Fréttablaðið - 05.08.2010, Blaðsíða 20
20 5. ágúst 2010 FIMMTUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
HELGAREFNI: Anna Margrét Björnsson amb@frettabladid.is og Sigríður Björg Tómasdóttir sigridur@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Henry Birgir Gunnarsson henry@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
HALLDÓR
Mikilvægt er að hagsmunir þjóð-arinnar verði tryggðir í komandi
samningaviðræðum við ESB. Samninga-
nefnd Íslands gegnir lykilhlutverki í því
að tryggja góðan samning. Fordæmin
lofa góðu. Íslendingar náðu nær öllum
kröfum sínum fram í samningaviðræð-
um við ESB um fríverslunarsamning,
EES og Schengen. Það er í raun stór-
merkilegt hvað vel tókst til. Það tókst
hins vegar ekki átakalaust. Þess vegna
er mikilvægt að stjórnmálamenn, hags-
munasamtök og félagasamtök standi
í megindráttum saman um að tryggja
ásættanlega samningsniðurstöðu. Í því
eru hagsmunir þjóðarinnar fólgnir.
Samninganefndin þarf að tryggja
yfirráð Íslendinga yfir auðlindum
hafsins. Þetta má til dæmis gera með
sérstöku stjórnunarsvæði á miðun-
um í kringum landið innan sjávarút-
vegsstefnu sambandsins. Aðild að ESB
hefur ekki áhrif á yfirráð þjóðarinnar
yfir öðrum auðlindum. Einnig þarf að
tryggja bændum hagstæðan landbúnað-
arsamning rétt eins og Svíar og Finnar
náðu fram í sínum aðildarviðræðum.
Mikilvægt er að ná góðum samning-
um um atvinnuuppbyggingu og bættar
samgöngur innan uppbyggingarstefnu
ESB. Fjölmörg tækifæri felast í aðild
að stefnunni fyrir ferðaþjónustu, hinar
dreifðu byggðir og byggðakjarna á land-
inu öllu. Við ættum einnig að standa
saman að því að fá Seðlabanka Evr-
ópu til að styðja við krónuna. Stuðning-
ur ESB við peningastjórnun getur skipt
sköpum um það hvernig til tekst við að
bjarga heimilum og fyrirtækjum, stuðla
að lægri vöxtum og sterkara gengi. Í
kjölfarið er hægt að taka upp evru.
Það að grafa undan samninganefnd
Ísland er að grafa undan hagsmun-
um þjóðarinnar. Því verður ekki trúað
fyrr en á er tekið að stjórnmálaflokk-
ar, hagsmunasamtök og félagasam-
tök sem láta sig Evrópumál varða ætli
að beita sér gegn hagsmunum lands-
manna í yfirstandandi viðræðum. Það
er hagur allra landsmanna að vel takist
til í samningaviðræðunum. Það er síðan
þjóðarinnar að leggja mat á það í þjóð-
aratkvæðagreiðslu hvort nógu vel hafi
tekist til.
Tryggjum þjóðarhag
Evrópumál
Baldur
Þórhallsson
prófessor í
stjórnmálafræði
við Háskóla
Íslands
Dulegur dágur
Menn eru misánægðir með sjálfa
sig og mörgum þykir sjálfsagt að
hrósa sjálfum sér, sérstaklega ef fáir
aðrir gera það. Einhverjir tóku eftir
því að þágufall hafði slæðst inn
í tilkynningu frá menntamála-
ráðuneytinu í gær. Stjórnendur á
vefmiðlinum Eyjunni, í ritstjórn
Þorfinns Ómarssonar, tóku eftir
því og leiðréttu. Skömmu
síðar birtist moli í Orðinu á
götunni, þar sem aðrir fjöl-
miðlar voru snupraðir fyrir
að falla í þágufallssýkispytt
ráðuneytisins. „Þó sagði
í frétt Eyjunnar að ráð-
herra hefði veitt eina milljón króna í
verkefnið,“ lauk molanum. Oft er sagt
við unga drengi sem vantar hrósið
dulegur dágur og á það vel við nú.
Bara hist í strætó
Það var áhugavert að fylgjast með
Árna Páli Árnasyni og Runólfi
Ágústssyni sverja af sér vinskap-
inn. Mátti vart á milli sjá hvor
þekkti hvorn minna og var
helst á þeim að skilja
að þeir hefðu
einu sinni hist
í strætó, á leið
12, Hlemmur
– Fell.
Vindharpan
Það er athyglisverð staðreynd að hinn
rándýri glerveggur sem Ólafur Elías-
son hannaði á tónlistar- og ráðstefnu-
húsið Hörpu stenst ekki vindálag.
Hann þarf nú að endurbyggja með
tilheyrandi kostnaði. Kannski hefði
átt að huga frekar að burðinum en
íburðinum í hönnun hússins? Það er
jú stundum rok við höfnina.
kolbeinn@frettabladid.is
Í
fimm mánuði hefur ekkert gerst í deilu Íslendinga við Breta og
Hollendinga um Icesave-ábyrgðir. Samningafundur var hald-
inn 5. mars síðastliðinn, daginn fyrir þjóðaratkvæðagreiðslu
þar sem Icesave-lögin voru felld, en þau voru forsenda þess
að tekið gæti gildi samningur um Icesave sem Alþingi hafði
staðfest í fyrrahaust. Síðan gerðist ekkert þar til í byrjun síðasta
mánaðar þegar gerð var tilraun
til að koma viðræðum aftur af
stað.
Í Fréttablaðinu í dag kemur
fram að koma eigi viðræðum í
skipulegan farveg á ný eftir sum-
arfrí. Ekki er þó talið líklegt að
fundað verði fyrr en í septemb-
er, hálfu ári eftir þjóðaratkvæða-
greiðsluna.
Biðstaða þessi hlýtur að koma mörgum á óvart miðað við þá orð-
ræðu sem í gangi var fyrir atkvæðagreiðsluna í mars. Var þá látið að
því liggja að fyrir lægi hagstæðara tilboð frá Bretum og Hollending-
um, fásinna væri því að samþykkja fyrirliggjandi samning. Eitthvað
lætur þessi niðurstaða bíða eftir sér. Þá virtist jafnvel á reiki um
hvað væri verið að kjósa. Á þeim sem hæst töluðu gegn samþykkt
mátti á stundum skilja að verið væri að hafna því að greiða yfirhöfuð
nokkuð til baka af því sem tekið hafði verið að láni hjá Bretum og
Hollendingum. Þó hefur það aldrei staðið til, samningarnir snúast
um tímalengd lánsins, vaxtakjör og tilhögun afborgana.
Til eru þeir sem komið hefur í hug að baráttan gegn niðurstöðu í
samningunum um Icesave snúist um allt aðra hluti í raun. Icesave-
deilan sé ekki annað en verkfæri þeirra sem tryggja vilja varðstöðu
um krónuna sem gjaldmiðil og setja sig upp á móti Evrópusam-
bandsaðild, afla sem telja að einangrun landsins og tvíhliða samn-
ingar við önnur ríki sé farsælli leið en aðild að samstarfi ríkja í
Evrópu. Sé svo er óskandi að umræðan gæti þá farið að snúast um
þessi grundvallaratriði og kost og löst á hvorri leiðinni sem verða
kann fyrir valinu.
Í grein í 25. tölublaði Vísbendingar sem út kom í gær veltir Þórólf-
ur Matthíasson prófessor fyrir sér sjálfstæði þjóðarinnar og bendir
á að sá sem vilji vera öllum óháður kalli jafnframt yfir sig lakari
lífskjör en sá nýtur sem deila vill fullveldi og sjálfstæði með öðrum.
„Hrunið markaði endalok tilraunarinnar með íslensku krónuna. Ef
þjóðin vill halda áfram að nota hana, þurfum við að lifa við gjaldeyr-
ishöft, háa innlenda vexti og töluvert flökt á genginu,“ segir hann og
bendir um leið á að með viðvarandi gjaldeyrishöftum sé einboðið að
forsendur aðildar Íslands að Evrópska efnahagssvæðinu séu brostn-
ar. Aukin tengsl við Evrópu snúist því ekki um tollaívilnanir á fiski
heldur áframhaldandi aðgang fyrirtækja að mörkuðum fyrir vöru
og þjónustu og einstaklinga að evrópskum vinnumarkaði. „Og ekki
síður um möguleika einstaklinga og fyrirtækja til að fjármagna
stærri fjárfestingar á viðráðanlegum kjörum og geyma sparnað
með sæmilega tryggum hætti.“
Í atkvæðagreiðslunni í mars missti þjóðin af tækifæri til að gera
út um Icesave-málið. Spurning er bara hvort hún verður minn-
ug reynslunnar af því hversu miklu gruggi hægt er að róta upp í
umræðunni þegar kemur að því að kjósa um aðild að Evrópusam-
bandinu.
Fyrstu fundir hálfu ári eftir atkvæðagreiðslu:
Reynslunni ríkari
SKOÐUN
Óli Kristján
Ármannsson
olikr@frettabladid.is
Hollur barnamatur fyrir 6 mánaða og eldri
www.barnamatur.is
Ósykrað
Fjölbreytt og gott
veganesti fyrir lífið