Fréttablaðið - 25.11.2010, Page 43

em kvenna 2010 ●FIMMTUDAGUR 25. NÓVEMBER 2010 9
Þorbjörg Jóhanna Gunnarsdóttir heitir
konan bak við tjöldin í kvennalandslið-
inu. Hún er liðsstjóri og auk þess er hún
eina konan á skrifstofu HSÍ.
„Áhuginn á keppnisíþróttum byrjaði hjá
mér í gegnum börnin en sjálf hef ég ekki
stundað þær,“ segir Þorbjörg Gunnarsdóttir,
sem kveðst eiga þrjú börn og öll íþróttum.
„Þegar elsti strákurinn sem nú er kominn í
meistarflokk í fótbolta fór að æfa þá byrjaði
ég í foreldrastarfi og svo tók sá næsti við. Þá
var ég stundum liðsstjóri í ferðum á Shell-
mót og fleiri slík. Það vatt upp á sig þannig
að nú er ég orðinn liðsstjóri kvennalands-
liðsins í handbolta og hef verið frá því Júlíus
Jónasson tók við þjálfarastarfinu 2006.“ Hún
á þó ekki dóttur í liðinu. „Ég á eina stelpu
í handbolta en hún er þrettán ára og ekki
komin svona langt,“ segir hún brosandi.
Þorbjörg kveðst hafa verið á skrifstofu
HSÍ með annan fótinn síðan 2002. „Ég byrj-
aði sem sjálfboðaliði og svo hef ég aðeins
bætt í,“ segir hún og er í framhaldinu beðin
að lýsa starfi sínu sem liðsstjóra. „Ég sé
til þess að hópurinn fái það sem hann van-
hagar um í keppnis- og æfingafatnaði, mál-
tíðir séu í lagi og allur aðbúnaður á ferða-
lögum og að æfingatímar standist. Þetta er
heilmikið starf en voða skemmtilegt. Ég er
bara hluti af hópnum. Við reynum að peppa
hvert annað upp, styðja við bakið hvert
á öðru og gera það sem gera þarf,“ segir
hún. Viðurkennir þó að vinnutíminn sé ansi
óreglulegur og segir það ekki síst bitna á
fjölskyldunni.
Menntun Þorbjargar í hjúkrunarfræði
nýtist henni á ýmsan hátt sem liðsstjóra, að
eigin sögn, þó hún hafi ekki unnið við hana
síðan 1992. „Það er betra að vita hvernig
líkaminn er uppbyggður þegar upp koma
meiðsli í hópnum,“ útskýrir hún en kveðst
ekki vilja kalla sig sálusorgara liðsins.
„Auðvitað hefur alveg komið fyrir að ég hef
tekið utan um stelpurnar og leyft þeim að
pústa,“ segir hún en gerir ekkert úr deilum
innan hópsins. „Vitanlega geta komið upp
einhver ágreiningsmál eins og í öllum hópí-
þróttum. En öll stefnum við einbeitt að sama
marki.“
Þorbjörg hefur farið í fimm utanlands-
ferðir á þessu ári með landsliðinu og fram
undan er törn. Sér hún fyrir sér einhvern
jólaundirbúning heima? „Ég er búin að
baka smákökurnar en það er ljóst að ekki
verður tekin nein jólahreingerning. Þetta
starf mitt gengi ekki upp nema af því ég á
góðan mann og frábær börn sem skilja hvað
ég er að gera.“
Stefnum öll einbeitt að sama marki
Liðsstjórinn Þorbjörg reynir að mæta á allar æfingar hjá landsliðinu og nú eru strangir dagar fram undan hjá stelpunum. FRÉTTABLAÐIÐ/VILHELM
www.kfc.is
Þökkum stuðninginn