Fréttablaðið - 22.05.2010, Blaðsíða 10
10 22. maí 2010 LAUGARDAGUR
DÓMSMÁL Tvær konur frá Rúm-
eníu leita nú réttar síns eftir það
sem þær vilja meina að hafi verið
ólögmæt frelsissvipting þegar
þær sóttu hér landið heim í síð-
asta mánuði.
Við komuna til landsins 14. apríl
síðastliðinn voru þær handteknar
og þeim haldið í þrjá og hálfan
sólarhring, að sögn annarrar kon-
unnar, sem heitir Cristina Domn-
ita Constantinescu.
„Það var allt tekið af okkur og
okkur haldið í fangaklefum. Við
höfðum ekkert brotið af okkur og
samt var okkur haldið allan þenn-
an tíma. Það má ekki halda fólki
lengur en einn sólarhring,“ segir
hún og kveður lögreglu ítrekað
hafa spurt hvort þær hafi verið
hingað komnar til að stunda vinnu.
„Ég hef verið hér áður og vann þá
á Óðali, en var ekkert að fara að
vinna núna, bara heimsækja vini
og ganga frá bankamálum,“ bætir
Cristina við.
Lögregla mun hafa heimild til
að handtaka fólk og vísa beint úr
landi þyki sannað að það sé hing-
að komið í atvinnuleit og ætli að
brjóta lög sem hér gilda um útlend-
inga.
Eftir þennan tíma í fangelsi
segir Cristina að sér og vinkonu
hennar, hafi verið sleppt, en þær
yfirgáfu svo landið 3. maí síðast-
liðinn. Hún segir mikilvægt að fá
botn í málið til þess að forða því að
fleiri lendi í viðlíka ofríki. „Svona
má ekki koma fram við fólk.“
Áður en þær stöllur héldu heim
á leið höfðu þær hafið umleitan til
að leita réttar síns og nutu við það
liðsinnis lögmannsins Vilhjálms
H. Vilhjálmssonar. Hann segir
frásögn lögreglu af atburðum aðra
en kvennanna, en hefur farið fram
að að fá afhent frá lögreglu gögn
málsins. Eftir að hafa skoðað þau
komi betur í ljós hver framvindan
kunni að verða.
Nokkur bið hefur hins vegar
orðið á afhendingu gagnanna frá
lögreglunni á Keflavíkurflugvelli.
Vilhjálmur segist þó gefa lögreglu
nokkurra daga frest í viðbót til
að afhenda þau. „Annars geri ég
kröfu fyrir héraðsdómi um að fá
gögnin,“ segir hann.
olikr@frettabladid.is
Leita réttar síns eftir
þriggja daga fangelsi
Tvær ferðakonur frá Rúmeníu voru handteknar við komuna hingað og látnar
dúsa í fangelsi í þrjá og hálfan sólarhring án skýringa, að eigin sögn. Þeim var
svo sleppt og dvöldu hér í 10 daga. Lögmaður þeirra bíður gagna frá lögreglu.
Í LEIFSSTÖÐ Komu tveggja kvenna frá Rúmeníu hingað til lands bar upp á sama tíma
og flugsamgöngur röskuðust í Evrópu vegna eldgossins í Eyjafjallajökli.
FRÉTTABLAÐIÐ/PJETUR
Mætum öll - Ekkert um okkur án okkar
Fundur um velferð fatlaðra
Nú í aðdraganda sveitastjórnarkosninganna óma loforð
stjórnmálaflokka um stræti og torg: „Eitt samfélag fyrir
alla“, enginn „svangur og án húsaskjóls“, allir eiga að hafa
„sómasamlegt lífsviðurværi“ og staðinn verður vörður um
„góða grunnþjónustu“.
Hvað felst í þessum loforðum?
Öryrkjabandalag Íslands heldur opinn fund um velferð
fatlaðra þriðjudaginn 25. maí kl. 16-19 á Hilton
Reykjavík. Fulltrúar í framboðum til sveitarstjórna á
höfuðborgarsvæðinu svara spurningum um áherslur þeirra
og forgangsröðun í málefnum fatlaðra. Táknmálstúlkar
verða á staðnum og tónmöskvakerfi.
Fundarstjóri er Margrét Steinarsdóttir, framkvæmdastjóri
Mannréttindaskrifstofu Íslands.
Nánari upplýsingar á heimasíðu ÖBÍ www.obi.is
HVERJU LOFA
FLOKKARNIR?
KREPPU
LOFORÐIN