Fréttablaðið - 15.01.2011, Blaðsíða 94

15. janúar 2011 LAUGARDAGUR66
sport@frettabladid.is
ÍSLENSKA LANDSLIÐIÐ mætir Brasilíumönnum í öðrum leik sínum á HM í Svíþjóð klukkan 20.00 í kvöld og er
leikurinn í beinni á Stöð 2 Sport. Þetta verður fyrsti leikur Íslands á móti Suður-Ameríuþjóð á HM frá upphafi en Ísland
vann Brasilíu bæði á Ólympíuleikunum í Aþenu árið 2004 (29-25) sem og á Ólympíuleikunum í Barcelona 1992 (19-18)
Henry Birgir
Gunnarsson
og Valgarður
Gíslason
fjalla um HM í Svíþjóð
henry@frettabladid.is - valgard.gislason@365.is
Hvert stefnum við
í endurhæfingu á Íslandi?
Opið málþing um endurhæfingu 21. janúar 2011
kl. 13-16 í Norræna húsinu á vegum
Félags fagfólks um endurhæfingu, FFE.
Vinsamlega skráið þátttöku fyrir miðvikudaginn 19. janúar n.k. á ffe@ffe.is
FÓTBOLTI Stórleikur helgarinnar í
enska boltanum verður leikur Tot-
tenham og toppliðsins Manchester
United á White Hart Lane á morg-
un. Manchester United hefur ekki
tapað deildarleik á tímabilinu en
hefur þó aðeins unnið 2 af 9 úti-
leikjum sínum. Tottenham er enn
með í toppbaráttunni, átta stigum
á eftir United.
„Þetta er krefjandi verkefni
fyrir okkar lið og í raun stórt próf
fyrir okkur,“ sagði Alex Fergu-
son, stjóri Manchester United.
„Það hefur verið áhugavert að
fylgjast með þróun mála hjá Tot-
tenham. Ég man ekki
eftir því að hafa farið
áður með United-liðið
á White Hart Lane
þar sem Totten-
ham-liðið er með
í titilbaráttunni.
Harry Redknapp
hefur gjörbreytt
öllu hjá Spurs og
það eru margir
spennandi leik-
menn í liðinu í
dag,“ sagði Fergu-
son.
„Þeir eru ekki
búnir að ná fram sínu
besta í vetur en þeir
vinna samt sína leiki.
Það er frábært afrek
að vera enn taplausir en allir verða
fyrst í vandræðum með þá þegar
þeir komast í sitt allra besta form,“
sagði Harry Redknapp.
„Þeir eru líklegastir til að vinna
titilinn en ég held að þeir muni nú
tapa einhvern tímann í vetur,“
sagði Redknapp. Tottenham hefur
ekki náð að vinna Manchester
United í tæplega tíu ár eða í 23 síð-
ustu leikjum.
„Við erum að spila vel enda
höfum við bara tapað einu sinni
í síðustu þrettán leikjum. Það má
því búast við skemmtilegum leik,“
sagði Redknapp.
Það verður annars mikill
derby-dagur á morgun því
þá mætast einnig Birming-
ham-Aston Villa, Sund-
erland-Newcastle og
síðast en ekki síst
Liverpool-Everton
þar sem Kenny
Dalglish stjórn-
ar Liverpool
á Anfield í
fyrsta sinn í
tuttugu ár.
Chelsea
(Blackburn,
heima) Ars-
enal (West Ham, úti)
og Manchester City
(Wolves, heima) spila
öll í dag. - óój
United heimsækir Tottenham á White Hart Lane:
Erfitt próf að mati
Sir Alex Ferguson
HM 2011 Guðmundi Guðmunds-
syni landsliðsþjálfara var augljós-
lega létt eftir leikinn í gær. Mikil
spenna var búin að byggjast upp,
væntingar hans og liðsins mikl-
ar og því var ánægjulegt að upp-
skera vel.
„Vörnin var frábær hjá okkur
í þessum leik og ég var sáttur
við hana eiginlega allan tímann.
Varnarleikurinn gekk fullkomlega
upp að þessu sinni. Sóknarleikur-
inn gekk lengstum vel en það komu
kaflar þar sem við gerðum óþarfa
mistök. Svo gáfum við eftir undir
lokin. Engu að síður er ég mjög
ánægður með sex marka sigur. Það
var ekki endilega hægt að reikna
með því fyrir fram,“ sagði Guð-
mundur en hann undirbjó liðið vel
og hann var á því að undirbúning-
urinn hefði skilað sínu.
Þó svo Guðmundur hafi verið
ánægður með sigurinn var hann
ekki eins sáttur við að liðið skyldi
hafa hleypt Ungverjum inn í leik-
inn þegar það hefði getað gengið
frá leiknum.
„Við lékum okkur svolítið að
eldinum og í óþarflega langan
tíma að mínu mati. Við fórum illa
með dauðafæri eða tókum óþarfa
áhættu er við vorum komnir í góða
stöðu. Við verðum að laga það,“
sagði Guðmundur.
„Það er ekkert skrítið að fyrsti
leikur sé svolítið köflóttur. Við
erum að finna taktinn og stemn-
inguna hjá okkur. Við þurfum líka
að komast yfir ákveðna tauga-
spennu sem fylgir því að byrja
svona mót. Með það í huga get ég
ekki kvartað yfir því hvernig þetta
gekk. Það var virkilega jákvætt
að hefja þetta mót með sigri gegn
andstæðingi sem er alls ekkert
auðveldur.“
Ísland mætir Brasilíu í dag og
Guðmundur segir að menn þurfi að
vera á tánum til þess að klára þann
leik með sóma.
„Þeir stóðu í Dönum í 35 mínút-
ur og unnu Norðmenn. Við verðum
að mæta með 100 prósenta einbeit-
ingu í þann leik. Það verður ekki
auðveldur leikur. Langt frá því.
Þetta mót er erfitt því við verðum
að keyra 100 prósent í alla leiki.
Það er ekkert annað í boði.“
Vörnin okkar var frábær
Guðmundur Guðmundsson var ánægður með byrjun liðsins á HM en segir liðið
geta betur. Hann varar við Brasilíumönnum, telur þá hættulega andstæðinga.
GÓÐ BYRJUN Á HM Guðmundur Guðmundsson landsliðsþjálfari var ánægður eftir sannfærandi sigur í gær. FRÉTTABLAÐIÐ/VALLI
HM 2011 Hinn tvítugi Aron Pálm-
arsson átti frábæran seinni hálf-
leik á móti Ungverjum í gær.
Aron skoraði 7 af 8 mörk sínum
í seinni hálfleiknum og þar af
voru fjögur þeirra á rúmlega
fimm mínútna kafla þegar Ísland
breytti stöðunni úr 16-14 í 21-16.
Aron nýtti 7 af 9 skotum sínum
í hálfleiknum, sex markanna
komu með langskotum og þá átti
hann einnig tvær stoðsendingar á
félaga sína. - óój
Aron Pálmarsson í gær:
Óstöðvandi í
seinni hálfleik
ARON PÁLMARSSON FRÉTTABLAÐIÐ/VALLI
HM 2011 „Við spiluðum ekkert frá-
bærlega en vörnin var samt mjög
góð. Hrollurinn er samt kominn
úr mönnum eftir þennan leik. Það
er fínt að byrja með góðum sigri
og við hefðum hæglega getað
unnið þennan leik með tíu mörk-
um,“ sagði markvörðurinn Björg-
vin Páll Gústavsson eftir leikinn
gegn Ungverjum í gær.
„Við vorum aðeins of væru-
kærir á kafla í þessum leik en
það góða er að við getum lagað
mikið hjá okkur. Það er jákvætt,“
sagði Björgvin en hann telur
liðið eiga mikið inni. „Það sýnir
hversu öflugir við erum orðnir að
við eigum mikið inni þrátt fyrir
öruggan sigur. Þetta mót er tíu
leikir og þetta er því maraþon en
ekki spretthlaup. Við verðum að
halda ró okkar.“ - hbg
Björgvin Páll Gústavsson:
Mótið er ekki
spretthlaup
BJÖRGVIN PÁLL GÚSTAVSSON MYND/AFP
HM 2011 Íþróttamaður ársins,
Alexander Petersson, átti magn-
aðan leik í íslenska liðinu í gær
gegn Ungverjum. Hann skoraði
fimm mörk, var frábær í vörn-
inni og stal fjölmörgum boltum.
„Það var mjög mikilvægt fyrir
okkur að byrja mótið vel. Fyrsti
leikur skiptir alltaf miklu fyrir
framhaldið. Ef hann vinnst þá
eykst sjálfstraustið og það er
gott,“ sagði Alexander.
„Þetta var fullkomin byrjun.
Bjöggi var góður og vörnin var
góð. Ég hef ekki yfir neinu að
kvarta,“ sagði Alexander en hann
ætlar sér stóra hluti í Svíþjóð.
„Ég er enn lifandi. Ég er ekk-
ert hættur þó svo að ég sé orðinn
íþróttamaður ársins,“ sagði Alex-
ander léttur. - hbg
Alexander Petersson:
Er enn lifandi
ALEXANDER PETERSSON 5 mörk, 4 stoð-
sendingar og 4 stolnir. FRÉTTABLAÐIÐ/VALLI
HANDBOLTI Norðmenn unnu sex
marka sigur á Japan í gær, 35-29,
en liðin eru með Íslandi í riðli.
Norðmenn fengu ekki mikla hjálp
frá dómurunum sem dæmdu á þá
9 víti og ráku þá 8 sinnum út af.
Japanir fengu á sama tíma aðeins
eina brottvísun allan leikinn.
„Þetta var upp og ofan hjá
okkur í þessum leik en spila-
mennskan var allt í lagi. Það var
verst að fá svona mikið af brott-
rekstrum því annars hefði þetta
gengið mun betur hjá okkur,“
sagði Robert Hedin, þjálfari
Norðmanna, eftir leikinn.
Bjarte Myrhol skoraði níu mörk
fyrir Norðmenn en þeir Erlend
Mamelund, Håvard Tvedten og
Einar Sand Koren skoruðu allir
sex mörk. - óój
Norðmenn unnu Japana:
Reknir átta
sinnum út af