Fréttablaðið - 22.05.2010, Blaðsíða 86

54 22. maí 2010 LAUGARDAGUR
sport@frettabladid.is
20 DAGAR Í HM
Hornamaðurinn frábæri, Guðjón Valur Sigurðsson, spilar vænt-
anlega ekki handbolta aftur fyrr en undir lok ársins en hann
þurfti að fara í aðra aðgerð á hné í gær. Sama hnéð var skorið
upp í febrúar síðastliðnum. Sú aðgerð skilaði ekki tilætluðum
árangri og því þurfti Guðjón að leggjast aftur undir hnífinn.
„Fyrri aðgerðin var ekki eins stór en sú aðgerð virkaði
bara því miður ekki. Aðgerðin núna var því talsvert
stærri en það þurfti að setja tvær skrúfur í hnéð
meðal annars og svo þurfti einnig að færa hnéskel-
ina aðeins til,“ segir Guðjón Valur en hann verður
á sjúkrahúsinu fram á sunnudag.
„Ég vildi ekki pína mig í gegnum enn eitt
tímabilið með mikla hnéverki. Ég var líka orðinn
mjög slæmur og líkaminn sagði bara ekki meir
karlinn minn. Ég fékk nóg af verkjum eftir EM og
það varð bara að gera þessa aðgerð,“ segir Guðjón og
viðurkennir að vissulega sé þetta talsvert áfall fyrir sig að
vera svona lengi frá.
„Þetta er ekkert auðvelt. Það var ekkert auðvelt að fylgjast
með af hliðarlínunni þegar liðið var að spila stóra leiki í vetur.
Ég verð samt að vera heiðarlegur gagnvart sjálfum mér og
spyrja hversu mikil hjálp hefði verið í mér í þessu ástandi,“
segir Guðjón sem er ávallt jákvæður þrátt fyrir áföll.
„Ég get sett mér önnur markmið og lífið býður sem
betur fer upp á meira en handbolta. Ég á tvö börn sem
minna mig reglulega á það,“ segir Guðjón sem vonast
til þess að mæta afar sterkur til leiks eftir fimm til sex
mánuði.
„Læknirinn minn er algjör snillingur. Hann segir að
þetta sé það sem hnéð vildi og hafi beðið um. Hann er
viss um að ég geti spilað aftur og það verkjalaus. Það
væri frábært.“
GUÐJÓN VALUR SIGURÐSSON: VERÐUR LÍKLEGA FRÁ NÆSTA HÁLFA ÁRIÐ EFTIR AÐRA AÐGERÐ Í GÆR
Lífið býður sem betur fer upp á meira en handbolta
HANDBOLTI Það er allt undir í Color
Line-höllinni í Hamborg í dag þegar
heimamenn taka á móti núverandi
Þýskalandsmeisturum Kiel í leik
sem mun líklega skera úr um það
hvort liðið verður Þýskalandsmeist-
ari í ár.
Þarna mætast tvö bestu lið
Þýskalands og þar af leiðandi tvö
af bestu liðum heims. Aðeins einu
stigi munar á liðunum fyrir leikinn,
Hamburg í vil.
„Það er ekkert óvenjumikið
stress hjá mér. Bara svona eins og
venjulega. Þetta leggst ágætlega
í mig. Okkur vantar reyndar Kim
Andersson og Momir Ilic. Svo er
Filip Jicha tæpur en hann spilar.
Aðrir eru klárir í slaginn,“ segir
Alfreð Gíslason, þjálfari Kiel, við
Fréttablaðið en með liði Kiel spil-
ar einnig landsliðsmaðurinn Aron
Pálmarsson.
„Aron spilar í þessum leik. Hann
er kannski ekki í standi til þess að
spila heilan leik en hann mun lík-
lega taka korter og korter.“
Alfreð segir að það sé talsvert
meiri pressa á liði Hamburg en
Kiel í dag enda hefur Hamburg eytt
miklum fjárhæðum á síðustu árum
í þeirri von að velta Kiel af stalli í
þýsku Bundesligunni. „Þeir verða
að vinna leikinn enda eytt ótrúleg-
um fjármunum. Það er allt undir
hjá þeim en að sjálfsögðu leggjum
við líka mikla áherslu á að vinna
leikinn. Það er dauðadómur yfir
mörgum ef Hamburg tapar leikn-
um. Maðurinn sem stendur á bak
við liðið hefur eytt 20 milljónum
evra á síðustu 5 árum í liðið. Allur
árangurinn er svo undir í einum
leik þannig að pressan er mikil,“
segir Alfreð og bætir við.
„Ef þeir vinna ekki núna, hve-
nær ætlar þeir þá að vinna? Þeir
héldu öllu sínu liði fyrir tímabil-
ið og bættu við sig. Á sama tíma
höfum við stokkað upp hjá okkur
og verið með marga menn meidda
í allan vetur. Frá því í fyrra vantar
mig Karabatic, Lövgren og Kavtic-
nik,“ segir Alfreð sem er ánægður
með veturinn enda hefur hans lið
lent í miklum hremmingum.
„Við misstum Narcisse lengi í
meiðsli, Aron var meiddur, And-
ersson hefur verið lengi frá en liðið
hefur samt staðið sig frábærlega.
Ég er ánægður með tímabilið þrátt
fyrir allt.“
Leikurinn hefst klukkan 14.30 og
er sýndur beint á Stöð 2 Sport. - hbg
Hamburg tekur á móti Kiel í svo gott sem hreinum úrslitaleik í þýsku úrvalsdeildinni í handknattleik:
Dauðadómur yfir mörgum ef Hamborg tapar
ÍBYGGINN Alfreð Gíslason er hér á hliðarlínunni með Kiel. Hann verður í beinni á
Stöð 2 Sport í dag í stórleik ársins í Þýskalandi. NORDIC PHOTOS/BONGARTS
Frakkinn Just Fontaine á enn markametið í einni heims-
meistarakeppni en hann skoraði 13 mörk í 6 leikjum á
HM í Svíþjóð 1958. Bara heimsmeistarar Brasilíumanna
skoruðu fleiri mörk en Fontaine í keppninni og aðeins
tveir aðrir hafa náð því að skora yfir tíu
mörk í einni HM. Ungverjinn Sandor
Kocsis skoraði 11 mörk á HM 1954 og
Gerd Muller skoraði 10 mörk
á HM 1970.
FÓTBOLTI Internazionale og Bayern München
geta bæði tryggt sér þrennuna og fullkomið
tímabil þegar þau mætast í kvöld í úrslitaleik
Meistaradeildarinnar sem fer nú í fyrsta sinn
fram á laugardegi.
Internazionale bætti ítalska meistaratitlin-
um við ítalska bikarinn um síðustu helgi og um
sömu helgi burstaði Bayern lið Werder Bremen
í þýska bikarúrslitaleiknum. Helgina áður hafði
Bayern unnið þýsku deildina sem þýðir að liðið
getur unnið titil þriðju helgina í röð
vinni liðið Internazionale í kvöld.
Leikurinn er í beinni á Stöð 2
Sport og hefst klukkan 18.45.
Liðin mætast á Santiago
Bernabeu, heimavelli Real
Madrid. Í báðum liðum eru leik-
menn sem var fórnað hjá Real
Madrid síðasta sumar, þegar liðið
keypti hverja risastjörnuna á fætur
annarri, til þess að tryggja að
Real Madrid gæti unnið
Meistaradeildina á heima-
velli. Real Madrid datt hins
vegar út í 16 liða úrslitum
en þeir Arjen Robben hjá
Bayern og Wesley Sneij-
der hjá Inter geta báðir
stungið upp í sína gömlu
vinnuveitendur og kórón-
að frábær tímabil sín með
sigri í Meistaradeildinni á
þeirra gamla heimavelli í
Madríd.
Inter vann titilinn 1964
og 1965 undir stjórn Hel-
enio Herrera en hefur
ekki komist í úrslit síðan
liðið tapaði fyrir Ajax
í úrslitaleiknum 1972.
Mourinho hefur verið líkt
við Herrera í ítölskum
fjölmiðlum sem er mik-
ill heiður á Ítalíu en þeir
eru báðir útlendingar
sem hafa komið með öfl-
uga taktík inn í ítalska bolt-
ann.
„Það er allt öðruvísi fyrir Inter að vinna
Meistaradeildina en það er fyrir lið eins og
Bayern, Barcelona, Manchester United eða
Real Madrid. Það væri sérstakt að gera Inter
að Evrópumeisturum í nútímafótbolta,“ sagði
José Mourinho, þjálfari Internazionale, en
hann vann Meistaradeildina með Porto fyrir
sex árum. Mourinho hefur í sínu liði Samuel
Eto’o sem hefur unnið Meist-
aradeildina tvisvar á und-
anförnum fjórum árum
og skoraði í báðum
úrslitaleikjunum.
„ Ég veit að
það eru þúsund-
ir stuðningsmanna
Inter sem dreyma
um þessa stund. Þetta
verður áfram að vera draumur því um leið og
þetta verður þráhyggja þá munum við missa af
þessu,“ sagði Samuel Eto’o.
Stakkaskipti Bayern München undir stjórn
Hollendingsins Louis van Gaal hafa verið
mögnuð og liðið spilar betur og betur með
hverri vikunni. Van Gaal var nærri því rekinn
fyrir áramót en nú getur hann unnið fyrstu
þrennu félagsins frá upphafi. Bayern vann
Meistaradeildina síðast fyrir níu árum. José
Mourinho var lærlingur Louis van Gaal hjá
Barcelona fyrir meira en áratug.
„Við vorum saman í þrjú ár. Hann var frá-
bær þjálfari og stóð sig frábærlega við að leik-
greina mótherjana. Ég bjóst þó ekki við að
hann yrði svona góður knattspyrnustjóri en
hann er einn af þeim bestu í heimi í dag,“ sagði
Louis van Gaal sem hefur unnið fimmtán stóra
titla á móti þrettán titlum hjá Mourinho.
Mourinho hefur gagnrýndur fyrir
að spila varnarsinnaðan bolta en
Louis van Gaal vill hins vegar
vinna með því að spila flottan fót-
bolta. „Mín heimspeki hefur allt-
af verið sú að sækja á andstæð-
inginn á fótboltavellinum.
Mourinho er meiri varnar-
þjálfari sem er hans taktík en
hann hefur engu síður fullt
af góðum leikmönnum sem
geta gert út um leikinn,“
segir Van Gaal.
Van Gaal vann Meist-
aradeildina með Ajax
árið 1995. „Chelsea,
Manchester United
og Barcelona eru
bestu liðin í Evr-
ópu en samt sem
áður getum við
unnið titilinn.
Við höfum haft
heppnina aðeins
með okkur en
við eigum þetta
samt skilið,“
sagði Van Gaal.
ooj@frettabladid.is
Hvor verður meistarinn í kvöld?
Gerir José Mourinho Internazionale að Evrópumeisturum í fyrsta sinn í 45 ár eða þarf hann að sætta sig
við tap fyrir gamla meistara sínum, Louis van Gaal? Inter og Bayern mætast á Santiago Bernabeu í kvöld.
FÓTBOLTI Arsenal tilkynnti seinni
partinn í dag að félagið væri
búið að gera langan samning við
franska framherjann Marouane
Chamakh. Leikmaðurinn kemur
frá Bordeaux.
Þessi félagaskipti hafa verið
lengi í pípunum og eru nú loksins
gengin í gegn.
Chamakh, sem er 26 ára gam-
all, hefur skorað grimmt fyrir
Bordeaux í franska boltanum og
mun heldur betur styrkja fram-
línu Arsenal.
„Við erum í skýjunum með
það að hafa fengið Chamakh.
Við höfum dáðst að þessum leik-
manni í talsverðan tíma og ég
veit að hann mun bæta miklum
gæðum við okkar leikmannahóp,”
sagði Arsene Wenger, stjóri Ars-
enal, á heimasíðu félagsins.
Chamakh var eftirsóttur af
mörgum félögum en vildi alltaf
koma til Arsenal.
„Það er draumur að rætast hjá
mér og ég gæti ekki verið ánægð-
ari með að vera kominn til Ars-
enal. Ég vildi alltaf spila í ensku
úrvalsdeildinni og þar var Arsen-
al minn fyrsti kostur því ég hef
stutt félagið frá unga aldri,“ sagði
Chamakh. - hbg
Arsenal fær framherja:
Draumur að
rætast hjá mér
MAROUANE CHAMAKH Samdi við Arsen-
al í gær. NORDIC PHOTOS/GETTY
LÆRLING-
URINN OG
MEISTARINN
Jose Mour-
inho var
aðstoð-
armaður
Louis van
Gaal hjá
Barcelona
fyrir meira
en áratug.
MYNDIR/AP