Fréttablaðið - 15.10.2010, Page 22

22 15. október 2010 FÖSTUDAGUR
AF NETINU
Ísland eyðir í NATO
Spurt er hvers
vegna Ísland sé í
Nató.
Það er góð
spurning.
Ef ekki vegna
andstöðu við þátttöku í hern-
aði. Þá kannski vegna aðhalds í
ríkisrekstri.
Framlög Íslands til Nató hækka
um 158% milli ára skv. umfjöllun
Andrésar Magnússonar og Gísla
Freys Valdórssonar í Viðskipta-
blaðinu í dag.
Úr 103 milljónum í 266 millj-
ónir.
Það eru nokkur störf í heil-
brigðiskerfinu.
andres.eyjan.is
Andrés Jónsson
Var Bjarni Harðarson
hæfastur?
Bjarni Harðarson
var örugglega einn
hæfasti ef ekki
hæfasti umsækj-
andinn um stöðu
upplýsingafulltrúa.
Fyrir utan feril sem
ritstjóri og blaðamaður meira og
minna síðustu 30 árin er Bjarni
rithöfundur, hefur háskólapróf í
Þjóðfræði og háskólanám í fleiri
fögum, hefur þriggja áratuga
reynslu af félagsmálum og
óumdeilda reynslu í stjórnmál-
um, er vel gefinn, bráðvel að sér,
þrælglöggur og hraðvirkur. Ég sé
ekki í fljótu bragði nokkurn sem
hefði faglega betur verið kominn
að þessari stöðu.
blog.eyjan.is/baldurkr
Baldur Kristjánsson
Alveg varð ég steinhissa þegar vinur minn Edward H. Huij-
bens sagði aðspurður í sjónvarps-
viðtali, í tilefni þeirra gleðitíðinda
að byggja ætti nýtt og glæsilegt
hótel hér á Akureyri, að ekkert
benti til þess að ferðamönnum
myndi fjölga í bænum á næstunni.
Því væri hið mesta óráð að standa
í þessari uppbyggingu enda kæmi
það bara niður á þeim sem fyrir
væru í hótelrekstri. Með þessum
línum vil ég koma því á framfæri
að ég og margir Akureyringar
sem ég hef talað við erum algjör-
lega ósammála þessu viðhorfi og
teljum slíka neikvæðni eina helstu
ástæðu þess að okkur tekst ekki
sem skyldi að efla atvinnulífið og
fjölga störfum í okkar góða bæ.
Ein þeirra atvinnugreina sem
mestar vonir eru bundnar við er
ferðaiðnaðurinn. Ýmislegt hefur
verið gert til að efla hann og nægir
að minna á lengingu flugbrautar-
innar, umbætur við höfnina fyrir
skemmtiferðaskip, nýjan alþjóðleg-
an íþróttavöll, glæsilega aðstöðu í
Hlíðarfjalli sem fólk þyrpist til
á veturna og síðast en ekki síst
menningarmiðstöðina Hof, sem
opnar mikla möguleika á alþjóðleg-
um ráðstefnum og listviðburðum
allan ársins hring. Allt eru þetta
góðar grunnstoðir til enn frek-
ari sóknar, sem auðvitað verður
að samræma og skipuleggja með
öflugri markaðssókn í Evrópu og
víðar. Vitað er að áhugi er mikill,
til dæmis í Þýskalandi, að fljúga
beint til Akureyrar og þaðan aftur
til baka eftir að hafa notið bæjar-
ins, nágrannabyggðanna og hinn-
ar óviðjafnanlegu náttúru Norð-
urlands. En þrátt fyrir allt þetta
er ein alvarleg hindrun sem ryðja
þarf úr vegi áður en lengra er hald-
ið. Það er skortur á hótelrými. Ég
hef ekki tölu á því hversu oft ýmsir
hópar, innlendir og erlendir, hafa
þurft frá að hverfa vegna skorts á
hótelplássum á Akureyri.
Svona er ástandið í dag og því
hafa þjónustufyrirtæki á þessu
sviði séð tækifæri í því að bæta
við hótelum og leggja til þess fram
eigin fjármuni – ekki opinbera.
Þetta er auðvitað mikið gleðiefni
og forsenda þess að eitthvað þýði
að auglýsa bæinn sem ferðamanna-
bæ og stefna að stóraukningu á því
sviði næstu ár og áratugi. Að rýna
ofan í tölur gærdagsins þegar verið
er að horfa til framtíðar í þess-
um efnum er ekki boðlegt; ungt
og menntað fólk á að hafa víðari
sjóndeildarhring en það. Sjálfur
hef ég þá trú að ferðaiðnaðurinn
muni færa bænum mínum mikinn
fjölda starfa í viðbót við þau sem
fyrir eru. En þá verðum við líka að
vinna skipulega að því að hrinda
úr vegi fyrirstöðum og flöskuháls-
um hjá okkur sjálfum um leið og
markaðsstarfið erlendis verður
styrkt til muna. Enn fremur þarf
að losna við það íhaldssama við-
horf að fleiri geti ekki komið að
verki og stækkað kökuna, aukið
veltu og fjölgað störfum í blóm-
legri atvinnugrein við ysta haf.
Að tala sig til
athafnaleysis
Ferðaþjónusta
Ragnar
Sverrisson
kaupmaður
Í viðtali á Bylgjunni þann 4. októ-ber sl. lýstir þú yfir furðu þinni
á upphæð grunnframfærslu sveit-
arfélaganna en hún flakkar á milli
120-126 þúsund króna eftir sveitar-
félögum. Nefndir þú að einn helsti
þáttur þess að sporna gegn fátækt
væri að hækka framfærsluna enda
ekki raunhæft að áætla að 120 þús-
und krónur dugi til að einstaklingar
nái endum saman.
Slíkri yfirlýsingu frá velferðar-
ráðherra ber að fagna sem viður-
kenningu um þá staðreynd að í dag
er ekki hægt að ætlast til þess að
einstaklingur geti framfleytt sér
á 120 þúsund krónum á mánuði.
Hins vegar felst í réttmætri gagn-
rýni þinni á sveitarfélögin ákveðin
afneitun sem ráðherra í núverandi
ríkisstjórn. Réttast væri að athuga
fyrst hvaða grunnframfærslu sam-
ráðherrar þínir geri ráð fyrir að
dugi einstaklingum.
Lánasjóður íslenskra námsmanna
er ríkisstofnun og er grunnfram-
færsla sjóðsins ákveðin í úthlut-
unarreglum hans sem mennta-
málaráðherra samþykkir. Byggist
framfærslan að meginstefnu til á
þeim fjárframlögum sem ákveðin
eru í fjárlögum. Úthlutunarreglur
LÍN gera ráð fyrir að grunnfram-
færsla einstaklings í leiguhúsnæði
sé aðeins 120.720 kr. sem er einmitt
sama upphæð og grunnframfærsla
sveitarfélaganna. Það er því ljóst að
sveitarfélögin geta skýlt sig á bak
við þessi viðmið ríkisins um grunn-
framfærslu þegar þau er gagnrýnd.
Í áraraðir hefur grunnframfærsla
LÍN verið undir öllum velsæmis-
mörkum. Framfærslugrunni sjóðs-
ins hefur verið varpað fyrir róða
og sjóðurinn þar með viðurkennt
að námslánin byggjast ekki á fram-
færsluþörf einstaklings heldur því
hversu miklu fjármagni honum er
veitt hverju sinni. Stúdentar hafa
ítrekað bent á að umrædd grunn-
framfærsla dugi hreinlega ekki
en hafa ekki, fyrr en nú, feng-
ið skýra viðurkenningu á því frá
ráðamönnum þjóðarinnar.
Líkt og fram hefur komið fögnum
við orðum þínum en bendum þér og
háttvirtum menntamálaráðherra,
Katrínu Jakobsdóttur, á að eðlileg-
ast væri að ríkið sýndi fordæmi og
lagfærði eigin grunnframfærslu
áður en farið er að beina spjótum að
sveitarfélögunum. Það er okkar ein-
læga von að þú fylgir orðum þínum
eftir og beitir þér fyrir hækkun
grunnframfærslu námslána.
Opið bréf til Guð-
bjarts Hannessonar
Menntamál
Gabríela Unnur
Kristjánsdóttir
hagsmuna- og
lánasjóðsfulltrúi
Stúdentaráðs HÍ
Sigurður Kári
Árnason
fulltrúi Stúdentaráðs HÍ
í stjórn LÍN
Í áraraðir hefur grunnframfærsla LÍN
verið undir öllum velsæmismörkum.