Fréttablaðið - 22.05.2010, Blaðsíða 16

16 22. maí 2010 LAUGARDAGUR
Besti flokkurinn fær átta
af fimmtán borgarfull-
trúum samkvæmt könnun
Fréttablaðsins og Stöðvar
2. Stuðningsmenn flokksins
virðast koma frekar jafnt
frá Samfylkingu og Sjálf-
stæðisflokki.
Besti flokkurinn fengi meira en tvö-
falt meira fylgi en bæði Samfylk-
ingin og Sjálfstæðisflokkurinn, og
er langstærsti flokkurinn í borginni
samkvæmt skoðanakönnun Frétta-
blaðsins og Stöðvar 2 sem gerð var
á fimmtudagskvöld.
Alls sögðust 43,9 prósent þeirra
sem afstöðu tóku í könnuninni
myndu greiða Besta flokknum
atkvæði sitt væri gengið til kosn-
inga nú. Fengi flokkurinn þennan
stuðning í kosningum fengi hann
átta borgarfulltrúa af fimmtán,
hreinan meirihluta fulltrúa.
Besti flokkurinn hefur tekið mikil
stökk í könnunum Fréttablaðsins og
Stöðvar 2. Stuðningur við flokkinn
mældist 12,7 prósent 25. mars, 23,4
prósent 29. apríl, og er nú kominn í
43,9 prósent.
Sjálfstæðisflokkurinn og Sam-
fylkingin fá nákvæmlega sama
stuðning samkvæmt könnun Frétta-
blaðsins og Stöðvar 2. Alls sögðust
21,1 prósent ætla að kjósa Sjálfstæð-
isflokkinn, og sami fjöldi myndi
kjósa Samfylkinguna.
Fylgi Sjálfstæðisflokksins hefur
samkvæmt þessu helmingast frá
síðustu kosningum, þegar hann fékk
42,1 prósent atkvæða. Hann er með
sjö borgarfulltrúa í dag, en fengi
þrjá samkvæmt könnuninni.
Samfylkingin hefur ekki úr jafn
háum söðli að detta, fékk 27,6 pró-
sent atkvæða í síðustu kosning-
um, en mælist nú með 21,1 prósent.
Flokkurinn myndi samkvæmt þessu
fá þrjá borgarfulltrúa, en er með
fjóra í dag.
Vinstri græn tapa einnig fylgi frá
síðustu kosningum, en tapa raunar
einnig fylgi frá síðustu könnunum.
Flokkurinn fengi stuðning 9,8 pró-
senta kjósenda samkvæmt könn-
un Fréttablaðsins og Stöðvar 2.
Það myndi aðeins duga til að koma
einum fulltrúa í borgarstjórn.
Flokkurinn fékk 14 prósent
atkvæða í kosningunum 2006, og er
með tvo borgarfulltrúa. Flokkurinn
hefur þó undanfarið mælst hærri í
könnunum, var til dæmis með 17
prósenta stuðning samkvæmt könn-
un sem gerð var 29. apríl.
Framsóknarflokkurinn tapar
sínum eina borgarfulltrúa verði nið-
urstöður kosninga í takt við könnun
Fréttablaðsins og Stöðvar 2. Flokk-
urinn mælist með stuðning 2,7 pró-
senta kjósenda, en fékk 5,9 prósent
í kosningunum. Fylgi flokksins virð-
ist á hægri niðurleið miðað við síð-
ustu kannanir.
Reykjavíkurframboðið, Frjáls-
lyndi flokkurinn og Listi óháðra
eru öll langt frá því að koma manni
í borgarstjórn, samkvæmt könnun
Fréttablaðsins og Stöðvar 2. Reykja-
víkurframboðið og Frjálslyndi list-
inn mælast með 0,5 prósenta stuðn-
ing, en Listi óháðra 0,4 prósent.
Svarhlutfallið í könnuninni var
68,9 prósent. Það er nokkru hærra
en í fyrri könnunum í Reykjavík, og
gæti bent til þess að kjósendur séu
farnir að gera upp hug sinn, enda
aðeins vika til kosninga.
Gott gengi Besta flokksins og
tap annarra flokka vekur spurn-
ingar um hvaðan fylgi flokksins
komi, hvað þeir sem nú ætli að
kjósa flokkinn hafi kosið í síðustu
kosningum. Spurt var um þetta í
skoðanakönnun Fréttablaðsins og
Stöðvar 2.
Þegar aðeins eru skoðaðir þeir
sem kusu í Reykjavík í sveitar-
stjórnarkosningunum 2006 má sjá
að flestir af þeim sem nú ætla að
kjósa Besta flokkinn kusu áður Sam-
fylkinguna, 37,9 prósent. Næstum
jafn hátt hlutfall, 34,5 prósent, kaus
áður Sjálfstæðisflokkinn. Um 13,8
prósent þeirra sem nú ætla að kjósa
Besta flokkinn kusu áður Vinstri
græn, 7,8 prósent kusu Framsókn-
arflokkinn, og 5,2 prósent Frjáls-
lynda flokkinn.
Um 90,9 prósent þeirra sem nú
ætla að veita Sjálfstæðisflokknum
atkvæði sitt kusu flokkinn einnig í
síðustu kosningum. Um fjögur pró-
sent kusu Samfylkinguna og þrjú
prósent Framsóknarflokkinn.
Alls kusu 82,9 prósent þeirra sem
ætla að kjósa Samfylkinguna nú
flokkinn í síðustu kosningum. Um
9,9 prósent kusu Sjálfstæðisflokk-
inn síðast, og 4,9 prósent kusu áður
Vinstri græn. Aðeins 55,3 prósent
þeirra sem nú ætla að kjósa Vinstri
græn kusu flokkinn í síðustu kosn-
ingum. Um 34,2 prósent kusu áður
Samfylkinguna, 7,9 prósent kusu
Sjálfstæðisflokkinn og 2,6 prósent
Framsóknarflokkinn.
SKOÐANAKÖNNUN: Borgarstjórnarkosningar í Reykjavík
Besti flokkurinn með hreinan meirihluta
Aðferðafræði í skoðanakönnun Fréttablaðs-
ins og Stöðvar 2 var með hefðbundnum
hætti. Hringt var í 800 manns fimmtudaginn
20. maí. Þátttakendur voru valdir með slembi-
úrtaki úr þjóðskrá. Svarendur skiptust jafnt eftir
kyni, og hlutfallslega eftir aldri.
Spurt var: Hvaða lista myndir þú kjósa ef gengið
yrði til sveitarstjórnarkosninga í dag? Ef ekki fékkst svar
var spurt: Hvaða flokk er líklegast að þú myndir kjósa? Ef
ekki fékkst svar var að lokum spurt: Er líklegra að þú myndir
kjósa Sjálfstæðisflokkinn eða einhvern annan flokk? Alls
tóku 68,9 prósent afstöðu til spurningarinnar.
Einnig var spurt: Ef þú kaust í sama sveitarfélagi í síðustu
sveitarstjórnarkosningunum, árið 2006, hvaða flokk kaust
þú? Um 62,5 prósent tóku afstöðu til spurningarinnar.
Þá var spurt: Hver vilt þú að verði borgarstjóri að loknum
sveitarstjórnarkosningum? Um 60,6 prósent tóku afstöðu til
spurningarinnar.
Tæplega sjö af hverjum tíu tóku afstöðu
Jón Gnarr, oddviti Besta flokksins, var oftast nefndur
þegar spurt var hvern fólk vildi helst sjá sem næsta
borgarstjóra í Reykjavík í skoðanakönnun Fréttablaðsins
og Stöðvar 2. Þar með skaut hann bæði Hönnu Birnu
Kristjánsdóttur, borgarstjóra og oddvita Sjálfstæðisflokks-
ins, og Degi B. Eggertssyni, oddvita Samfylkingarinnar,
ref fyrir rass.
Alls sögðust 36,1 prósent þeirra sem afstöðu tóku til
borgarstjóraefnanna vilja Jón Gnarr sem næsta borgar-
stjóra. Stuðningur við Jón hefur aukist milli kannana, en
í skoðanakönnun Fréttablaðsins og Stöðvar 2 hinn 29.
apríl vildu 25,7 prósent oddvita Besta flokksins í borgar-
stjórastólinn.
Stuðningur við Hönnu Birnu heldur áfram að dragast
saman. Af þeim sem afstöðu tóku vildu 32,4 prósent að
Hanna Birna héldi áfram sem borgarstjóri að kosningum
loknum. Það er ríflega fjórum prósentustigum minna en
í könnun 29. apríl, og tæplega sextán prósentustigum
minna en í könnun Fréttablaðsins og Stöðvar 2 hinn 25.
mars, þegar 48,2 prósent vildu Hönnu Birnu áfram.
Stuðningur við Dag dettur einnig niður frá síðustu
könnun. Um 24,1 prósent þeirra sem afstöðu tóku í
könnuninni vildu hann sem næsta borgarstjóra. Það er
tæpum sjö prósentustigum minni stuðningur en í lok
apríl, en aðeins tæplega tveimur prósentustigum minna
en í lok maí.
Stuðningur við aðra frambjóðendur mældist mun
minni. Um 4,3 prósent vilja Sóleyju Tómasdóttur, oddvita
Vinstri grænna, sem næsta borgarstjóra, og 2,1 prósent
nefndu Einar Skúlason, oddvita Framsóknarflokksins.
Aðrir fengu minni stuðning í borgarstjórastólinn.
Eins og áður mælist stuðningur við Jón Gnarr mun
meiri meðal karla en kvenna, og stuðningur við Dag
meiri meðal kvenna. Hanna Birna nýtur svipaðs fylgis hjá
báðum kynjum.
Flestir vilja að Jón Gnarr verði borgarstjóri Reykjavíkur
Gríðarlegur stuðningur við Besta flokkinn í könn-
un Fréttablaðsins og Stöðvar 2 sýnir að kjósendur
munu refsa fjórflokknum, einkum Sjálfstæðis-
flokki og Samfylkingu, fyrir hrunið í komandi
kosningum, segir Grétar Þór Eyþórsson, prófessor
í stjórnmálafræði við Háskólann á Akureyri.
Ríflega þriðjungur þeirra sem kusu Samfylk-
inguna í síðustu kosningum ætla að greiða Besta
flokknum atkvæði sitt nú, og svipað hlutfall
stuðningsmanna Sjálfstæðisflokksins.
„Óánægja kjósenda, þreyta á stjórnmála-
mönnum og refsigleði vegna hrunsins bitnar
greinilega mest á þessum tveimur flokkum. Þetta staðfestir
að í hugum kjósenda eru það Sjálfstæðisflokkur og Sam-
fylking sem eiga að fá ráðningu fyrir hrunið,“ segir Grétar.
Þó Framsóknarflokkurinn sé vissulega einnig ábyrgur virð-
ist tíminn hafa læknað þar einhver sár, eða mildað reiði
almennings í garð flokksins.
„Ef niðurstaða þessarar könnunar er vísir að því sem
koma skal í kosningunum, að Besti flokkurinn fái allt að
átta menn í borgarstjórn, eru kjósendur að veita stjórn-
málaflokkunum þvílíka ráðningu, bæði fyrir
hrunið og fyrir sviptingar í borgarstjórn á kjörtíma-
bilinu,“ segir Grétar.
Þekkt er að skoðanakannanir geta haft áhrif
á kjósendur. Grétar segir afar erfitt að átta sig
á hvort könnun sem mæli Besta flokkinn með
meirihluta dragi úr stuðningi við hann, eða hvort
fleiri stökkvi á vagninn með sigurvegaranum.
„Ég gæti trúað því að þegar þetta er komið
svona langt, þetta er farið að snúast um hreinan
meirihluta, þá muni kjósendur að einhverju leyti
bakka. Spurningin er hversu mikið.“
Gott gengi Besta flokksins í kosningunum getur orðið
til þess að hinir hefðbundnu stjórnmálaflokkar sjái sig
tilneydda til að fara í miklu meiri uppstokkun á sjálfum
sér en forsvarsmenn þeirra höfðu hugsað sér, segir Grétar.
Fordæmalaust gott gengi grínframboðs ýti sérstaklega á
hrunflokkana að fara í harkalegt uppgjör og hreinsun. Ann-
ars gætu þeir séð fram á svipaða háðung í alþingiskosn-
ingum, sem þeir geti væntanlega engan veginn hugsað sér,
segir Grétar.
Óánægðir kjósendur vilja refsa hrunflokkunum
GRÉTAR ÞÓR
EYÞÓRSSON
Framsóknarflokkurinn
Sjálfstæðisflokkurinn
Frjálslyndi flokkurinn
Óháð framboð um
heiðarleika
Reykjavíkurframboð
Samfylkingin
Vinstri græn
Besti flokkurinn
Kosningar
27. maí 2006
Könnun
25. mars
Könnun
29. apríl
Könnun
20. maí
50
40
30
20
10
0%
Fylgi flokka
Svona verður
borgarstjórn
Stuðningur við borgarstjóraefni
50
40
30
20
10
0%
Könnun
25. mars
Könnun
29. apríl
Könnun
20. maí
Stuðningur við aðra
var innan við eitt
prósent.
Dagur B.
Eggertsson
Einar Skúlason
Hanna Birna
Kristjánssdóttir
Jón Gnarr
Sóley
Tómasdóttir
Brjánn
Jónasson
brjann@frettabladid.is
Oddi – umhverfisvottuð prentsmiðja. Höfðabakka 7, 110 Reykjavík, sími 515 5000, www.oddi.is
Þetta er sýnishorn
af nafnspjaldi
Þetta er sýni
shorn
af nafnspjald
i