19. júní - 19.06.1956, Side 20

SIGRÍÐUR J. MAGNOSSON:
Við brottför Bodil Begtrup sendiherra
Sendiherrann afhendir forseta Islands ambassador-skilríki sín.
Sendiherra Bodil Begtrup er nú farin héðan eftir
sjö ára heillaríkt starf. Það mun ekki vera hallað á
neinn, þótt sagt sé, að vinsælli sendiherra erlends
ríkis hafi ekki verið á fslandi.
Frú Begtrup hefur hvorki sparað fé né fyrirhöfn
til að greiða fyrir vináttu og menningartengslum
milli Danmerkur og íslands. Hún hefur stuðlað að
því, að ágætir danskir fyrirlesarar hafa flutt hér
fyrirlestra um þjóðfélagsmál, hún hefur boðið öll-
um dönskukennurum við skóla bæjarins heim til
sín o. fl., og er mér ekki kunnugt um, að neinn
annar sendiherra hafi gert sér far um að kynnast
því fólki, sem kenna á islenzkum æskulýð mál
lands síns.
Frá unga aldri hefur sendiherrann haft áhuga á
þjóðfélagsmálum, var t. d. fulltrúi Danmerkur hjá
Þjóðabandalaginu og seinna hjá Sameinuðu þjóð-
unum, þar sem hún beitti sér fyrir stofnun kvenna-
nefndarinnar og var formaður hennar, en sú nefnd
hefur stuðlað mjög að hættri réttarstöðu kvenna,
sérstaklega í þeim löndum, þar sem konur þar til
á síðustu árum hafa verið undirokaðar. 1 mörg ár
eftir að hún kom hingað sem sendiherra varði hún
sumarfríi sínu til að sækja fund Sameinuðu þjóð-
anna, og eftir heimkomu sína bauð hún jafnan for-
mönnum allra kvenfélaga í bænum heim til sín og
skýrði fyrir þeim helztu málin, sem fjallað hafði
verið um á fundunum. Þreyttist hún aldrei á því
að brýna fyrir konum, hve mikilvægt það sé, að
þær leitist við að beita áhrifum sínum á alþjóða-
vettvangi, engu síður en heima fyrir.
Hún var fyrsta danska konan, sem skipuð var
kvikmyndaskoðari, og hefur skrifað bók um börn
og kvikmyndir. Og hún er enn í dag eini kven-
sendiherra Dana.
En sérstaklega mega íslenzkar konur vera henni
þakklátar fyrir hversu mikinn áhuga og skilning
hún hefur sýnt málefnum þeirra. Má þar t. d.
nefna, að hún hefur í mörg ár gefið blóm til að
selja til ágóða fyrir Hallveigastaði, en þó hefur
þeim konum, sem að því máli standa, ef til vill
verið enn meiri styrkur að þeim áhuga og velvild
er hún hefur sýnt fyrirtækinu, sem ætti að vera
okkur íslenzkum konum til fyrirmyndar.
2. marz síðastliðinn héldu reykvískar konur
sendiherranum heiðurssamsæti. Þar var henni af-
hent málverk eftir Ásgrím Jónsson, og fylgdi því
haglega gjörð mappa eftir Ragnhildi Ólafsdóttur,
þar sem á voru rituð nöfn þeirra 50 félaga og for-
manna þeirra, er að gjöfinni stóðu. María Maack
yfirhjúkrunarkona færði henni fagran silfurpapp-
írshníf og Ástríður Eggertsdóttir fjóluvönd, er hún
hafði sjálf búið til úr nælonefni. Aðalræðurnar
fyrir minni heiðursgestsins héldu þær Aðalbjörg
Sigurðardóttir og Sigríður J. Magnússon, hún
8
19. JÚNÍ