Fréttablaðið - 22.05.2010, Blaðsíða 29

LAUGARDAGUR 22. maí 2010
Þó framboð Framboðsflokksins sé
fyrsta grínframboðið má þó telja
vísi að öðru framboði með í slíkri
upptalningu. Raunar var það ekki
grínframboð, að minnsta kosti var
frambjóðandanum fúlasta alvara. Í
eintölu já, því um var að ræða fram-
boð til forseta.
Pétur Hoffmann Salómonsson batt
bagga sína fráleitt sömu hnútum og
samferðamenn sínir. Hann var sjó-
maður og kunn persóna í Reykjavík
og reisti sér kofa í Selsvör, rétt við
Ánanaust. Hann safnaði ýmsu dóti af
ruslahaugunum, sem þá voru þar og
við Eiðisgranda. Hann hélt gjarnan
sýningar á dóti sínu, en haugana
kallaði hann Gullströndina.
Pétur Hoffmann hugðist bjóða sig
fram til forseta þegar fyrsta kjörtíma-
bili Ásgeirs Ásgeirssonar lauk árið
1956. Undirskriftasöfnun var hafin
og nokkrir gárungar tóku hana upp á
sína arma og þóttust sjá fram á hina
bestu skemmtun. Ekkert varð þó úr
framboðinu og kenna sumir flensu
sem hrjáði Pétur þar um. Pétur gaf
síðar út smárit um kosningarnar, en
hann taldi að samsæri gegn honum
hefði komið í veg fyrir framboðið.
GRÍN EÐA ALVARA?
Nokkuð mikið var lagt í framboð Öfgasinnaðra jafnaðarmanna árið 1971.
Heljarmikil stefnuskrá var útbúin og í henni er að finna nokkuð pólitískan
undirtón. Í forsvari flokksins var Guðmundur Brynjólfsson, nú rithöfundur.
Flokksbókstafurinn var T. Nýstárleg baráttumál var vatnsrennibraut sem
flokksmenn vildu að lögð yrði yfir Faxaflóa til Snæfellsness.
„Öfgasinnaðir jafnaðarmenn eru einir flokka tilbúnir til að leiða næstu
ríkisstjórn íslenska lýðveldisins. Öfgasinnaðir jafnaðarmenn krefjast þess
að fá í sinn hlut forsætisráðuneytið til handa Guðmundi Brynjólfssyni,
utanríkisráðuneytið fyrir Nikulás Ægisson, fjármálaráðuneytið handa Bergi
Ingólfssyni, umhverfisráðuneytið handa Pétri Gauta Valgeirssyni, mennta-
málaráðneytið fyrir Gest Pétursson og auk þess sjávarútvegsráðuneytið til
handa Jóni Gauta Dagbjartssyni sjómanni. Öfgasinnaðir jafnaðarmenn eru
tilbúnir, að uppfylltum þessum skilyrðum, að vinna með hvaða stjórnmála-
mönnum sem er, nema Halldóri Blöndal.“ Svo sagði Guðmundur í viðtali við
DV skömmu fyrir kosningarnar.
Þegar stefnuskráin er skoðuð kemur ýmislegt í ljós. Flokkurinn vildi
skattaívilnanir til handa öllum landsmönnum nema Reykvíkingum og
skyldu skattleysismörk hækka í réttu hlutfalli við fjarlægð í beinni loftlínu
frá aðalinngangi Verslunarskóla Íslands. Þá verði lagður á jólasveinaskattur,
embættismannaskattur og slaufuskattur.
Fast skotið
Nokkur föst skot eru í stefnuskránni:
„Allir þeir sem telja sig vera verkalýðsleiðtoga, en eru ekki og er þá átt
við setta verkalýðsleiðtoga, skulu greiða sérstakan skatt sem nemi 10
prósentum af launum þeirra og hækki svo í réttu hlutfalli við kjararýrnun
verkakvenna.
Öfgasinnaðir jafnaðarmenn vildu einnig stemma stigu við útbreiðslu
vestfirskra stjórnmálamanna í Reykjaneskjördæmi og var því skoti beint að
Steingrími Hermannssyni, sem þá bauð fram í kjördæminu, og líklega einnig
Ísfirðingnum Ólafi Ragnari Grímssyni. Evrópumálin bar einnig á góma:
„Allri þátttöku í EB er algerlega hafnað.“
Alþýðuflokkurinn og stuðningsmenn hans segi sig tafarlaust úr EB.“
Sættu gagnrýni
Kosningarnar 1991 voru um margt sérstakar í Reykjaneskjördæmi. Alls voru
11 listar í kjöri. Auk þeirra öfgasinnuðu voru það Alþýðuflokkur, Alþýðu-
bandalag, Framsóknarflokkurinn, Frjálslyndir, Grænt framboð, Heima-
stjórnarsamtökin, Kvennalistinn, Sjálfstæðisflokkurinn og Þjóðarflokkurinn
– Flokkur mannsins.
Þessi fjöldi sprengdi öll kerfi og tölvurnar réðu ekki við svo mörg fram-
boð, tíu var hámarkið. Gagnrýnin beindist helst að Öfgasinnum jafnaðar-
mönnum sem voru sakaðir um að hleypa kosningunum upp með þátttöku
sinni. Önnur framboð fengu ekki slíkar ásakanir.
Samtök öfgasinnaðra jafnaðarmanna hlutu 459 atkvæði í kosningunum,
eða 0,1 prósent. Það var þó töluvert meira en Verkamannaflokkurinn, sem
hlaut 99 atkvæði.
VATNSRENNIBRAUT YFIR FAXAFLÓA TIL SNÆFELLSNESS
FORINGINN Guðmundur Brynjólfsson var leiðtogi Samtaka öfgasinnaðra jafnaðar-
manna. Forsætisráðuneytið skyldi verða hans. FRÉTTABLAÐIÐ/GVA
PÉTUR
HOFFMANN
SALÓMONS-
SON
Undirbúningur fyrir nám á háskólastigi í arkitektúr, hönnun og myndlist
MYNDLISTA- OG HÖNNUNARSVIÐ
UMSÓKNARFRESTUR TIL 1.júní
umsókn
www.myndlistaskolinn.is
3 nýjar námsleiðir, metið til 120 ECTS eininga hjá erlendum samstarfskólum
MÓTUN - TEIKNING - TEXTÍL
UMSÓKNARFRESTUR TIL 31.maí