Fréttablaðið - 03.03.2011, Side 40
3. MARS 2011 FIMMTUDAGUR10 ● Food and Fun 2011
Bláa lónið er virkur þátttakandi
í Food and Fun matarhátíðinni
í ár. Þar verður sushi í öndvegi.
Kaz Okochi sem á og rekur veit-
ingastaðinn Kaz Sushi Bistro
(www.kazsushi.com) í Washington
DC verður gestakokkur á Lava í
Bláa lóninu á Food and Fun. Hann
sérhæfir sig meðal annars í sushi-
réttum og verður úrval af þeim
á matseðli Bláa lónsins meðan á
Food and Fun stendur.
Kaz Okochi er frá Nagoya í
Japan. Hann nam matreiðslu í
Tsuji Culinary Institute í Osaka
sem er einn virtasti matreiðslu-
skóli Japans, þar sem hann sér-
hæfði sig í sushi-gerð. Frá árinu
1988 hefur hann starfað í Washing-
ton DC þar sem hann hefur kynnt
og þróað sína aðferð við sushi.
Kaz Okochi var á meðal fyrstu
matreiðslumanna í Bandaríkjunum
til að þróa nútímarétti sem byggja
á hefðbundinni japanskri matar-
gerð. Hann opnaði veitingastað
sinn Kaz Sushi í Washington DC
árið 1999. Sá staður hefur hlotið
fjölda viðurkenninga. Meðal ann-
ars hafa samtök veitingamanna á
Washington DC-svæðinu valið Kaz
Sushi sem einn af fimm bestu veit-
ingastöðum svæðisins auk þess
sem matseðlinum hefur verið lýst
sem nýstárlegum og framsæknum.
Okochi vinnur með japansk-
ar, vestrænar og alþjóðlegar mat-
gerðarhefðir. Sjálfur lýsir hann því
sem japanskri matargerð, byggða
á hefðbundnum grunni en með nú-
tímalegri framsetningu.
Viktor Örn Andrésson, yfir-
matreiðslumeistari Bláa lónsins,
segir spennandi að fá Kaz Okochi
sem gestakokk. „Sushi er í boði á
matseðlinum okkar og með heim-
sókn Okochi munum við kynna
skemmtilegar nýjungar. Við erum
í einstakri aðstöðu með Grindavík
við bæjardyrnar og höfum ávallt
aðgang að besta mögulega sjávar-
fangi,“ segir Viktor. „Það skiptir
lykilmáli þegar gera á gott sushi.“
Gómsætar þorskkinnar og
-tunga verða meðal annars á
matseðli Grand Hótels á Food
and Fun.
„Að þessu sinni fáum við til okkar
bandaríska matreiðslumeistarann
David Britton, sem hefur áður
glatt íslenska matargesti á Silfri.
Hann er frægur fyrir einstaka
hæfileika í eldhúsinu og starfar á
Lola Restaurant, margverðlaun-
uðu veitingahúsi Michaels Ginor
á Long Island í New York,“ segir
Vignir Hlöðversson, yfirmat-
reiðslumeistari á Grand Hótei, um
gestakokk sinn á Food and Fun að
þessu sinni.
David er aðdáendum mat-
reiðsluþátta að góðu kunnur þar
sem hann hefur fengist við ýmsar
þrautir í eldhúsinu með kollega
sínum Robert Irvine í Dinner Imp-
ossible á sjónvarpsstöðinni Food
Network síðustu ár, en nú vinna
þeir einmitt að 8. seríu þáttarins.
„David er stjörnukokkur sem
lærði snemma að taka til hend-
inni á æskuárunum í Arizona því
móðir hans krafðist þess að börn
hennar lærðu ung að bjarga sér í
eldhúsinu. Því spreytti hann sig
ungur á skólanestinu yfir í heilu
fjölskyldumáltíðirnar og heima-
tilbúinn ís um helgar, en hann er
snillingur í eftirréttum og verð-
ur spennandi að sjá hvað hann
gerir nú,“ segir Vignir um þenn-
an heimskokk sem starfað hefur á
mörgum af bestu hótelum Banda-
ríkjanna og sérmenntaði sig í al-
þjóðlegri matarmenningu á náms-
árunum, með áherslu á evrópska
matargerð.
„Heimspeki Davids er einföld,
en hún sú er að maður sé ævina
út að ná tökum á matargerð þar
sem áhrif koma alls staðar frá, sé
maður á annað borð opinn fyrir
nýjum hugmyndum. Hann er því
spenntur fyrir að koma aftur til
Íslands, elda úr fersku, íslensku
hráefni og njóta íslenskrar gest-
risni, eins og gestir Grand Hót-
els munu upplifa á Food and Fun,“
segir Vignir og gefur upp freist-
andi fjögurra rétta matseðil
Davids Britton:
„Í forrétt verður foie gras
(gæsalifur), í aðalrétt þorsk kinnar
og -tunga, og íslenskt lamb á tvo
vegu og eftirréttur sem kemur á
óvart.“
● MATSEÐILL
Gildir frá 9. til 13. mars
- Marineraður (Ceviche) lax og
hörpuskel
- Humar misó-súpa
- Túnfisk-tartar salat
- Blandað sushi
- Skyr og bláber
Borðapantanir eru í síma 420-
8815. Nánari upplýsingar á www.
bluelagoon.is
Ferskt hráefni er nauðsynlegt í sushi og enginn hörgull er á því í Grindavík.
Nútímalegt í Lava
Þeir keppendur á Food and Fun í ár sem hafa tekið þátt í hinni
frægu Bocuse d‘Or keppni eru Matti Jämsen frá Finnlandi og
Chris Parsons frá Bandaríkjunum sem verið hefur einn af tólf
útvöldum sem keppa í amerísku undankeppninni.
Tveir dómaranna í ár hafa unnið gullverðlaunin í Bocuse d‘Or,
þeir Sven Erik Renaa, sem vann gullið bæði 2000 og 2006, og
Geir Skeie sem fékk gullið árið 2009. Michael Ginor hefur verið
dómari í amerísku undankeppninni.
Bocuse d’Or, virtasta matreiðslukeppni sem haldin er í
heiminum, hefur verið haldin annað hvert ár síðan 1987 og
komast færri þjóðir að en vilja. Þjóðir fá keppnisrétt eftir að
hafa unnið forkeppni úr sinni heimsálfu, en fimm efstu sætin í
sjálfri Bocuse d’Or-keppninni tryggja þeim þjóðum sjálfkrafa
keppnisrétt í næstu keppni. Bocuse d’Or er oft kölluð hin eina
sanna heimsmeistarakeppni í matreiðslu.
Íslendingar hafa verið með í síðustu fimm skipti eða frá 1999
og er árangur þeirra vægast sagt glæsilegur
og sýnir tölfræðin að Íslendingar eru í hópi
sex bestu þjóða í heiminum í matreiðslu.
Árið 1999 fór Sturla Birgisson sem frum-
kvöðull fyrir Íslands hönd og náði fimmta
sætinu og ruddi þar með brautina fyrir næstu
keppendur.
ÚRSLIT ÚR BOCUSE D´OR 2011:
1. sæti - Danmörk, Rasmus Kofoed
2. sæti - Svíþjóð, Tommy Myllymaki
3. sæti - Noregur, Gunnar Hvarnes
Þess má geta að Þráinn Freyr
Vigfússon hafnaði í sjöunda sæti
í síðustu keppni.
Keppendur úr Bocuse
d‘Or á Food and Fun
Friðgeir Ingi Eiríksson landaði
áttunda sæti árið 2007.
Vignir Hlöðversson, yfirmatreiðslumeistari á Grand Hóteli, þar sem Bandaríkja-
maðurinn David Britton stendur með honum vaktina á Food & Fun. MYND/PJETUR
Áhrif koma alls staðar frá
ÍS
L
E
N
S
K
A
S
IA
.I
S
S
F
G
4
20
40
0
4.
20
08
hollur kostur á 5 mín.
Gríms fiskibollur