Fréttablaðið - 01.07.2010, Qupperneq 35

FIMMTUDAGUR 1. júlí 2010 3
Í sumar gefst ferðalöngum í Suður-Frakklandi færi á að skoða sýningu sem er helguð frönsku leik- og
söngkonunni Brigitte Bardot.
Bardot gjörbreytti á 6. áratugn-
um kvenímyndinni hér á landi,
ekki aðeins sem kyntákn þó það
sé kannski það fyrsta sem kemur
upp í huga fólks, heldur sem
frjáls og sjálfstæð kona. Sýning-
in sló í gegn í Boulogne-Billian-
court, einni af útborgum Parísar
þar sem hún var sett upp í vetur.
Nú byrjar sýningin ferðalag,
fyrst til St. Tropez þar sem Bar-
dot býr í dag 75 ára að aldri.
Brigitte Bardot var ekki
aðeins ein skærasta stjarna
franska kvikmyndaiðnaðarins
á 6. áratugnum heldur líka vin-
sæl söngkona þar til hún dró
sig í hlé 1973 aðeins 38 ára að
aldri á hátindi ferils síns. Hún
fékk einfaldlega nóg af stjörnu-
lífinu, aðdáendum, fjölmiðlum
og kvikmyndaiðnaðinum. Eftir
að hún hvarf úr sviðsljósinu
hefur hún helgað sig dýravernd-
un og er stofnun Brigitte Bardot
atkvæðamikil í dýraverndun og
rekur athvörf þar sem tekið er
á móti heimilislausum dýrum.
Hvergi í Evrópu eru fleiri gælu-
dýr yfirgefin en í Frakklandi,
oft þegar sumarfrí nálgast. Bar-
dot ver allri innkomu af hinum
ýmsum vörum sem seldar eru
með myndum af henni, bókum
sem hún hefur skrifað og fleiru
þess háttar, til stofnunar sinnar.
Ótrúlegt en satt en engum
tískuhönnuði hefur hingað til
dottið í hug að framleiða tösku
í anda B.B. eins og hún er alltaf
kölluð hér í landi. Flestir kann-
ast við Kelly (Grace), Birkin
(Jane) frá Hermès eða Lady
(Diana) frá Dior og nú er það
B.B. frá Lancel. Önnur taskan
er úr lífrænt ræktuðu tvídi og
bómull en hin úr gervileðri, lit-
uðu með ávöxtum og grænmeti,
varla hægt að gera hlutina nátt-
úrulegri. Það segir sig sjálft að
töskurnar sem kenndar eru við
dýraverndunarsinnann Bardot
geta ekki verið úr dýraskinni.
Reyndar sagði hún sjálf á dög-
unum eftir að hafa séð töskurn-
ar að þetta væri sönnun þess
að hægt væri að hanna lúxus-
vöru án þess að nota dýr til þess
og tekur þar undir með Stellu
McCartney sem hefur hannað
töskur og skó án þess að nota
leður. Það er hinn nýi hönn-
uður Lancel, Leonelle Borghi,
sem hefur sameinað það sem
tengist goðsögninni B.B. eins
og hárbandið hennar sem er til
skrauts á töskunum eða fóðrið
sem er úr Vichy-mynstri sem
hún gerði frægt (smá bláköfl-
ótt eða bleikt) og ólin er gerð
eftir frægri sígaunagítaról B.B.
Ekki skemmir fyrir að verðið
er tiltölulega hóflegt, 680 eða
880 evrur eftir tegund meðan að
mörg dýrustu tískuhúsin selja
leðurtöskur sem geta komist í
tvö þúsund evrur. bergb75@free.fr
Bardot að eilífu, lifandi goðsögn
ÚR HÁBORG TÍSKUNNAR
Bergþór Bjarnason skrifar frá París
Opið frá kl. 11 - 21 í Smáralind
Au
gl
ýs
in
ga
sím
i
Allt sem þú þarft…