Fréttablaðið - 15.01.2011, Side 2

2 15. janúar 2011 LAUGARDAGUR
Páll, er allt á sömu rafbókina
lært?
„Það er engum blöðum um það að
fletta.“
Á rafbókarsíðunni Lestu.is má finna sígild
bókmennaverk, jafnt íslensk sem þýdd.
Páll Guðbrandsson er kynningarstjóri
Lestu.is.
Í HÉRAÐSDÓM Maðurinn hélt bréfpoka
fyrir andlitinu þegar hann var leiddur í
héraðsdóm í gær. FRÉTTABLAÐIÐ/ANTON
DÓMSMÁL Gæsluvarðhald var í
gær framlengt til 11. febrúar yfir
karlmanni á fimmtugsaldri, sem
setið hefur inni vegna gruns um
að hafa nauðgað konu í Reykja-
vík um síðustu helgi. Maður-
inn kærði úrskurð Héraðsdóms
Reykjavíkur til Hæstaréttar.
Krafist var gæsluvarðhalds
yfir manninum á grundvelli
almannahagsmuna og til vara var
lögð fram krafa um farbann.
Maðurinn er grunaður um
að hafa nauðgað konunni, sem
var mjög ölvuð, inni á salerni á
skemmtistað. Framburður vitna
og upptökur úr öryggismyndavél-
um styrkja þann grun lögreglu.
Maðurinn hefur neitað sök. - jss
Kærði úrskurð til Hæstaréttar:
Meintur nauðg-
ari áfram inni
ÍÞRÓTTIR Reykjavíkurleikar fara
nú fram í fjórða skipti í Laugar-
dalnum. Það eru Íþróttabandalag
Reykjavíkur og íþróttafélögin í
borginni sem standa að leikunum
með stuðningi borgarinnar.
Á leikunum er keppt í tólf
greinum: fimleikum, bogfimi,
keilu, skylmingum, júdó, dansi,
borðtennis, listhlaupi á skautum,
frjálsum íþróttum, badminton,
sundi og kraftlyftingum.
Reiknað er með því að um 400
erlendir gestir verði hér á landi
vegna leikanna. - þeb
Reykjavíkurleikar fara fram:
Fjöldi erlendra
þátttakenda
EFNAHAGSMÁL Vel hefur tekist til við að draga úr
halla á fjárlögum og koma efnahagslífinu á
réttan kjöl. Nýtt Icesave-samkomulag er
mun hagstæðara en fyrri samningar sem
kynntir hafa verið og flýtir fyrir bata
efnahagslífsins. Þetta segir Julie Koz-
ack, sendifulltrúi Alþjóðagjaldeyris-
sjóðsins, AGS, hér á landi.
AGS birti skýrslu um framgang
efnahagsáætlunar stjórnvalda og
sjóðsins í kjölfar fjórðu endur-
skoðunar áætlunarinnar í gær.
Þar kemur fram að efnahagslífið
hér sé smám saman að koma út úr
djúpri kreppu og megi búast við
hagvexti á árinu, þeim fyrsta í
á þriðja ár. Helsta áhyggjuefn-
ið er mikið atvinnuleysi. Átta
prósenta atvinnuleysi mældist
í desember á nýliðnu ári, sam-
kvæmt nýbirtum tölum Hag-
stofunnar.
Kozac sagði á símafundi frá
Washington um það leyti sem skýrslan var
birt í gær að efnahagsáætlunin væri á
réttri leið. Vel hafi tekist við fjárhags-
lega endurskipulagningu heimila þótt
enn eigi eftir að laga til hjá fyrir-
tækjum og muni samstarfinu ljúka
eins og um var samið í ágústlok.
Seðlabankinn mun á næstunni
kynna endurskoðun á afnámi
gjaldeyrishafta. Kozac vildi ekki
tjá sig um áætlanir áður en þær
verða kynntar. Hún benti á að höft-
in hefðu skilað tilætluðum árangri
og það yrði að afnema þau í skref-
um. - jab
Miklar framfarir hér eftir kreppuna, segir Julie Kozack, sendifulltrúi AGS á Íslandi:
Hefur áhyggjur af atvinnuleysi
JULIE KOZAC Sendifulltrúi Alþjóðagjald-
eyrissjóðsins segir efnahagsáætlun
stjórnvalda á áætlun. Hún hefur
áhyggjur af miklu atvinnuleysi.
EVRÓPUMÁL Maria Damanaki, sjáv-
arútvegsstjóri Evrópusambandsins
(ESB), boðaði í ræðu í gær að endur-
skoðuð fiskveiðistefna sambandsins
yrði „einfaldari, grænni og svæðis-
bundnari“.
Damanaki sagðist myndu sjá til
þess að skrifræði yrði minna og
ábyrgðin yrði færð á hendur aðild-
arríkjunum.
„Færri ákvarðanir verða tekn-
ar í Brussel. Í framtíðinni verða
ákvarðanir teknar af aðildarríkjum
við hvert hafsvæði. Til dæmis munu
ríkin við Norðursjó geta samið um
nýtingu stofna þar.“
Bæði verður sjóðakerfi sjávar-
útvegsins einfaldað og lagaramm-
inn verður einfaldari, en Damanaki
lagði einnig áherslu á að vitundar-
vakningar væri þörf varðandi brott-
kast og að það væri meginatriði í
komandi endurskoðunarferli. Úlfar
Hauksson, stjórnmálafræðingur og
aðjúnkt við Háskóla Íslands, segir
þessi ummæli Damanakis samræm-
ast hugmyndum sem hafa verið í
deiglunni að undanförnu.
„Þó þetta sé ekki nýtt í sjálfu sér,
þá hafa orð hennar mikið vægi og
ljóst er að þessar hugmyndir eru
komnar upp á hærra stig.“ - þj
Aukin áhersla á svæðisstjórn í endurskoðun fiskveiðistefnu ESB:
Valdið frá Brussel til ríkjanna
VALD TIL RÍKJANNA Hugmyndir eru uppi
um að frekara vald í sjávarútegsmálum
færist frá Brussel til aðildarríkjanna.
NOREGUR Lögreglan í Noregi leit-
aði í gær að árásarmanni sem
skaut á tvo menn og eina konu í
almennings garði í bænum Sande-
fjord skammt frá Ósló. Þau voru
öll flutt á sjúkrahús og voru tvö
þeirra í lífshættu. Vitni segja árás-
armanninn vera kominn á efri ár
og hann hafi verið með hund.
Skotárásin var gerð á stað í
garðinum þar sem er þekktur
samkomustaður fólks úr fíkniefna-
heiminum. Lögreglan hefur stað-
fest að þau þrjú, sem skotið var á,
tengist þeim heimi. - gb
Þrjú skotin í Noregi:
Árásarmanns
leitað í gær
UMHVERFISMÁL Stór hluti hrygning-
ar urriða hefur að öllum líkindum
drepist í Stangarlæk í Grímsnesi
eftir áramótin. Svo virðist sem
urriðarnir hafi orðið innlyksa í
litlu vatni og frosið í kuldakastinu
í síðustu viku. Lækurinn er talinn
helsta hrygningar- og uppeldis-
svæði urriðans í Apavatni.
Veiðimálastofnun barst tilkynn-
ing um tugi dauðra urriða í Stang-
arlæk mánudaginn 10. janúar, en
lækurinn er um tólf kílómetra
langur og á upptök sín í Lyngdal
á Lyngdalsheiði og fellur hann í
Apavatn.
„Þótt Stangarlækur sé ekki stór
er hann talinn mikilvægur sem
hrygningar- og uppeldissvæði,
einkum fyrir urriða úr Apavatni.
Hætta er á að verulegur hluti
hrygningarfiska og seiða hafi far-
ist. Það gæti haft áhrif á stofn-
stærð á næstu árum. Vert að gera
frekari rannsóknir á afdrifum
seiða á þessu svæði þegar aðstæð-
ur leyfa,“ segir á vef Veiðimála-
stofnunar.
Við vettvangsskoðun mátti hvar-
vetna sjá þykkan klaka og botn-
frosinn ís á læknum. Voru um
fimm kílómetrar ísi þaktir en með
engu vatnsrennsli.
Alls fundust milli sextíu og átta-
tíu dauðir urriðar, flestir þrjátíu til
fjörutíu sentimetra langir og voru
þeir flestir frosnir í ís. Sérfræð-
ingar Veiðimálastofnunar fundu
engin dauð seiði en telja líklegt að
seiði á svæðinu hafi einnig drep-
ist.
Sjö urriðar voru teknir til frek-
ari skoðunar og kom í ljós að fisk-
urinn virðist hafa verið í miðri
hrygningu sem er óvenjulegt þar
sem hrygningartími urriða á Suð-
urlandi er helst í október og nóv-
ember.
Þessi óvenjulegi fiskdauði er
nokkur ráðgáta að sögn sérfræð-
inga, en líklegast er að lækurinn
hafi verið mjög vatnslítill í haust
og framan af vetri. Í kjölfar rign-
ingar á annan í jólum óx mjög í
læknum og urriðinn er þá talinn
hafa gengið upp í lækinn. Þegar
stytti upp þvarr árvatnið fljótt og
frysti í kjölfarið sem hefur vald-
ið því að fiskarnir sátu eftir og
drápust.
svavar@frettabladid.is
Urriði í hrygningu
fraus í Stangarlæk
Óttast er að verulegur hluti hrygningarfisks og seiða hafi drepist í Stangarlæk í
Grímsnesi í frostum eftir áramótin. Lækurinn er talinn helsta hrygningarsvæði
urriða í Apavatni. Sérfræðingar fundu tæplega hundrað urriða frosna í ís.
FRUSU Í HEL Við vettvangskönnun fundust tugir urriða dauðir. Sérfræðingar telja
mikinn fjölda dauðra fiska hafi leynst í læknum undir ógegnsæjum ís.
MYND/VEIÐIMÁLASTOFNUN
KJARAMÁL Jóhanna Sigurðardótt-
ir forsætisráðherra segir á fés-
bókarsíðu sinni að óboðlegt sé að
Samtök atvinnulífsins (SA) taki
kjaraviðræður í gíslingu með
kröfu um úrlausn í endurskoðun
fiskveiðistjórnunarkerfisins.
Þessi ummæli koma í kjölfar
krafna SA um að breyting laga sé
forsenda kjarasamninga.
Vilhjálmur Egilsson, fram-
kvæmdastjóri SA, segir við
Fréttablaðið að stjórnin hafi sjáv-
arútveginn í gíslingu. Á meðan
framtíðin sé óráðin verði engar
fjárfestingar í greininni. . - þj
SA og ríkisstjórn karpa:
Deilt um lög
um sjávarútveg
DANMÖRK Nýfæddir tvíburar
þeirra Friðriks Danaprins og
Mary prinsessu sáust opinber-
lega í fyrsta sinn í gær þegar
fjölskyldan fór heim af Ríkis-
spítalanum í Kaupmannahöfn.
Tvíburarnir, drengur og
stúlka, fæddust 8. janúar síðast-
liðinn með hálftíma millibili og
verða númer fjögur og fimm í
erfðaröðinni, á eftir föður sínum
og tveimur eldri systkinum. Tví-
burarnir verða skírðir eftir þrjá
mánuði.
Friðrik hélt á stúlkunni út en
Mary á drengnum. - jab
Kóngabörnin komin heim:
Sváfu vært í
faðmi foreldra
SYSTKININ Tvíburar þeirra Friðriks Dana-
prins og Mary prinsessu sáust í fyrsta
sinn opinberlega í gær. FRÉTTABLAÐIÐ/AFP
SPURNING DAGSINS
8 vikna námskeið
Hádegistímar tvisvar í viku
Betri líðan í hálsi, herðum og baki
undir leiðsögn sjúkraþjálfara.
Upplýsingar og skráning í síma
897 2896 og á www.bakleikfimi.is
BAKLEIKFIMI
MEÐ SAMBAÍVAFI Í SPORTHÚSINU