Fréttablaðið - 09.12.2010, Blaðsíða 90
9. desember 2010 FIMMTUDAGUR74
sport@frettabladid.is
HEIL UMFERÐ fer fram í Iceland Express-deild karla í kvöld. Íslandsmeistarar Snæfells
sækja Hamar heim, KR tekur á móti ÍR í Reykjavíkurslag, Grindavík mætir Fjölni í Grafarvogi,
Tindastól reynir að vinna annan leikinn í röð í Keflavík, Ísfirðingar fara til Njarðvíkur og Haukar
taka á móti Stjörnunni. Allir leikir kvöldsins hefjast klukkan 19.15.
Nýtt og betra kjötborð,
frábær afmælistilboð og
25% afsláttur í hverri hillu!
Kíktu í heimsókn,
við tökum vel á móti þér.
25 ára!
Þín verslun | Seljabraut 54 | sími 557 1780
Opnunartími: Mán.–fös. 9–21 / lau.–sun. 10–21
Heimsbikarinn:
Ísland-Noregur 35-29 (18-16)
Mörk Íslands (skot): Snorri Steinn Guðjónsson
8/3 (14/4), Arnór Atlason 7 (10), Alexander
Petersson 7 (10), Róbert Gunnarsson 6 (8), Arnór
Þór Gunnarsson 2 (2), Sturla Ásgeirsson 2 (3),
Ingimundur Ingimundarson 1 (1), Oddur Gretars-
son 1 (1), Bjarni Fritzson 1/1 (2/1).
Varin skot: Sveinbjörn Pétursson 19 (48) 40%.
Hraðaupphlaup: 4 (Ingimundur, Arnór, Alexand-
er, Sturla).
Fiskuð víti: 5 (Arnór, Róbert, Aron, Ásgeir, Snorri).
Utan vallar: 6 mínútur.
Mörk Noregs (skot): Johannes Hippe 5 (10),
Magnus Jöndal 5 (7), Erlend Mamelund 4 (6),
Vegard Samdahl 3 (5), Espen Hansen 2 (2),
Christian Spannel 2 (2), Sindre Paulsen 2 (4),
Joakim Hykkerud 2 (3), Jan Hansen 2 (2), Kent
Tönnesen 2 (4).
Varin skot: Steinar Ege 9 (26/2) 35%, Sven Erik
Medhus 5 (23/3) 22%.
Hraðaupphlaup: 5 (Hippe 2, Jöndal 2, Mame-
lund).
Fiskuð víti: 0.
Utan vallar: 4 mínútur.
Svíþjóð-Danmörk 28-34
Danmörk vinnur því mótið.
ÚRSLIT
HANDBOLTI Í gærkvöldi léku Íslend-
ingar gegn Norðmönnum um 3.
sætið í heimsbikarnum í hand-
knattleik. Leikurinn fór fram í
Malmö Arena en þar munu ein-
mitt úrslitaleikir heimsmeistara-
mótsins fara fram nú í janúar.
Íslenska liðið vann fremur þægi-
legan sex marka sigur og er hægt
að taka ýmislegt jákvætt úr þess-
um leik fyrir aðalprófið sem verð-
ur á heimsmeistaramótinu en þar
eru þessi tvö lið einmitt saman í
riðli.
Í íslenska liðið vantaði nokkra
lykilmenn. Markverðirnir Björg-
vin Páll Gústavsson og Hreið-
ar Guðmundsson fengu sig ekki
lausa frá sínum félagsliðum og
sama má segja um Þóri Ólafsson.
Ólafur Stefánsson og Vignir Svav-
arsson fengu frí og þá er Guðjón
Valur Sigurðsson að stíga upp úr
erfiðum meiðslum.
Það virtist þó ekki koma að sök
því strákarnir tóku yfirhöndina
fljótlega í leiknum. Sveinbjörn
Pétursson í íslenska markinu
varði nokkur skot í byrjun leiks
en Sveinbjörn hefur spilað frábær-
lega fyrir Akureyri í N1-deildinni
það sem af er vetri.
Um miðjan hálfleikinn jók
íslenska liðið forskotið jafnt og
þétt og náði mest sex marka for-
ystu. Vörn íslenska liðsins spilaði
mun betur en gegn Svíum á mið-
vikudag og sömuleiðis Snorri
Steinn Guðjónsson sem skor-
aði alls sex mörk í fyrri hálf-
leik.
Norska liðið skoraði hins
vegar sex mörk gegn tveimur
mörkum Íslendinga undir
lok fyrri hálfleiks og
minnkuðu muninn
í 18-16 sem voru
hálfleikstölur.
Síðari hálf-
leikur spilað-
ist ekki ósvip-
að og sá fyrri.
Íslenska
liðið hafði
yfirhöndina,
var fljótlega
komið 6 mörk-
um yfir á nýjan
leik og náði mest
níu marka for-
ystu. Vörn íslenska
liðsins náði sér vel á
strik í seinni hálfleik
og ljóst að leikmenn
voru staðráðnir í að
taka
sig
vel
saman
í andlit-
inu eftir
fremur dapr-
an leik gegn Svíum.
Lykilmenn eins og
Snorri Steinn Guðjóns-
son, Arnór Atlason og
Alexander Petersson
náðu sér vel á strik og svöruðu
kalli Guðmundar um bættan leik.
Íslenska liðið gaf þó aðeins eftir
undir lokin, líkt og í fyrri hálfleik,
og Norðmenn náðu aðeins að saxa á
forskotið. Lokatölur voru 35-29 og
3. sætið í mótinu því staðreynd.
„Við spiluðum miklu betur í
dag en gegn Svíum, vorum miklu
grimmari í sóknarleiknum og spil-
uðum kerfin betur. Einnig spiluð-
um við varnarleikinn betur eftir
því sem leið á leikinn og hann slíp-
aðist betur og betur til sem ég var
ánægður með. Í sjálfu sér er ekkert
hægt að segja nema allt jákvætt
um þennan leik. Ég var ánægður
að fá svör frá þeim leikmönnum
sem ekki spiluðu vel á miðviku-
dag, þeir komu mjög grimmir inn í
leikinn og spiluðu mjög vel,“ sagði
Guðmundur Guðmundsson, þjálf-
ari Íslendinga, eftir leik.
Oddur Grétarsson og Sigurberg-
ur Sveinsson, sem eru að spila sína
fyrstu landsleiki, áttu góðan leik
gegn Svíum, þótt þeir hefðu haft
hægt um sig í leiknum í gær. Þá
kom Sveinbjörn sterkur inn eins og
áður segir.
„Þeir stóðu sig vel og ekkert
hægt að kvarta yfir þeirra frammi-
stöðu á neinn hátt. Ég var einnig
ánægður með Snorra í dag, hann
var mjög góður og Arnór sömu-
leiðis. Alexander var miklu betri
en gegn Svíum og allt liðið var að
spila mun betur. Ég var sérstak-
lega ánægður með varnarleikinn
sem var mjög góður í dag,“ sagði
Guðmundur að lokum.
- sjj
Lykilmenn stimpluðu sig inn á ný
Arnór Atlason og Snorri Steinn Guðjónsson hristu af sér slenið þegar Ísland lagði Noreg, 35-29, í bronsleik
heimsbikarsins í handbolta. Allt annað var að sjá til íslenska liðsins en í leiknum gegn Svíum. Stígandi var
í leik íslenska liðsins sem er jákvætt eftir magurt gengi upp á síðkastið. Landsliðsþjálfarinn var ánægður.
LEIÐTOGINN Á MIÐJ-
UNNI Snorri Steinn sýndi
sitt rétta andlit í gær og
stýrði leik liðsins eins og
herforingi.
FRÉTTABLAÐIÐ/VILHELM
VELKOMINN AFTUR Arnór Atlason sýndi í gær hvað hann getur eftir dapra leiki upp á síðkastið. FRÉTTABLAÐIÐ/DIENER
HANDBOLTI Sveinbjörn Pétursson
markvörður hefur spilað frá-
bærlega með Akureyri í vetur en
hann var nokkuð ánægður með
sinn hlut eftir sína fyrstu lands-
leiki.
„Þetta var svolítið kaflaskipt
hjá mér. Ég tók nokkra góða
kafla en þetta eru fyrstu leikirn-
ir og maður er enn að læra inn
á strákana og nýja mótherja. En
heilt yfir er ég sáttur með mína
frammistöðu,“ sagði Sveinbjörn.
„Fyrsta takmarkið mitt var að
komast í þennan hóp. Mér brá
svolítið að fá símtalið en var samt
með það bak við eyrað að verða
valinn eftir að ég vissi að Hreiðar
og Bjöggi yrðu ekki með.
Nú er það að baki og næsta tak-
mark er að komast í æfingahóp
fyrir heimsmeistaramótið sem
væri vissulega gaman. Það er
bara að bíða og sjá.“ - sjj
Sveinbjörn átti stórleik í gær:
Sáttur við mína
frammistöðu
SVEINBJÖRN PÉTURSSON Lokaði
íslenska markinu í gær. FRÉTTABLAÐIÐ/STEFÁN
HANDBOLTI Guðmundur Þórður
Guðmundsson, landsliðsþjálfari í
handknattleik, er nokkuð ánægður
eftir leikina í heimsbikarnum og
telur liðið á ágætu róli fyrir heims-
meistaramótið sem hefst í Svíþjóð
eftir rúman mánuð.
„Ég er bjartsýnni núna en ég
hef oft verið undanfarið. Það eiga
auðvitað eftir að verða töluverðar
breytingar á liðinu fyrir heims-
meistaramótið. Hvorugur mark-
mannanna sem hafa verið okkar
aðalmarkmenn undanfarið var
með,“ segir Guðmundur.
„Ólafur Stefánsson, Vignir
Svavarsson, Þórir Ólafsson og
Guðjón Valur Sigurðsson voru ekki
með heldur og svo má nefna Kára
Kristján Kristjánsson ef út í það er
farið en hann var að spila með sínu
félagsliði og kemur vel til greina í
þennan hóp. Það vantaði því marga
leikmenn.“
Guðjón Valur hefur verið að
glíma við erfið meiðsli undanfarna
mánuði en Guðmundur sagði að
hann væri að komast á fullt skrið
á nýjan leik.
„Hann er orðinn ansi frískur.
Hann spilaði heilan hálfleik um
daginn en þarf auðvitað sinn tíma.
Hann átti stórkostlegan leik gegn
Celje Lasko og miðað að það eru 10
mánuðir síðan hann spilaði síðast
þá verð ég að segja að sú frammi-
staða var framar björtustu vonum.
Ólafur Stefánsson er auðvitað
undir miklu álagi og við ákváðum
í samráði við hann að hvíla hann í
þessari keppni.“
Spurður hvort fleiri leikmenn
en þeir sem spiluðu á þessu móti
væru undir smásjánni segir Guð-
mundur svo ekki vera.
„Að minnsta kosti ekki eins og
staðan er núna. Ólafur Guðmunds-
son í FH er valkostur fyrir okkur.
Svo er spurning hvort Logi Geirs-
son nær sér á strik útaf öxlinni.
Auðvitað er ekki búið að ákveða
hópinn og við skoðum alla valkosti
sem standa okkur til boða. Fram
undan eru æfingar í byrjun janúar
og svo tveir æfingaleikir við Þjóð-
verja á heimavelli og svo er farið
beint á heimsmeistaramótið,“ segir
Guðmundur. - sjj
Guðmundur Guðmundsson landsliðsþjálfari sáttur eftir sigurinn á Noregi:
Er orðinn bjartsýnni en ég var
SÁTTUR Guðmundur var nokkuð brattur
eftir leik í gær. MYND/DIENER