Fréttablaðið - 15.01.2011, Blaðsíða 45

LAUGARDAGUR 15. janúar 2011 3
Þegar gengið er inn um dyr Sjopp-
unnar blasir við sófakrókur þar sem
tveir ungir strákar leika sér í Nin-
tendo, menntaskólanemi með úfinn
lubba teflir við nýklipptan banka-
starfsmann, heldri kona blaðar í
ljósmyndabók með kaffibolla í hönd
á meðan hárliturinn festir sig í sessi
og plötusnúður bograr yfir plötu-
spilaranum sem hann er að gera
tilbúinn fyrir kvöldið. Handan við
krókinn eru svo níu stólar og í öllum
þeim situr fólk sem komið hefur í
Sjoppuna til að fara í klippingu.
Þrátt fyrir allt þetta fólk er and-
rúmsloftið afslappað og rólegt. „Við
viljum að fólk gefi sjálfu sér tíma
þegar það kemur til okkar, spjalli
og fái sér kaffi og njóti þess að vera
hérna,“ segir Emil Ólafsson, annar
stofnenda Sjoppunnar. „Fólk vinnur
svo mikið að það gleymir af hverju
það er að leggja svona mikið á sig.
Er það ekki einmitt til að geta gefið
sér tíma til að vera góður við sjálfan
sig?“
Þetta hugarfar, að fólk geri
vel við sig í tíma og samskiptum,
endurspeglast í allri umgjörð Sjopp-
unnar. Umhverfið er stílhreint en
um leið heimilislegt og í andstöðu
við eril Bankastrætisins sem blas-
ir við út um stóra glugga stofunn-
ar. „Við vildum ekki taka risalán til
að fjármagna marmaralagða stofu,
enda sögðu margir okkur klikkaða
að láta okkur detta í hug að opna
stofu í miðri kreppu,“ segir Emil.
„Þess vegna reyndum við að gera
eins mikið sjálfir og við mögulega
gátum auk þess sem við fengum
mikla og góða hjálp frá vinum og
vandamönnum.“
Þegar Sjoppan var opnuð form-
lega 20. mars voru hársnyrtarnir
tveir. Emil og Kristján Aage. Nú
eru þeir orðnir níu. „Þegar við byrj-
uðum voru ljósakrónurnar ennþá á
gólfinu og ýmislegt óklárað en við
vildum ólmir byrja, enda fengum
við engin laun fyrir smíðavinnuna
sem við lögðum í húsið,“ segir Emil
og glottir.
Sjoppan hefur ekki bara vakið
athygli á faglega sviðinu heldur
einnig fyrir hliðarverkefnin á menn-
ingarlega planinu. Til dæmis stóðu
Sjoppustrákarnir fyrir tónleikum á
Menningarnótt beint fyrir utan stof-
una á horni Bankastrætis og Skóla-
vörðustígs. Þegar best lét stóðu þar
nokkur þúsund mans og hlustuðu á
Sykur spila.
„Okkur dreymir um að vera líka
einhvers konar menningarmið-
stöð,“ segir Emil. „Eins og ég segi
snýst þetta allt um að gefa sér tíma
á öllum sviðum lífsins. Tíma til að
bæði vinna og til að vera góður við
sjálfan sig.“ tryggvi@frettabladid.is
Bjartsýnir
Sjoppustrákar
Meðan svartnættið einkennir margt á Íslandi vilja Sjoppustrákarnir
ekki annað sjá en jákvæðni og bjartsýni. Tónleikar, kaffi og klipping
eru á matseðlinum, framreitt með slurk af áhugaverðum samræðum.
Emil og félagi hans Kristján klipptu meðal annars í heilan dag frá morgni til kvölds til
styrktar Krabbameinsfélaginu. MYND/HELLERT
Nemendur á Heilbrigðisvísindasviði Háskóla Íslands bjóða gestum og
gangandi í opið hús á Háskólatorgi í dag. Þar gefst fólki kostur á að fræð-
ast um sykurmagn í ýmsum þekktum fæðutegundum, skoða sýni í smá-
sjá, fræðast um starfsemi Ástráðs og margt fleira. Forvarnafélag hjúkrun-
arfræðinema, Skjöldur, kynnir starfsemi sína en félagið hefur meðal ann-
ars farið með forvarnaverkefni um sjálfsmynd unglinga í lífsleikniáfanga í
framhaldsskólum.
Bangsaspítalinn verður á staðnum og býður öllum börnum á aldrinum
3-6 ára að koma með dúkkurnar sínar eða bangsana til læknis.
Meistaranemar í lyfjafræði munu flytja stutta fyrirlestra um lyfjamisnotk-
un og íþróttir og hefst sá hluti dagskrárinnar klukkan 12 og verður í stofu
101. Einnig verður ungmennadeild Blóðgjafafélags Íslands á staðnum og
veitir fræðslu um mikilvægi blóðgjafar.
Gestum boðið á Háskólatorg
OPIÐ HÚS VERÐUR Á HÁSKÓLATORGI Í DAG ÞAR SEM NEMENDUR Á HEIL-
BRIGÐISSVIÐI HÁSKÓLA ÍSLANDS BJÓÐA GESTUM AÐ KYNNAST ÝMSU ÞVÍ
SEM SNÝR AÐ HEILBRIGÐI.
Bangsaspítalinn verður á staðnum og býður
börnum á aldrinum 3 til 6 ára að koma með
dúkkurnar sínar eða bangsana til læknis.
20% afsláttur
af öllum sóttum pizzum
Opnunartímar
Dalvegur 2, Kópavogi
Opið alla daga frá 11-1
Dalshraun 13, Hafnarfirði
Opið Sun-fim frá 11-23
Opið fös-lau frá 11-23:30
Óskar strákunum okkar
góðs gengis á HM
Í Hafnarfirði bjóðum
við upp á speltpizzurHádegis Tilboð
9’’ með 3 álegstegundum og coke í dós...................1090 kr.
Heimsendingar tilboð
Sór pizza með 2 áleggstegundum stór brauðstangir og 2L gos...3190 kr.
Mið pizza með 2 áleggstegundum litill brauðstangir og 1L gos...2490 kr.
Skipholti 29b • S. 551 0770Rýmingarsala hafin 40-70% afsláttur