Fréttablaðið - 22.05.2010, Síða 78

46 22. maí 2010 LAUGARDAGUR
utlit@frettabladid.is
OKKUR
LANGAR Í
…
DAÐRAÐ VIÐ TÍSKUNA
Anna Margrét Björnsson
Það er Bandaríkjamaðurinn Peter Copping sem er ábyrgur fyrir
haust- og vetrarlínu Ninu Ricci í þetta sinn en Copping var
hægri hönd Marc Jacobs í áratug. Línan sem Copping hannaði
fyrir Ricci er .í anda tískuhússins og leggur áherslu á kven-
lega rómantík. Pilsin voru flest í hnésídd og blússur og kjól-
ar skörtuðu blómum úr silki og siffoni. Eitthvað við klæðin
minnti jafnvel á byrjun 20. aldar og tímabilið sem kallað
var „Belle Époque“. Sérstaka athygli vöktu undurfagrir
stuttir kjólar með blómamynstri í fallegum daufum litum.
- amb
… Nýja litinn
frá Mac sem
heitir Prepped
for Glamour og er í
seiðandi öskubrúnum tón.
… þessi dásamlega
leðurtaska frá MiuMiu
er sumarleg, rúmgóð
og passar við allt.
… gráa lakkið frá Chanel
sem er að gera allt
vitlaust. Óvenjulega
dularfullt.
KVENLEGT HJÁ NÍNU RICCI:
BLÓM OG
DRAMATÍK
GAM-
ALDAGS
Silkipils,
slá og
silkiblóm
eru fögur
samsetn-
ing.
SÆTT Rauð
peysa við
blómapils.
DRAMAT-
ÍSKT Fallegt
rómantískt
korselett með
silkiblómum.
LEÐUR Flott
samsetning af
blómapilsi og
leðurjakka.
BLÓMARÓS
Gullfallegur
kjóll úr smiðju
Peters Copp-
ing fyrir næsta
haust.
Leikstjórinn Roman Polanski hefur ætíð verið í miklu uppáhaldi hjá
mér. Myndirnar hans, þið skiljið. Það er ekki óhætt að segja að maður
fíli Polanski, því það gæti gefið til kynna að maður væri mögulega að
styðja perra. Eins og flestir sem fylgst hafa með fréttum vita, er Pol-
anski enn á ný í djúpum skít eftir að breska leikkonan Charlotte Lewis
kom fram með ásakanir um að hann hefði
misnotað hana kynferðislega árið 1982.
Þetta kemur auðvitað í kjölfarið á hand-
töku Polanskis fyrir meint kynferðisafbrot
gegn fjórtán ára leikkonu á áttunda ára-
tugnum, ákæru sem Polanski hefur flúið í
þrjá áratugi. Sjálf vorkenndi ég alltaf Pol-
anski hálfpartinn þar sem hann missti sína
gullfallegu og óléttu konu, Sharon Tate, í
ógeðfelldu fjöldamorði sem Charles Man-
son stóð fyrir árið 1969 þrátt fyrir að slíkt
áfall afsaki ekki meintan kynferðisafbrota-
feril.
Aðdáendur fallegrar tísku og almennra
töffheita ættu endilega að kynna sér mynd-
ir Polanskis. Flestar mynda hans eru mikil
snilldarverk og það er mjög áhugavert að
fylgjast með kvenpersónunum sem birtast
á skjánum. Þessar konur eru fagrar, svalar og fallega klæddar og eins
ólíkar og þær eru margar. Catherine Deneuve í Repulsion er auðvitað
yfirnáttúrulega fögur og fangar „sixtís“ andann í hnotskurn með litl-
um skokkum, ferköntuðum flatbotna skóm og fallega túperuðum ljós-
um lokkum. Mia Farrow kom svo knallstuttu hári í tísku í hrollvekj-
unni Rosemary‘s baby en þessi flotti drengjakollur leyfði smágerðu
andliti hennar að njóta sín til fulls. Emmanuelle Seigner, núverandi
eiginkona Polanskis, er kynþokkinn uppmálaður í Bitter Moon þar sem
hún skekur kúrvurnar í níðþröngum „næntís“ kjólum. Nú og fyrrver-
andi eiginkona Polanskis, Sharon Tate, var líka mikil tískufyrirmynd
með sína þungu og dökku augnmálningu og sítt ljóst hárið. Fyrir þá
sem geta litið fram hjá skandölunum í lífi þessa frábæra leikstjóra er
gaman að fá innblástur frá konunum í lífi hans og list.
Konurnar hans Polanskis
SHARON TATE
> SALMA SELUR SPJARIRNAR
Leikkonan mexíkóska, Salma Hayek, hélt
uppboð á stórfenglegum Gucci-kjól síðastliðinn
miðvikudag á kvikmyndahátíðinni í Cannes.
Kjóllinn var seldur ásamt teikningu af Sölmu í
kjólnum eftir Fridu Giannini á sautján þúsund
evrur. Allur ágóði sölunnar fór til fórnarlamba
jarðskjálftans á Haítí. Salma skartaði þessum
sama kjól fyrir tveimur vikum síðan á frumsýn-
ingu Hróa hattar.
F
E
L
L
S
M
Ú
L
I

S
K
Ú
L
A
G
A
T
A

G
A
R
Ð
A
B
Æ
R

M J Ó D D L E I Ð I N
A
Ð

Í
S
N
U
M