Fréttablaðið - 16.10.2010, Síða 96

64 16. október 2010 LAUGARDAGUR
FÓTBOLTI Eiði Smára Guðjohnsen tókst ekki að
skora í þeim tveimur landsleikjum sem hann
spilaði á árinu 2010. Markar það viss tímamót
hjá landsliðinu því þetta er í fyrsta sinn síðan
árið 2000 þar sem Eiður Smári nær ekki að
skora með landsliðinu. Eiður Smári hefur verið
aðalmarkaskorari liðsins undanfarinn áratug
en í ár var það hins vegar Heiðar Helguson sem
skoraði flest mörk fyrir íslenska liðið.
Eiður Smári er að koma ferli sínum aftur í
gang hjá Stoke og lýsti því yfir eftir leikinn á
móti Portúgal að hann myndi gefa kost á sér
veldi landsliðsþjálfarinn hann í liðið. Löng
afreka- og markaskrá hans með landsliðinu
ætti því að geta lengst þrátt fyrir markaleysi í
ár.
Eiður Smári jafnaði markamet Ríkharðar
Jónssonar árið 2006 og bætti það einu ári síðar.
Hann hefur alls skorað 24 mörk fyrir lands-
liðið og hefur nú sjö marka forskot á næsta
mann sem er enn Ríkharður. Síðasta mark Eiðs
Smára var í 1-1 jafntefli á móti Norðmönnum
fyrir rúmum þrettán mánuðum.
Heiðar Helguson var markahæsti lands-
liðsmaðurinn á árinu með 4 mörk og er þetta
einnig í fyrsta sinn síðan árið 2001 sem Eiður
Smári skorar ekki flest mörk fyrir landsliðið,
eða síðan Tryggvi Guðmundsson skoraði fimm
mörk fyrir A-landsliðið árið 2001.
Afrek Eiðs Smára – að skora að minnsta kosti
eitt landsliðsmark níu ár í röð – er að sjálf-
sögðu met og ólíklegt að það verði nokkurn
tímann slegið. Þeir sem komast næstir honum
eru Þórður Guðjónsson og Ríkharður Daðason.
Þórður skoraði landsliðsmark sex ár í röð frá
1996 til 2001 en Ríkharður skoraði landsliðs-
mark fimm ár í röð frá 1996 til 2002.
Það er reyndar ekki öll von úti enn hjá Eiði
Smára því það er eitt landsleikjahlé eftir á
árinu. KSÍ hefur ekki útvegað íslenska landslið-
inu vináttuleik 17. nóvember næstkomandi og
það eru ekki miklar líkur á að það breytist úr
þessu. - óój
Markalaus í fyrsta sinn í áratug
Eiður Smári Guðjohnsen skoraði ekki mark fyrir íslenska karlalandsliðið á ár-
inu 2010 eftir að hafa skorað að minnsta kosti eitt mark níu ár í röð.
EIÐUR SMÁRI OG CRISTIANO RONALDO Eiður Smári í leiknum á móti
Portúgal á þriðjudagskvöldið. Þetta var aðeins annar leikur hans á
þessu ári en hinn var gegn Liechtenstein. FRÉTTABLAÐIÐ/VILHELM
Markakóngar landsliðs-
ins síðustu ár
2010 Heiðar Helguson 4 mörk
2009 Fjórir menn með 2 mörk
(þar á meðal er Eiður Smári)
2008 Eiður Smári Guðjohnsen 3
2007 Eiður Smári Guðjohnsen 2
2006 Fjórir menn með 1 mark
(þar á meðal Eiður Smári)
2005 Eiður Smári Guðjohnsen 3
2004 Eiður Smári Guðjohnsen 4
2003 Eiður Smári Guðjohnsen 3
2002 Eiður Smári Guðjohnsen 3
2001 Tryggvi Guðmundsson 5
2000 Helgi Sigurðsson 4
2000 Ríkharður Daðason 4
1999 Þórður Guðjónsson 3
1998 Þórður Guðjónsson 3
1998 Ríkharður Daðason 3
Leikir og mörk Eiðs með
landsliðinu
Eiður Smári lék sinn fyrsta landsleik
fyrir 14 árum en hann missti úr árin frá
1996 til 1999 vegna erfiðra meiðsla.
Leikir og mörk eftir árum:
1996 1 leikur/0 mörk
1999 3 leikir/1 mark
2000 5 leikir/0 mörk
2001 7 leikir/2 mörk
2002 4 leikir/3 mörk
2003 7 leikir/3 mörk
2004 7 leikir/4 mörk
2005 5 leikir/3 mörk
2006 5 leikir/1 mark
2007 5 leikir/2 mörk
2008 6 leikir/3 mörk
2009 6 leikir/2 mörk
2010 2 leikir/0 mörk
VILDARÁSKRIFT AÐ STÖÐ 2 SPORT 2 INNIHELDUR 512 5100 STOD2.IS VERSLANIR VODAFONE VERSLANIR OG ÞJÓNUSTUVER SÍMANS 800 7000
BARDAGINN UM BÍTLABORGINA
Hinn rauði hluti Liverpoolborgar mætir í spennandi grannaslag á Goodison Park í hádeginu á sunnudaginn. Bæði lið
vilja ólm komast á sigurbraut og allt verður lagt undir því hvorugt liðið má við því að tapa fleiri stigum en orðið er.
Á SUNNUDAG KL. 12:00