Fréttablaðið - 05.08.2010, Side 2

2 5. ágúst 2010 FIMMTUDAGUR
MENNTAMÁL Áætlað er að þrjú
þúsund fermetra bygging undir
Stofnun Vigdísar Finnbogadóttur
í alþjóðlegum tungumálum kosti
1.300 milljónir króna.
Söfnun fyrir fjármögnun Vigdís-
arhússins stendur enn yfir. Meðal
annars er nú leitað til sveitarfé-
laga en fyrstu undirtektir þeirra
virðast dræmar. Styrktarbeiðninni
hefur meðal annars verið hafnað
í Kópavogi, Borgarbyggð, Vestur-
byggð, Fjallabyggð, Akureyri og í
Norðurþingi. Byggðaráð Norður-
þings segir um ánægjulega hug-
mynd að ræða en að þar leggi sveit-
arstjórnin metnað sinn í að verja
grunnþjónustu við íbúa sveitarfé-
lagsins á erfiðum tímum. „Í ljósi
þess að sveitarfélagið þarf að for-
gangsraða munu þarfir mennta- og
félagsmála innan sveitarfélagins
hafa forgang,“ segir byggðaráðið.
„Við vitum hvernig efnahags-
ástandið er og að aðstæður eru
mismundandi góðar – eða slæm-
ar. Við vildum bara tryggja
að allir vissu af þessu og
gætu átt möguleikann
á að vera með,“ segir
Auður Hauksdóttir, for-
stöðumaður Stofnunar
Vigísar Finnbogadótt-
ur.
Áætlaður kostnað-
ur við að reisa byggingu
undir stofnunina er um
1.300 milljónir króna.
Auður segir að inn í
þá tölu sé reiknuð
byggingarlóð á reit
Háskóla Íslands
sem metin sé á
um 100 milljónir.
Fyrir stuttu hafi
yfir 700 milljón-
ir safnast. Háskól-
inn vilji ekki hefja
framkvæmdir fyrr
en fjármögnun sé
lokið. Leitað sé til
einstaklinga,
samtaka og
sveitarfé-
laga.
„Sumir hafa haft samband og
lýst yfir vonbrigðum sínum yfir
því að geta ekki verið með og aðrir
hafa komið með stuðning. En við
skynjum alls staðar þennan góða
vilja og það er okkur afar dýr-
mætt,“ segir Auður og undirstrik-
ar að orðspor Vigdísar geri það að
verkum að stofnunin njóti velvilja
langt út fyrir landsteinana. Til
dæmis hafi ríflega tuttugu millj-
óna króna styrkur borist frá Fær-
eyjum og langstærsti styrkurinn
til þessa, yfir eitt hundrað milljón-
ir króna, hafi fengist úr A.P. Möll-
er-sjóðnum í Danmörku.
Auður segist hlakka til að geta
betur skýrt frá stöðunni í fjár-
mögnunni í lok þessa mánaðar.
„Það verða fréttir og þær verða
skemmtilegar.“ gar@frettabladid.is
Sveitarfélög láta lítið
til Vigdísarstofnunar
Sveitarfélög taka fálega styrktarbeiðni frá Stofnun Vigdísar Finnbogadóttur í
erlendum tungumálum. Þó hafa þegar safnast á áttunda hundrað milljónir.
Forstöðumaðurinn kveðst hlakka til að skýra nánar frá styrkjunum í lok ágúst.
AUÐUR HAUKSDÓTTIR Þrátt fyrir að fyrstu undirtektir frá sveitarfélögum við styrktar-
beiðni Stofnunar Vigdísar Finnbogadóttur virðist dræmar segir forstöðmaðurinn að
fjármögnunin gangi vel og boðar góð tíðindi á næstunni. FRÉTTABLAÐIÐ/GVA
VIGDÍS FINNBOGADÓTTIR
Hinn 1. ágúst síðastlið-
inn voru þrjátíu ár frá
því Vigdís Finn-
bogadóttir tók við
embætti forseta
Íslands.
Logi, munuð þið ekki súpa
seyðið af þessu?
„Jú, ætli ég sitji ekki í súpunni.“
Logi Bergmann Eiðsson og Svanhildur
Hólm Valsdóttir hafa boðið upp á fiski-
súpu á Fiskidaginn mikla á Dalvík undan-
farin ár en ætla ekki að gera það í ár.
KJARAMÁL Fundur vegna kjara-
deilu slökkviliðsmanna og launa-
nefndar sveitarfélaganna verður
haldinn klukkan 13.30 í dag. Er
þetta fyrsti fundur sem haldinn er
síðan 21. júlí, tveimur dögum fyrir
síðasta dagsverkfall slökkviliðs-
og sjúkraflutningamanna.
Ef sátt næst ekki á fundinum er
boðað til annars dagsverkfalls á
morgun, frá klukkan 8 til miðnættis,
en síðasta verkfall var frá klukkan
6 til 16. Bráðaþjónustu verður sinnt
á verkfallstíma. Allsherjarverkfall
er boðað hinn 7. september ef ekk-
ert þokast í kjaramálum.
- sv
Kjaradeila slökkviliðsmanna:
Fyrsti fundur
eftir verkfall
MENNING Rannsóknir á álagsþoli tónlistar- og ráð-
stefnuhússins Hörpu hafa leitt í ljós að glerhjúpur
á suðurhlið hússins stenst ekki það vindálag sem
búast má við. Aðalverktaki hússins, Íslenskir aðal-
verktakar, telur nauðsynlegt að taka vegginn niður
og endurbyggja en vonast til þess að það muni ekki
seinka opnun hússins sem á að taka formlega í notk-
un í maí á næsta ári.
„Þetta veldur okkur auðvitað vonbrigðum þar
sem framkvæmdir hafa gengið vel og verið á áætl-
un. Stjórnendur Portusar og Austurhafnar fagna
því hins vegar að þetta hefur lítil sem engin áhrif á
opnun hússins,“ segir Höskuldur Ásgeirsson, fram-
kvæmdastjóri Totus ehf., sem reisir Hörpu.
Ástæða þess að vindþol glerhjúpsins er ekki nægi-
legt er framleiðslugalli í stálvirki hans. Kínverska
fyrirtækið Lingyuan bar ábyrgð á framleiðslu gler-
hjúpsins og fóru Íslenskir aðalverktakar fram á það
við Lingyuan að nauðsynlegar úrbætur yrðu gerðar
á kostnað kínverska fyrirtækisins. Það hefur fallist
á þá kröfu og er undirbúningur endurbótanna þegar
hafinn.
Tjónið sem af þessu hlýst er talið hlaupa á hundr-
uðum milljóna króna. - mþl
Framkvæmdum við tónlistar- og ráðstefnuhúsið Hörpu seinkar:
Gallar í glerhjúpnum á Hörpu
TÓNLISTAR- OG RÁÐSTEFNUHÚSIÐ HARPA Nauðsynlegt er talið
að taka niður glerhjúpinn á suðurvegg hússins og endur-
byggja. FRÉTTABLAÐIÐ/VALLI
ORKUMÁL Orkuveita Reykjavíkur
hefur synjað ósk um upplýsingar
um samskipti við Magma Energy
og sölu hlutafjár í HS orku.
Tveir af forsvarsmönnum und-
irskriftasöfnunar þar sem kraf-
ist er þjóðaratkvæðagreiðslu um
eignarhald á orkuauðlindum ósk-
uðu eftir upplýsingunum og hafa
þeir kært synjunina til úrskurð-
arnefndar um upplýsingamál.
Synjun Orkuveitunnar byggist
á því að um sé að ræða upplýsing-
ar sem varði viðskipti með hluta-
bréf. Kærendur telja fyrirtæk-
inu ekki stætt á að hafna ósk um
umbeðnar upplýsingar á þeim
forsendum. - bj
Kæra OR til úrskurðarnefndar:
Vilja upplýsing-
ar um Magma
SAMGÖNGUR Flugfélag Íslands
flaug í síðasta sinn áætlunarflug á
milli Reykjavíkur og Vestmanna-
eyja á þriðjudag. Flugfélagið
Ernir tók við áætlunarflugi á flug-
leiðinni í gær og mun daglega fara
tvær ferðir frá Reykjavík og til
baka.
Ákvörðun Flugfélags Íslands
um að hætta flugi þarna á milli
kom í kjölfar þess að ríkið
hætti að styrkja flug félagsins
um síðustu mánaðamót. Flug-
félag Íslands mun áfram sinna
leiguflugi til Vestmannaeyja. - mþl
Flugfélag Íslands hætt:
Flugfélagið Ern-
ir flýgur til Eyja
ERNIR Í EYJUM Flugfélagið Ernir hóf
áætlunarflug til Vestmannaeyja í gær.
FRÉTTABLAÐIÐ/ÓSKAR
HOLLAND, AP Fjórtán ára gömul hol-
lensk stúlka vonast til að verða sú
yngsta í heimi til að sigla einsöm-
ul umhverfis heiminn á seglskútu.
Laura Dekker lagði í gær upp frá
höfninni í Den Osse í 11,5 metra
langri skútu sem nefnist Guppy.
Ferðinni er heitið til Portúgal, þar
sem hún skilur föður sinn eftir og
leggur af stað í hnattsiglinguna.
Laura vann í síðustu viku sigur
í dómsmáli sem leysir hana undan
hollenskum barnaverndarlögum,
en þau stóðu í vegi fyrir sigling-
unni. Hún kveðst óhrædd við sjó-
ræningja og hefur skólabækur
meðferðis. Laura segist að vísu
munu sakna ættmenna og fjöl-
skylduhundsins. - óká
Vann sigur í dómsmáli:
Fjórtán ára ein
í hnattsiglingu
LAURA DEKKER „Ég má sigla og það er
frábært,“ sagði Laura við blaðamenn í
gær. FRÉTTABLAÐIÐ/AP
STJÓRNSÝSLA Árni Páll Árnason
félagsmálaráðherra hefur boðið
Ástu Sigrúnu Helgadóttur, fyrr-
verandi forstöðumanni Ráðgjafar-
stofu um fjármál heimilanna, starf
umboðsmanns skuldara. Ráðuneyt-
ið kannaði hvort auglýsa þyrfti
starfið á nýjan leik eftir að Run-
ólfur Ágústsson sagði starfi sínu
lausu en niðurstaðan varð að það
þyrfti ekki vegna þess hversu stutt
er síðan ráðið var í embættið.
Ásta Sigrún var afar ósátt við
skipan Runólfs og var byrjuð
að skoða réttarstöðu sína vegna
málsins þegar Runólfur tilkynnti
um afsögn sína. Hún hefur nú
tekið sér frest til að íhuga hvort
hún þiggur starfið. Þangað til mun
Ingi Valur Jóhannsson, deildar-
stjóri í félagsmálaráðuneytinu,
sinna starfinu.
Ásta vildi kynna sér rökstuðning
fyrir skipan Runólfs áður en hún
tæki ákvörðun. Rökstuðningurinn
var birtur á vef ráðuneytisins í gær-
kvöldi. Í tilkynningu ráðuneytisins
segir að ekki hafi verið litið til per-
sónulegra fjárreiðna umsækjenda
við mat á þeim enda sé einsk is sér-
staks krafist í þeim efnum í lögum
um embættið. Deilur um fjárhags-
leg málefni Runólfs urðu þess vald-
andi að hann sagði af sér.
Í rökstuðningnum segir að Run-
ólfur hafi verið metinn hæfast-
ur af ráðningarstofu sem fór yfir
umsóknirnar, og þá hafi hann enn
fremur staðið sig betur en Ásta
Sigrún í atvinnuviðtali, þar sem
viðstaddir voru ráðherra, aðstoð-
armaður hans, ráðuneytisstjóri og
framkvæmdastjóri ráðningarfyrir-
tækisins. Leiðtogahæfni, sjálfstæð
vinnubrögð, áræðni, frumkvæði,
fjölbreytt reynsla og góð meðmæli
hafi ráðið miklu um þá ákvörðun að
ráða Runólf. - sh
Félagsmálaráðherra birtir rökstuðning fyrir ráðningu Runólfs Ágústssonar sem umboðsmanns skuldara:
Ásta Sigrún undir feldi og íhugar atvinnutilboð
RUNÓLFUR
ÁGÚSTSSON
ÁSTA SIGRÚN
HELGADÓTTIR
SPURNING DAGSINS