Fréttablaðið - 15.01.2011, Page 10

10 15. janúar 2011 LAUGARDAGUR
STJÓRNMÁL Þótt í þingsályktun Alþingis sé ekki gert
ráð fyrir öðru en að aðildarviðræðunum við ESB
ljúki með samningi sem borinn verður undir þjóð-
ina settu forystumenn VG fyrirvara í umræðum um
málið.
Árni Þór Sigurðsson, formaður utanríkismála-
nefndar, sagðist í umræðunum í júlí 2009 vilja halda
því til haga að stjórnvöld gætu hvenær sem væri
dregið sig út úr viðræðunum, „ef þeim þykir ein-
sýnt að hagsmunum Íslands verði áfram betur borg-
ið utan sambandsins eða fyrir liggi að ekki náist
ásættanlegur aðildarsamningur“. Ályktun Alþingis
þyrfti til að hætta viðræðunum.
Árni Þór ítrekaði þetta sjónarmið í Fréttablað-
inu á miðvikudag. Tók hann jafnframt fram að hann
teldi ástæðulaust að huga að viðræðuslitum nú.
„Ég er enn þeirrar skoðunar að það eigi að halda
viðræðum við ESB áfram, ljúka þeim og leggja nið-
urstöðuna í almenna þjóðaratkvæðagreiðslu,“ sagði
Árni í samtali í gær, en Bjarni Benediktsson, for-
maður Sjálfstæðisflokksins, hefur túlkað orð Árna
frá því á miðvikudag þannig að um stefnubreytingu
sé að ræða.
Í áðurnefndum þingumræðum talaði Steingrímur
J. Sigfússon, formaður VG, á sömu leið og Árni. „Við
áskiljum okkur [...] líka rétt til þess á hverju stigi
málsins sem er að leggja það til að samningaviðræð-
unum verði hætt og það á Alþingi líka að gera.“
Ekki kom til þess að þingið setti ákvæði í þessa
veru inn í ályktunina. - bþs
Forystumenn VG héldu til haga í þingræðum mögulegum viðræðuslitum við ESB:
Þingið getur ákveðið að segja stopp
ÁRNI ÞÓR SIGURÐSSON STEINGRÍMUR J. SIGFÚSSON
SAMGÖNGUR Tveir íslenskir flugum-
ferðarstjórar hafa flutt búferlum til
Bagdad og stýra nú flugumferð yfir
Írak. Tveir til viðbótar eru á leið-
inni til Írak og fleiri eru að skoða
málið, segir Ottó Garðar Eiríksson,
formaður Félags íslenskra flugum-
ferðarstjóra.
„Meginástæðan fyrir því að ég
flutti voru launin sem boðið er upp
á,“ segir Hörður Arilíusarson, sem
er kominn til starfa í Bagdad.
„Í öðru lagi má segja að það sé
ákveðin ævintýraþrá. Maður fær
mikið út úr því að taka þátt í svona
uppbyggingarstarfi.”
Nú er verið að afhenda loftrýmið
yfir landinu írösku flugmálastjórn-
inni, en loftrýmið hafði verið lokað
fyrir yfirflugi þar til nýverið.
Aðspurður segist Hörður ekki ótt-
ast um öryggi sitt í Írak. Hann sé
eins og aðrir starfsmenn á lokuðu
svæði við Alþjóðaflugvöllinn í Bag-
dad, og öryggisgæslan sé góð.
Hörður segist hafa ráðið sig til
eins árs, en vel komi til greina að
vera lengur. Á þremur til fjórum
árum geti hann haft jafn miklar
tekjur í Bagdad og hann gæti haft
á Íslandi á þeim þrettán árum sem
hann eigi eftir í eftirlaunin.
Aðeins er verið að leita eftir flug-
umferðarstjórum með reynslu af
úthafsflugstjórn enn sem komið er.
- bj
Íslenskir flugumferðarstjórar með reynslu eftirsóttir á alþjóðaflugvelli í Írak:
Margföld árslaun og ævintýraþrá
FLUGUMFERÐARSTJÓRN Flugumferðar-
stjórar með reynslu af úthafsflugstjórn
eru eftirsóttir í Írak um þessar mundir.
FRÉTTABLAÐIÐ/HEIÐA
DÓMSMÁL Ríkissaksóknari hefur
ákært karlmann á þrítugsaldri
fyrir tilraun til manndráps þegar
hann skar annan mann á háls
með glerbroti. Atvikið átti sér
stað í heimahúsi í Reykjavík árla
morguns laugardaginn 20. mars á
síðasta ári.
Hinum ákærða er gefið að sök
að hafa slegið annan mann með
bjórglasi og slegið eða skorið
hann á háls með glerbroti.
Fórnarlambið hlaut skurð á
enni og dreifða, krosslaga skurði
á hálsi sem náðu fimmtán til tut-
tugu sentimetra þvert yfir háls-
inn í gegnum húð, undirhúðsfitu,
vöðva og æðar.
Fórnarlambið gerir einkarétt-
arkröfu á hendur þeim ákærða
þar sem krafist er skaðabóta
upp á tvær milljónir króna, auk
dráttarvaxta. - jss
Tilraun til manndráps:
Skar mann á
háls með gleri
BOR Íslandsbanki hefur unnið að endur-
skipulagningu Jarðborana.
VIÐSKIPTI Miðengi, dótturfélag
Íslandsbanka, hefur eignast Jarð-
boranir. Ekki hefur verið tekin
ákvörðun um það hvenær félagið
verður sett í söluferli.
Jarðboranir hafa um árabil
borað eftir jarðhita og gasi víða um
heim jafnhliða.
Jarðboranir voru upphaflega í
eigu ríkis og Reykjavíkurborgar en
einkavæddar árið 1992. Fyrirtækið
var um tíma í eigu fjárfestingarfé-
lagsins Atorku Group en varð síðar
hluti af Geysi Green Energy. - jab
Miðengi eignast Jarðboranir:
Ekki búið að
ákveða söluferli
HEILBRIGÐISMÁL Um 14 prósent
fullorðinna hér á landi reykja dag-
lega, samkvæmt nýjustu könnun
Capacent Gallup fyrir árið 2010.
Heldur því tíðni reykinga áfram
að lækka, en 15,4 prósent reyktu
daglega árið 2009.
Íslenskar konur virðast hafa
hætt að reykja í meiri mæli en
áður, en þrátt fyrir það hafa fleiri
karlar hætt að reykja á síðustu
þremur árum en konur. Kemur
þetta fram á heimasíðu Lýðheilsu-
stöðvar. Munur er á reykingum
eftir menntun. - sv
Reykingar landsmanna:
Um 14 prósent
reykja daglega
HEIMASÍMI Í HEIMASÍMA GSM ÓHÁÐ KERFI INTERNET
MINNI ÓVISSA. MEIRA TAL.
KOMDU Á TAL.IS, HAFÐU SAMBAND Í 1817 EÐA KÍKTU Í KAFFI Í NÆSTU VERSLUN
OG SEGÐU OKKUR HVERNIG ÞJÓNUSTU ÞÚ ÞARFT OG HVAÐ ÞÚ VILT BORGA. ÞÚ RÆÐUR.
GÓÐAR FRÉTTIR FYRIR
ÞÁ SEM VILJA STJÓRNA
ÚTGJÖLDUM SÍNUM.
GERÐU OKKUR TILBOÐ.
GENGUR Í PLASTPOKUM Mikil flóð
hafa verið í Þýskalandi síðustu daga. Í
bænum Backnang brá þessi maður á
það ráð að setja fæturna í plastpoka
áður en hann byrjaði að vaða.
NORDICPHOTOS/AFP