-Dímon
1 dl mango chutney
½-1 dl kasjú-kurl eða
aðrar hnetur
Osti pakkað inn í ál pappír
með opið á toppi. Setj-
ið mangó yfir og kasjú-
kurlið ofan á. Gott er að
útbúa smá lok úr álpapp-
ír svo hneturnar brenni
síður. Grillað í 10-15 mín.
Borið fram með kexi, vín-
berjum og ólífum.
Góður á grillið. Ingunn segir einn
helsta kost Dímons vera hversu
stór og matarmikill hann er.
Gott er að útbúa lok úr
álpappír til að varna því
að hneturnar brenni.
E
Ingunn Mjöll Sigurðardóttir hefur haft áhuga á mat-
argerð frá því hún man eftir sér. Hér gefur hún upp-
skrift að rétti sem er bæði fljótgerður og góður.