Fréttablaðið - 15.01.2011, Síða 90

62 15. janúar 2011 LAUGARDAGUR
Leikhús ★★★★
Elsku barn
Höfundur: David Kelly. Leikstjóri: Jón Páll
Eyjólfsson. Leikarar: Unnur Ösp Stefánsdótt-
ir, Benedikt Erlingsson, Halldóra Geirharðs-
dóttir, Valur Freyr Einarsson, Nína Dögg
Filippusdóttir, Hallgrímur Ólafsson.
Ung stúlka verður fyrir því að tvö börn
hennar deyja skyndilega. Föðurinn grun-
ar að móðirin hafi sjálf banað börnunum.
Vöggudauði hefur lengi verið mikil ráðgáta
og þegar slíkt kemur fyrir er ekki alltaf
komið fram við mæðurnar af varfærni, eins
og fram hefur komið í mörgum dæmum frá
Bretlandi.
Í Borgarleikhúsinu er harmleikur af þessu
tagi settur á svið og bornar fram ágengar og
nauðsynlegar spurningar.
Þetta er leikhús þótt aðferðafræði heim-
ildarmyndar eða rannsóknarskýrslu liggi
til grundvallar. Sex leikarar birtast okkur í
upphafi, standandi fyrir framan flennistór-
an spegil. Áhorfendur fá mikilvægt hlutverk
í yfirheyrslunum í framgangi mála. Allt sem
gerist á sviðinu gerist svo að segja í beinni
útsendingu, hvort heldur er í sjónvarpi eða
réttarsal.
Donna er viðkvæm ung stúlka hvers
móðir á sér þann draum að komast á þing og
beitir öllum þeim brögðum sem til eru í bók-
inni til þess að uppfylla óskir sínar. Mælsk-
ur fræðimaður á sviði sálfræðinnar finnur
upp á nýju heilkenni sem tekið er tillit til
við dóm og meðferð á ungum mæðrum sem
misst hafa börnin sín. Hvort sem þær eru
sekar eða saklausar lenda þær í skilgrein-
ingu sem búin er til við skrifborð framagosa
í fræðum sem erfitt er að sanna eða rengja.
Unnur Ösp Stefánsdóttir fer með hlutverk
Donnu, hinnar viðkvæmu og tættu móður.
Hún birtist síðan berskjölduð og ein þar
sem lögfræðingar og sálfræðingar toga úr
henni upplýsingar, sem hún reynir að svara
eins og hún heldur að spyrjendurnir vilja að
hún svari. Það er einmitt svolítið kjarninn í
þessu verki. Hvernig vill yfirvaldið að svar-
að sé?
Unnur Ösp léði þessari viðkvæmu en
greindu stúlku líf á varfærnislegan hátt,
trúverðug í lágstemmdri nálgun. Hún var
eign allra þótt öllum væri hjartanlega sama
um hana. Allir græddu eitthvað á harmleik
hennar nema hún sjálf. Unnur Ösp gerði
þetta mjög vel og var aldrei farið yfir strikið
í neinni móðursýki.
Halldóra Geirharðsdóttir bregst ekki
frekar en fyrri daginn. Þessar millistéttar-
konur með egóið límt við dragtajakkana eru
að verða hennar sérgrein.
Benedikt Erlingsson hefur mikilvægu
hlutverki að gegna í hlutverki dr. Millards.
Sannfæringarkraftur fræðimannsins sem
belgist svo öruggur í kenningum sínum er
mikill. Hér er Benedikt á heimavelli í leik að
orðum sem bruna eins og járnbrautarlestir
inn í sömu jarðgöng án þess að rekast nokk-
urn tíma saman.
Nína Dögg Filippusdóttir fer með tvö hlut-
verk, annars vegar blaðakonunnar sem lifir
á því að koma frásögnum af Donnu á fram-
færi og hins vegar eiginkonunnar sem er fal-
legur skuggi og fær vafalítið að fara í mörg
kokkteilpartí með fræðimanninum sínum.
Nína bregður hér upp tveimur góðum and-
stæðum. Hallgrímur Ólafsson leikur hinn
brjóstumkennanlega eiginmann og kemur
því mjög vel á framfæri hvað það er búið að
rugla hann mikið í þessum yfirheyrslum um
leið og hann á við alla þessa sorg að stríða.
Aðstoðarmaður Lynn Barrie (móður Donnu)
í öllu kosningabröltinu er alger viðhlæjandi
og fór Valur Freyr Einarsson með það hlut-
verk. Nær hann undraverðum tökum á leið-
indaskarfi sem því miður er sýnilegur nær
daglega meðal frægra og í valdabröltinu.
Leik- og hljóðmynd og hvernig leikararn-
ir sjálfir stjórna henni er stór þáttur í sýn-
ingunni. Yfirheyrslur fara fram gegnum
hátalarakerfi og myndskeið sjást fyrir ofan
spegilrammann sem allan tímann er fyrir
augum áhorfenda. Það var örlítið erfitt að
sjá á stundum þar sem skær ljós voru notuð
innanfrá og byrgðu því stundum sýn.
Í þessu áleitna verki kemur leikstjórinn
Jón Páll Eyjólfsson því til skila hversu skýra
sýn hann hefur á viðfangsefnið. Það léku
allir fantavel og greinilegt að leikstjórnar-
hluti verksins var skýr. Hún var þó fulllöng
fyrir hlé.
Elsku barn er áleitin sýning og myndi alls
ekki spilla fyrir að bjóða upp á umræður á
eftir, fyrir til dæmis menntaskólahópa eða
aðra sem áhuga hafa á að ræða sannleika
sannleikans og greiningarbrjálæði nútím-
ans.
Elísabet Brekkan
Niðurstaða: Frábær sýning!
Skollaleikur sannleikans
Frönsk kvikmyndahátíð verður
haldin í ellefta sinn 21. janúar til
3. febrúar í Háskólabíói. Dagana
12. til 16. febrúar verður hún í
Borgarbíói á Akureyri.
Opnunarmyndin er gaman-
myndin Bara húsmóðir með Cath-
erine Deneuve og Gérard Depar-
dieu í aðalhlutverkum. Nokkur
þemu verða á hátíðinni að þessu
sinni. Kvikmyndirnar Velkomin,
Eins og hinir, Stúlkan í lestinni
og kanadíska myndin Lífslöng-
un fjalla um málefni minnihluta-
hópa, ýmist í gríni eða alvöru.
Myndirnar Leyndarmál og
Hvítar lygar fjalla um ástir, lygar
og margbreytileika mannlegra
samskipta.
Skrifstofur Guðs er mynd sem
fjallar um félagsmál og tilvon-
andi mæður með frumlegum
hætti og Ævintýri Adèle Blanc-
Sec í leikstjórn Luc Besson bygg-
ir á vinsælum teiknimyndasög-
um eftir Jacques Tardi. Loks má
nefna hina sögufrægu frönsku
nýbylgjumynd Lafmóður frá
1960 eftir Jean-Luc Godard.
Allar myndirnar
eru með ensk-
um texta, fyrir
utan Ævintýri
Adèle Blanc-
Sec og Hvítar
lygar sem eru
með íslenskum
texta.
Frönsk hátíð
í ellefta sinn
POTICHE Opnunarmynd franskrar kvik-
myndahátíðar er gamanmyndin Potiche.
LUC
BESSON
Á mynd á
Franskri
kvik-
myndahá-
tíð í næstu
viku.
HÚSGAGNAHÖLLIN Bíldshöfða 20 Reykjavík sími 585 7200 OPIÐ: Virka daga 10 - 18, laugard. 12 - 18, sunnud. 13 - 17.
Skoðaðu tilboð
in inni á
www.husgagn
ahollin.is
60%
AFSLÁTT
UR
af útsölu
vörum
Allt að
DURANGO tungusófi, grátt áklæði. B:272 D:200/90 H:86 cm.
Fæst með vinstri eða hægri tungu. Kr. 149.990 fullt verð kr. 239.990.
149.990
Útsala
Hefst fim
mtudagi
nn 13. jan
. kl. 10:00ÚtsalaVelkomin á glæsilega útsölu í Húsgagna-
höllinni!
35%
AFSLÁTT
UR
149.990
109.990
79.990
30%
AFSLÁTT
UR
189.990
139.990
30%
AFSLÁTT
UR
LE KLINT JOKER ljós, 35 cm.
Kr. 16.990 fullt verð kr. 24.990.
LE KLINT JOKER ljós, 50 cm.
Kr. 19.990 fullt verð
kr. 29.990.
149.990
109.990 189.990
ÚtsalaFullt af frábærum
tilboðum
á
húsgögn
um og
smávöru
í Húsgag
nahöllin
ni