Fréttablaðið - 17.03.2011, Blaðsíða 10

17. mars 2011 FIMMTUDAGUR10
NOREGUR Norsk sjávarútvegsfyr-
irtæki hafa verið staðin að stór-
felldum efnahagsbrotum sem
nema um þremur milljörðum
norskra króna á síðasta ári. Sú
upphæð jafngildir rúmum sextíu
milljörðum íslenskra króna.
Norska blaðið Dagens Nærings-
liv greindi frá þessu fyrir nokkru,
en brotin, sem voru framin á síð-
asta ári, komu í ljós við yfirgrips-
mikla rannsókn skattayfirvalda,
lögreglu og tollgæslunnar.
Brotin felast meðal annars
í löndun framhjá vigt, trygg-
ingasvindli og undanskotum frá
skatti við kvótaviðskipti. Brot-
um hefur fjölgað verulega milli
ára, þar sem upphæð undanskota
árið 2009 nam um 1,5 milljörðum
norskra króna.
Sølvi Åmo Albrigtsen, sem
stjórnaði rannsókninni fyrir hönd
skattayfirvalda, sagði í samtali
við Dagens Næringsliv að sala
fisks á svörtum markaði væri
löngu kunn staðreynd.
„Á margan hátt eru slík brot þó
ástæða þess að við herðum eftir-
litið,“ segir hún en bætir við að
það komi henni þó á óvart hversu
mikið skipulag virðist liggja á
bak við brotin. Þau eigi sér stað
bæði í veiðum og við sölu fisks.
„Við höfum séð ákveðna til-
hneigingu í þá átt að samband er
milli aðila milli landa þar sem
takmarkið er að fela gróða eða
eignarhald, eða að einhver geri
öðrum greiða þannig að fjármun-
ir eru hvítþvegnir. Þess vegna
verðum við að vera í reglulegu
sambandi við stjórnvöld í öðrum
löndum.“
Hún bætir því við að sífellt
færist í vöxt að sjávarútvegs-
fyrirtæki komi fjármunum fyrir
í skattaskjólum.
Alvarlegri málin sem komu í
ljós í rannsókninni verða send
lögreglu en minniháttar mál
verða afgreidd sem skattamál.
Reidar Nilsen, formaður
norsku sjómannasamtakanna,
sem einnig eru fagsamtök sjávar-
útvegsfyrirtækja, segir í viðtali
við Dagens Næringsliv að skatta-
yfirvöld kasti með þessu rýrð á
allan iðnaðinn.
Aðalritari samtakanna, Jan
Skjærvø, tekur undir það í pistli
á vef samtakanna og segir að
umfjöllun fjölmiðla sé ósanngjörn
þar sem flest það sem fyrir tækin
séu sökuð um snúist um túlkunar-
atriði á skattalöggjöf.
Svipuð mál hafa komið upp hér
á landi að sögn Bryndísar Krist-
jánsdóttur skattrannsóknar-
stjóra, sem segir að á annan tug
mála sem tengjast sjávarútvegi
séu til rannsóknar hjá embættinu.
„Við höfum verið að rannsaka
mál og varðar hluti þeirra ætluð
undanskot á leigutekjum vegna
aflaheimilda, en það er ekki hægt
að segja að það sé eitthvað sam-
bærilegt [við niðurstöðurnar í
Noregi] eða almennt hér á landi.“
thorgils@frettabladid.is
Milljarða skatt-
svik norskra
útvegsmanna
Rannsókn norskra skattayfirvalda leiðir í ljós und-
anskot og skattsvik. Upphæðin rúmlega 60 milljarð-
ar á síðasta ári. Rannsakandi segir brotin skipulögð.
Ekki vísbendingar um jafn almenn brot hér á landi.
FISKVEIÐAR Norsk skattayfirvöld hafa flett ofan af stórfelldum efnahagsbrotum
sjávarútvegsfyrirtækja þar í landi. Myndin er úr safni og tengist ekki efni fréttarinnar
beint. FRÉTTABLAÐIÐ/JÓN SIGURÐUR
Turninn, Smáratorgi, 20. hæð.
Föstudaginn 25. mars kl. 8.30–12.00
Ráðstefnustjóri Lilja Steinþórsdóttir, forstöðumaður innri endurskoðunar Arion banka
8.00–8.30 Skráning og afhending gagna
8.30–8.40 Ráðstefnan sett
Nanna Huld Aradóttir, formaður Félags um innri endurskoðun
8.40–9.10 Vinnubrögð atvinnulífs - hvar stöndum við og hvert er ferð heitið?
Dr. Finnur Oddsson, framkvæmdastjóri Viðskiptaráðs Íslands
9.10–9.40 Samkeppni og efling atvinnulífs
Páll Gunnar Pálsson, forstjóri Samkeppniseftirlitsins
9.40–10.10 Lærum af reynslunni – öfgar og skynsemi í stjórnarháttum
Dr. Þóranna Jónsdóttir, framkvæmdastjóri samskiptasviðs Auðar Capital
10.10–10.30 Kaffi
10.30–11.00 Viðbrögð í kjölfar fjármálakreppunnar er snúa að endurskoðendum
Sigurður Þórðarson, formaður nefndar um málefni endurskoðenda
og fv. ríkisendurskoðandi
11.00–11.30 Stjórnarhættir og áherslur við eftirlitsskylda fjármálastarfsemi
Rúnar Guðmundsson, sviðsstjóri hjá Fjármálaeftirlitinu
11.30–12.00 Ytri gagnrýni og innri viðbrögð – rannsókn á gagnrýni á fjármálastöðugleika
Þröstur Olaf Sigurjónsson, lektor hjá viðskiptadeild Háskólans í Reykjavík
12.00 Ráðstefnuslit
Ráðstefnugjald: 12.500 kr.
Námsmat: Ráðstefnan gefur
4 endurmenntunareiningar
hjá FIE, IIA og FLE.
Ráðstefnan er opin félagsmönnum FIE, FLE og öðrum þeim
sem áhuga hafa. Vinsamlegast tilkynnið þátttöku til fie@fie.is
eigi síðar en fyrir hádegi fimmtudaginn 24. mars.
Innri endurskoðunardagur 2011
Félag um innri
STJÓRNMÁL Formaður samgöngunefndar
Alþingis, Björn Valur Gíslason úr Vinstri
grænum, hefur fallist á beiðni Marðar Árna-
sonar úr Samfylkingunni um sérstakan fund
um fyrirhuguð Vaðlaheiðargöng.
Vegagerðin og félag heimamanna norðan
heiða, Greið leið, hafa stofnað nýtt hlutafélag
um göngin. Þeir áætla að göngin kosti 10,4
milljarða króna, sem fáist inn með veggjöld-
um í framtíðinni. Félag íslenskra bifreiða-
eigenda dregur útreikningana í efa og kveðst
óttast að skattgreiðendur borgi hluta kostn-
aðarins og missi í staðinn af samgöngufram-
kvæmdum sem félagið telur brýnni.
Runólfur Ólafsson, framkvæmdastjóri FÍB,
og Sigmundur Ernir Rúnarsson, alþingis-
maður Samfylkingarinnar í Norðaust-
urkjördæmi, ræddu í gær Vaðla-
heiðargöngin í útvarpsþættinum
Bítinu á Bylgjunni. Sagði Run-
ólfur Sigmund þar vera „kjör-
dæmapotara“ vegna stuðnings
við málið. Sigmundur sagði mál-
flutning Runólfs fáránlegan.
Boða á Runólf og Hrein Har-
aldsson, vegamálastjóra og full-
trúa frá Vaðlaheiðargöngum,
á áðurnefndan fund sam-
göngunefndar, að því
er Mörður Árnason
upplýsir á bloggsíðu
sinni. „Það verður
fróðlegt að heyra í þessum mönnum svara
spurningum um hagkvæmni og forgangs-
röð – og auðvitað mikilvægast að svo sé
gengið frá að ekki verði farin hin klass-
íska íslenska leið og skattborgararnir
látnir borga allt saman eftir að hver
áætlunin af annarri hefur beðið skip-
brot,“ skrifar Mörður, sem kveðst munu
verða „jákvæður þangað til ástæða reyn-
ist til annars“. - gar
Vegamálastjóri og framkvæmdastjóri FÍB kallaðir á fund hjá samgöngunefnd Alþingis:
Vilja svör um hagkvæmni Vaðlaheiðarganga
MÖRÐUR ÁRNASON Mikilvægt er
að skattborgararnir borgi ekki allt
saman eftir að áætlanir bíða skip-
brot, segir Mörður Árnason um
Vaðlaheiðargöng. FRÉTTABLAÐIÐ/
EVRÓPUSAMBANDIÐ Sjávarútvegs-
ráðuneytið segir að
ákvæði í nýrri reglu-
gerð ESB þar sem
einstökum aðildar-
ríkjum er heimilað
að ákveða leyfilegt
aflahámark fiski-
stofna feli í sér tak-
markaða undanþágu
frá meginreglum ESB.
Ráðuneytið mótmælir fréttum af
því að þessi ESB-reglugerð styðji
við samningskröfur Íslands í aðild-
arviðræðum við ESB eins og fram
kom í fréttum Fréttablaðsins í síð-
ustu viku.
Í yfirlýsingu ráðuneytisins af
þessu tilefni segir að reglugerðar-
heimildin sé meðal annars háð því
að í hlut eigi óverulegir hagsmun-
ir. Það eigi ekki við um botnfisk-
afla við Ísland, hvort sem litið sé
til íslenskra hagsmuna eða heildar-
hagsmuna sjávarútvegs í
Evrópu. Þá hafi ESB
aðeins heimilað beit-
ingu þessa ákvæð-
is í sex tilvikum þar
sem heildarveiði úr
hverjum stofni sé
innan við 5.000 tonn
á ári. Eins sé beit-
ing heimildarinnar
háð því að ekki hafi legið fyrir vís-
indaleg ráðgjöf um nýtingu stofns-
ins, sem ekki eigi við um veiði í
íslenskri lögsögu.
Heimildin hafi verið innleidd í til-
raunaskyni og sé háð því að farið
sé að lögum og reglum ESB að öðru
leyti. Eins nefnir ráðuneytið að
umsókn Íslands um aðild að ESB sé
bundin því skilyrði að Ísland haldi
fullveldisrétti í 200 mílna lögsögu.
- pg
Sjávarútvegsráðuneyti sendir frá sér yfirlýsingu:
Rangt að ESB-reglugerð
nýtist í aðildarviðræðum
OBAMA Í GERVI MJALLHVÍTAR Í
Valencia á Spáni er ár hvert kveikt
í skopstyttum af ýmsum helstu
leiðtogum Spánar og heimsins. Þarna
má sjá Bandaríkjaforseta í gervi
teiknimyndafígúru. NORDICPHOTOS/AFP
ATLANTA, AP Yfirvöld í Georgíu
í Bandaríkjunum hafa hætt við
allar dauðarefsingar í ríkinu eftir
að lyf sem notað er til að taka
fanga af lífi var gert upptækt.
Stutt er síðan hætt var að fram-
leiða lyfið í Bandaríkjunum og
segir talsmaður bandaríska lyfja-
eftirlitsins (FDA) grun leika á því
að lyfið sem nú er notað sé ólög-
legt. Engar dauðarefsingar verða
í ríkinu fyrr en lausn hefur feng-
ist á málinu. - eeh
Lyf til aftöku gert upptækt:
Engar dauða-
refsingar í bili
Gripahús með íbúðaskatt
Bæjarráð Akranes hefur, að beiðni
Hestamannafélagsins Dreyra, sam-
þykkt að fasteignagjöld á hesthús
félagsmanna verði ekki áfram lögð
á eins og um iðnaðar- og atvinnu-
húsnæði sé að ræða heldur verði
álagningin eins og á íbúðarhúsnæði.
Þetta á að gilda um allt gripahúsnæði
í eigu einstaklinga.
AKRANES