Fréttablaðið - 17.03.2011, Blaðsíða 18

17. mars 2011 FIMMTUDAGUR18
Umsjón: nánar á visir.is
EFNAHAGSMÁL Nýbirtir þjóðhags-
reikningar sýna að meiri slaki
hefur verið í þjóðarbúskapnum en
ráð var fyrir gert. Í stað 2,7 pró-
senta samdráttar landsframleiðslu
árið 2010 sýna tölur Hagstofunnar
3,5 prósenta samdrátt.
Á kynningarfundi Seðlabankans
á vaxtaákvörðun peningastefnu-
nefndar bankans kom þó fram í
máli Þórarins G. Péturssonar, aðal-
hagfræðings bankans, að fjárfest-
ing kynni að vera vanmetin í tölum
Hagstofunnar. Samdráttur kynni
því að verða nær spá Seðlabankans.
Peningastefnunefnd Seðlabank-
ans ákvað að halda vöxtum bank-
ans óbreyttum. „Vextir á viðskipta-
reikningum innlánsstofnana verða
áfram 3,25 prósent, hámarksvextir
á 28 daga innstæðubréfum 4,0 pró-
sent, vextir á lánum gegn veði til
sjö daga 4,25 prósent og daglána-
vextir 5,25 prósent,“ segir í yfirlýs-
ingu nefndarinnar.
Bent er á að verðbólga mælist
nú 1,9 prósent og útlit fyrir að hún
verði heldur meiri á næstunni en
áður hefur verið spáð, þrátt fyrir
vísbendingar um veikari efnahags-
umsvif. „Þetta skýrist í meginat-
riðum af mikilli hækkun hrávöru-
og olíuverðs á alþjóðamörkuðum.
Horft til lengri tíma ætti þessi
framvinda ekki að hafa neikvæð
áhrif á verðbólguhorfur meðan
langtíma verðbólguvæntingar og
launaþróun verða ekki fyrir áhrif-
um. Skammtíma verðbólguvænt-
ingar hafa hins vegar risið að und-
anförnu. Eigi að síður er sem fyrr
gert ráð fyrir að verðbólga verði
undir verðbólgumarkmiðinu á
næstu mánuðum áður en hún tekur
að nálgast það á ný,“ segir í yfir-
lýsingunni.
Þá kom fram í máli Más Guð-
mundssonar seðlabankastjóra á
fundinum að í bankanum stöldruðu
menn við veikara gengi krónunn-
ar. „Ekki er hægt með óyggjandi
hætti að segja til um hvort hún er
tímabundin,“ sagði hann, en gengi
krónunnar hefur lækkað um sem
nemur einu prósenti frá fundi pen-
ingastefnunefndar í febrúar og um
5,5 prósent frá því að gengið var
sterkast í nóvember.
Í yfirlýsingu peningastefnu-
nefndarinnar segir að nýjustu gögn
um framvindu efnahagsmála, verð-
bólgu og gengisþróun gefi nokkuð
misvísandi leiðsögn um þörf fyrir
breytt aðhald peningastefnunnar.
„Óvissa vegna fyrirhugaðrar þjóð-
aratkvæðagreiðslu um Icesave-
samninginn og sú staðreynd að
áætlun um losun gjaldeyrishafta
hefur enn ekki verið lokið að fullu
gefur tilefni til sérstakrar aðgæslu
um þessar mundir,“ segir þar.
olikr@frettabladid.is
1,4 MILLJARÐAR KRÓNA eru almenn útlán Íbúðalánsjóðs í febrúar. Þetta er jafnhá upphæð og sjóðurinn lánaði í mánuðinum á undan. Útlánin hafa verið nokkuð undir því sem almennt gerist, samkvæmt Greiningu
Íslandsbanka.
Ró færðist yfir hlutabréfamarkaði
í Asíu í fyrrinótt eftir hrun í kjöl-
far náttúruhamfara þar fyrir viku.
Nikkei-vísitalan hækkaði um tæp
5,7 prósent í gær en hafði fallið
um tæp tuttugu prósent á fjórum
dögum.
Reuters-fréttastofan hefur eftir
fjármálasérfræðingum að á mánu-
dag og þriðjudag hafi 445 millj-
arðar jena, jafnvirði 72 þúsund
milljarða króna, þurrkast út af jap-
önskum hlutabréfamarkaði. Þetta
er þó smáræði í samanburði við
hliðaráhrifin, eignatjón og fram-
leiðslutap hjá stórum tækni- og
iðnfyrirtækjum á borð við Toyota.
Það getur leitt til skorts á vara-
hlutum í tæknivörur og bíla víða
um heim.
Japanski seðlabankinn hefur
gripið til þess ráðs að dæla 55 þús-
und milljörðum inn í hagkerfið,
jafnvirði áttatíu þúsund milljarða
króna, til að koma því í gang á ný.
Kyohei Morita, aðalhagfræð-
ingur breska fjármálafyrirtækis-
ins Barclays Capital í Japan, sagði
í samtali við AP-fréttastofuna í
gær heildartjón Japana af völdum
náttúruhamfaranna kunna að jafn-
gilda þremur prósentum af lands-
framleiðslu Japana. - jab
Náttúruhamfarir hafa mikil áhrif á hagkerfi Japans:
Gæti leitt til skorts á
varahlutum í bíla
MARKAÐURINN Í BAKGRUNNI Íbúar
Tókýó óttast geislavirkni frá Fukushima-
kjarnorkuverinu. Mörg erlend fjármála-
fyrirtæki hafa sent starfsmenn sína úr
landi. FRÉTTABLAÐIÐ/AP
BM Vallá hagnaðist um 45,5 millj-
ónir króna í fyrra. Tekjur námu
tæpum 1,3 milljörðum króna.
Samanburðartölur frá fyrra ári
eru ekki til.
BM Vallá fór í greiðslustöðv-
un í febrúar í fyrra. Reynt var að
endurfjármagna fyrirtækið og
semja við lánardrottna. Það tókst
ekki og í maí var félagið tekið til
gjaldþrotaskipta. Í kjölfarið skiptu
kröfuhafar eignum félagsins á
milli sín. Arion banki, sem var
helsti lánardrottinn BM Vallár,
tók stærstan hluta fyrirtækisins.
Eignarhlutur bankans í endur-
skipulögðu félagi með sama nafn
og áður heyrir nú undir Eigna-
bjarg.
Eignir BM Vallár nema rúmum
1,5 milljörðum króna og eru skuld-
ir 1,1 milljarður. Til samanburðar
námu þær í kringum ellefu millj-
örðum króna áður en fyrirtækið
fór í þrot í fyrra. Eiginfjárhlutfall
fyrirtækisins nemur nú 29 pró-
sentum, að því er fram kemur í
uppgjöri. - jab
Endurreist BM Vallá hagnaðist um 45 milljónir króna:
Kröfuhafar gripu í
taumana fyrir ári
Setning
- Orri Hauksson, framkvæmdastjóri SI
Reykjavíkurborg
- Dagur B. Eggertsson, formaður borgarráðs
Framkvæmdasýsla ríkisins
- Dagbjartur Guðmundsson, staðgengill forstjóra
Reginn
- Helgi S. Gunnarsson, framkvæmdastjóri
Landsvirkjun
- Óli Grétar Blöndal Sveinsson, framkvæmdastjóri þróunarsviðs
Siglingastofnun
- Sigurður Áss Grétarsson, forstöðumaður hafnasviðs
Landsnet
- Nils Gústavsson, deildarstjóri framkvæmda

Orkuveita Reykjavíkur
- Gísli Sveinsson, sviðsstjóri Veitna
Vegagerðin
- Rögnvaldur Gunnarsson, forstöðumaður framkvæmdadeildar
Fundarstjórar: Orri Hauksson - Árni Jóhannsson
Fundurinn er opinn öllum áhugamönnum um verklegar framkvæmdir
Útboðsþing
Verklegar framkvæmdir 2011
Grand Hótel Reykjavík, Gullteigur A
Föstudagur 18. mars kl. 13:00 – 16:30
Skráning á www.si.is
ÞÓRARINN G. PÉTURSSON OG MÁR GUÐMUNDSSON Fram kom á kynningarfundi
vaxtaákvörðunar peningastefnunefndar í gær að nýbirtir þjóðhagsreikningar sýndu
meiri slaka í þjóðarbúskapnum en ráð hefði verið fyrir gert. FRÉTTABLAÐIÐ/GVA
Óvissa kallar á aðgæslu
Nýjustu gögn um framvindu efnahagsmála gefa misvísandi leiðsögn um þörf á breyttu aðhaldi peninga-
stefnu Seðlabankans. Í gær var kynnt ákvörðun peningastefnunefndar bankans um óbreytta stýrivexti.
„Okkar mat er að þegar birt verður áætlun um afnám gjaldeyrishafta þá
muni það hafa róandi áhrif á markaðina,“ segir Már Guðmundsson seðla-
bankastjóri. Á kynningarfundi í Seðlabankanum í gær kom fram í máli Más
að fyrstu skrefin í afnámi haftanna yrðu þannig að ekki reyndi á gjaldeyris-
forða landsins. Þá myndu þau ráða miklu um hvernig næstu skrefum í
afnámi hafta yrði háttað. Ekki yrði því um tímasetta áætlun að ræða, heldur
muni hraði haftaafnámisns ráðast af endurmati stöðu og hvernig gengi að
ná fyrirfram skilgreindum markmiðum.
Birta átti áætlunina 11. þessa mánaðar, en henni var frestað um hálfan
mánuð. Már vonast til að áætlunin verði birt á allra næstu dögum. Seinkun
á birtingu skýrist að nokkru af því hversu margir koma að gerð áætlunar-
innar. „Það er einmitt mjög jákvætt að þarna séu margir kokkar,“ segir Már,
enda komi bestur matur úr eldhúsi þar sem er fleiri en einn kokkur. „Áætl-
unin verður betri fyrir bragðið.“
Afnám gjaldeyrishafta ekki tímasett
„Þetta er talsvert magn. Það er
ekki víst hvort allir fá tölvurnar
sem pöntuðu
þær því við
vitum ekki hvað
margar koma
til landsins,“
segir Bjarni
Ákason, for-
stjóri Eplis,
umboðsaðila
Apple hér á
landi.
Fyrirtæk-
ið byrjaði að taka við pöntun-
um þeirra sem vilja kaupa iPad
2-spjaldtölvuna skömmu eftir
mánaðamótin og eru nú komnar
yfir fjögur hundruð pantanir í
hús. Bjarni segir þróunina hafa
tekið risastökk í vikunni, hundrað
pantanir hafi borist á þriðjudag
og megi búast við að þær verði
fleiri áður en yfir lýkur.
Nýjasta kynslóð iPad-tölva kom
á markað í Bandaríkjunum 11.
mars síðastliðinn og seldist hún
upp á mörgum stöðum. Tölvan
verður seld samtímis í 25 löndum
á föstudag í næstu viku og er
Ísland þar á meðal. Óvíst er hvort
Apple ytra nái að sinna öllum
pöntunum, að sögn Bjarna.
Nýju tölvurnar verða á sama
verði hér og eldri gerðir. Flestar
pantanir hljóða upp á 32 til 64 GB
iPad-tölvu með 3G-stuðningi, sem
kosta á bilinu 130 til 150 þúsund
krónur. - jab
400 búnir að panta iPad 2:
Hundrað bætast
við á einum degi
BJARNI ÁKASON