Fréttablaðið - 30.10.2010, Page 72

30. október 2010 LAUGARDAGUR40
Tilkynningar um merkis atburði, stórafmæli
og útfarir má senda á netfangið
timamot@frettabladid.is.
Auglýsingar á að senda á
auglysingar@frettabladid.is
eða hringja í síma 512 5000.
timamot@frettabladid.is
INGIBJÖRG H. BJARNASON, skólastjóri og alþingimaður, (1867-1941) lést þennan dag.
„Við eigum að reyna að gera allt það sem best er í fari annarra þjóða að íslenskri
þjóðardyggð.“
Um sextíu þúsund manns fögnuðu því þennan
mánaðardag fyrir fimm árum að lokið var endur-
bótum á Frúarkirkjunni í Dresden í Þýskalandi.
Kirkjan, sem var byggð á 19. öld, eyðilagðist
í sprengjuárásum bandamanna undir lok síðari
heimsstyrjaldarinnar. Endurbæturnar hófust eftir
fall Berlínarmúrsins en fram að því vildu yfirvöld
í Austur-Þýskalandi ekki láta gera við kirkjuna,
heldur hafa hana sem minnisvarða um eyðilegg-
ingarmátt stríðsins.
Horst Köhler, forseti Þýskalands, hertoginn af
Kent og sendiherrar Bandaríkjanna og Frakk-
lands voru meðal þeirra sem sóttu athöfnina til
að fagna þessum tímamótum. Einnig voru þar
stödd Gerhard Schröder, kanslari Þýskalands og
Angela Merkel, arftaki hans.
Endurbæturnar á Frúarkirkjunni kostuðu um
þrettán milljarða íslenskra króna. Um helmingur
þess fjár kom frá ýmsum þjóðum, meðal annars
Bandaríkjamönnum og Bretum.
ÞETTA GERÐIST: 30. OKTÓBER 2005
Frúarkirkjan í Dresden endurvígð
Merkisatburðir
1611 Gústaf II. Adolf verður konungur Svíþjóðar.
1936 Á Suðvesturlandi verður mikið tjón vegna sjávarflóða og
muna elstu menn ekki annað eins.
1941 Lokið er við höggmyndirnar af fjórum forsetum Bandaríkj-
anna í Rushmore-fjalli.
1983 Fyrstu frjálsu kosningarnar eru haldnar í Argentínu eftir sjö
ára herforingjastjórn.
2006 Síðasta skipið er afgreitt úr Daníelsslipp í Reykjavíkurhöfn.
2008 Íslenska kvennalandsliðið í knattspyrnu vinnur það írska
3-0 á Laugardalsvelli og kemst þar með í úrslitakeppni EM
2009, fyrst íslenskra A-landsliða í knattspyrnu.
„Ég hef aldrei verið upptekinn af
aldri og árum. Er aðallega þakklátur
fyrir að vera á lífi og við góða heilsu,“
segir afmælisbarn dagsins, Björgvin
G. Sigurðsson alþingismaður, spurður
hvernig tilfinning það sé að fylla fjórða
áratuginn.
Björgvin býr á Selfossi með konu
sinni Maríu Rögnu Lúðvígsdóttur og
sex börnum. Þaðan ekur hann daglega
til þings. „Frá því við fluttum austur
fyrir fjall fyrir sex árum fer ég undan-
tekningalítið heim eftir vinnu,“ segir
hann og tekur fram að þingmennsk-
unni fylgi mikil keyrsla. „Í þessari
viku er ég búinn að fara til Vestmanna-
eyja, í Mýrdalinn, þrisvar á Suðurnesin
og er á leiðinni til Hornafjarðar eftir
helgina,“ segir hann og bætir við: „En
þetta er líka skemmtilegasta hliðin á
starfinu, ferðalögin um kjördæmið og
kynnin af fólkinu.“
Barnsskónum sleit Björgvin í
Reykjavík en sex ára flutti hann með
fjölskyldu sinni upp í Búrfellsvirkjun
þar sem vélfræðingurinn faðir hans
starfaði í 30 ár og móðir hans varð
kennari í Þjórsárskóla. „Ég á einstak-
lega góðar minningar frá Búrfelli og
var þar að vinna með skóla fram á 25
ára aldur,“ segir Björgvin. Um ferm-
ingu kveðst hann hafa flutt að Skarði
í Gnúpverjahreppi, ásamt fjölskyld-
unni. Þar er hennar óðal enn og þar
á og ræktar Björgvin hross og stund-
ar útreiðar. „Hestamennska er stóra
áhugamálið fyrir utan pólitík og sagn-
fræði,“ segir hann brosandi.
Þrátt fyrir ungan aldur á Björgvin
langan feril að baki í pólitíkinni og er
beðinn að skauta yfir hann. „Í háskóla-
náminu datt ég inn í öflugan hóp sem
kenndi sig við Grósku og barðist fyrir
samruna flokkanna vinstra megin við
miðju. Svo þegar Samfylkingin varð
til bað Margrét Frímannsdóttir mig að
gefa kost á mér í eitt af efstu sætun-
um á lista flokksins á Suðurlandi 1999
og ég sló til. Rétt fyrir 29 ára afmælið
tók ég í fyrsta sinn sæti á Alþingi sem
varamaður Margrétar og mánuði síðar
var ég ráðinn framkvæmdastjóri þing-
flokks Samfylkingarinnar, þannig að
ég hef verið með þeim flokki frá því
hann varð til fyrir ellefu árum,“ rifjar
hann upp. Segir það þó ekki hafa verið
upphaflega hugmynd sína að verða
pólitíkus. „Ég ætlaði að stunda blaða-
mennsku og skriftir og var að mennta
mig erlendis í stjórnmálaheimspeki,
eftir sagnfræði- og heimspekinám
hér heima. En vegna áhuga á pólitík
og samruna frjálslyndra jafnaðarafla
gaf ég kost á mér í þingmennskuna og
hafði lengst af gaman af.“ „Hafði?“
étur blaðamaður upp. „Já, það er fróð-
legt að líta til baka,“ segir Björgvin.
„Síðustu ár hafa verið róstusöm en um
leið eftirminnilegur tími og stórbrot-
inn.“
Ný bók eftir Björgvin kemur út eftir
rúma viku, Stormur reynslusaga ráð-
herra. „Ég skrifaði hana í sumar,“
segir hann. „Þetta er frásögn mín af
tímabilinu fyrir, í kringum og eftir
efnahagshamfarirnar 2008. Einnig
lít ég þar bæði til baka og framtíðar í
stjórnmálum.“
Að lokum: Ætlar hann að halda upp
á afmælið? „Nei, ég hélt síðast upp á
afmælið mitt þegar ég var tvítugur og
ætla að finna eitthvert annað tilefni
seinna í lífinu til að halda sérstaka
samkomu um sjálfan mig. Sjálfsagt
kíkja einhverjir ættingjar og vinir í
heimsókn í dag en eftir annasama viku
ætla ég bara að slaka á og njóta þess að
vera heima.“ gun@frettabladi.is
BJÖRGVIN G. SIGURÐSSON: ER FERTUGUR Í DAG
Hestamennskan stóra áhuga-
málið fyrir utan pólitík og sögu
FERTUGUR Í DAG „Ég hélt síðast upp á afmælið mitt þegar ég var tvítugur og ætla að finna
eitthvert annað tilefni seinna í lífinu til að halda sérstaka samkomu um sjálfan mig,“ segir
Björgvin. FRÉTTABLAÐIÐ/HILMAR BRAGI BÁRÐARSON
Ástkær eiginmaður minn, faðir okkar,
sonur, bróðir og afi,
Björn Ólafsson
Hofgörðum 1, Seltjarnarnesi,
lést á krabbameinsdeild Landspítalans fimmtudaginn
28. október. Útför fer fram frá Seltjarnarneskirkju
föstudaginn 5. nóvember kl. 13.00.
Jóhanna Guðnadóttir
Guðrún Björnsdóttir
Hilmar Björnsson Elín Helga Sveinbjörnsdóttir
Guðrún Salvör Björnsdóttir
systur og barnabörn
Innilegar þakkir fyrir auðsýnda samúð
og hlýhug við andlát og útför kærs
vinar míns og bróður okkar,
Harðar Haraldssonar
Sérstakar þakkir til starfsfólks á deild 4A á dvalar- og
hjúkrunarheimilinu Grund.
Sigurbjörg Sigurðardóttir
Eiríkur Haraldsson
Pétur Haraldsson
Hjartans þakkir færum við öllum þeim
sem sýndu okkur samúð og hlýhug við
andlát og útför ástkærrar móður okkar,
tengdamóður, ömmu og langömmu,
Gunnvarar Björnsdóttur
Dvalarheimilinu Höfða, Akranesi.
Ykkar stuðningur er okkur ómetanlegur.
Björn Sigurðsson Susanna Modin
Guðmundur Sigurðsson Jónína Björg Magnúsdóttir
Kristinn Hallur Sveinsson Margrét Rós Jósefsdóttir
Rósa Guðrún Sveinsdóttir
barnabörn og barnabarnabörn.
Elskulegur eiginmaður minn, faðir
okkar, tengdafaðir, afi og bróðir,
Sveinn Viðar Stefánsson
Akurgerði 46, Reykjavík,
lést sunnudaginn 17. október. Útförin hefur farið fram
í kyrrþey að ósk hins látna.
Við sendum hjartans þakkir til allra þeirra sem sýndu
okkur samúð og vináttu við fráfall hans. Sérstakar
þakkir til starfsfólks í Fríðuhúsi, Landakotsspítala og á
Grund, deild V-4, fyrir frábæra umönnun, skilning og
hlýju í veikindum hans. Þökkum félögum í Oddfellow
fyrir ómetanlegan stuðning.
Sigríður Brynjúlfsdóttir
Óskar Sveinsson Ásta María Traustadóttir
Rakel Sveinsdóttir
Arnfríður Kristrún Sveinsdóttir Magnús G. Haraldsson
barnabörn og systkini
erf idr yk kjur
G R A N D
Hlýlegt og gott viðmót
á Grand hótel.
Fjölbreyttar veitingar
lagaðar á staðnum.
Næg bílastæði
og gott aðgengi.
Grand Hótel Reykjavík
Sigtún 38, 105 Rvk.
Sími: 514 8000
www. grand.is
erfidrykkjur@grand.is
Verið velkomin
á Grand hótel