Fréttablaðið - 31.03.2011, Side 4

31. mars 2011 FIMMTUDAGUR4
Rangt var farið með nafn tónlistar-
konunnar Ninnu Rúnar Pálmadóttur
í umfjöllun um Músíktilraunir í blaði
gærdagsins.
LEIÐRÉTTING
Vegna fréttar í Fréttablaðinu í gær um
fjarveru Jóns Bjarnasonar, sjávarút-
vegs- og landbúnaðarráðherra, á fundi
Samtaka atvinnulífsins og Lands-
sambands íslenskra útvegsmanna vill
Bjarni Harðarson, upplýsingafulltrúi
í sjávarútvegs- og landbúnaðarráðu-
neytinu, koma eftirfarandi á framfæri:
„Undirritaður tók fram í samtali
við fréttamann Fréttablaðsins í gær
að engar upplýsingar lægju fyrir um
fund þennan í ráðuneytinu. Það
er rétt enda er nú staðfest að um
óformlegan fund var að ræða sem
ekki var boðaður eða bókaður með
venjubundnum hætti.
Jafnframt hefur forsætisráðherra
Jóhanna Sigurðardóttir komið þeim
upplýsingum til upplýsingafulltrúa
sjávarútvegs- og landbúnaðarráðu-
neytis að Jón Bjarnason hafi þegar
á laugardag boðað lögmæt forföll
frá mætingu á nefndan fund vegna
ráðherrafundar í Kaupmannahöfn.
Óstaðfestar fréttir Fréttablaðsins um
að fjarvera sjávarútvegs- og land-
búnaðarráðherra hafi komið öðrum
ráðherrum á óvart eiga því ekki við
rök að styðjast.“
Athugasemd ritstjórnar:
Fréttablaðið hefur traustar heimildir
fyrir frétt sinni og stendur við hana.
ATHUGASEMD
Skilafrestur framlengdur
Innanríkisráðuneytið gefur Mosfells-
bæ mánaðar viðbótarfrest til að skila
skýringum á því hvernig 246 milljóna
króna sjálfskuldarábyrgð sem bærinn
gekkst í fyrir fyrirtækið Helgafellsland
samræmist sveitarstjórnarlögum.
MOSFELLSBÆR
VIÐSKIPTI Framtakssjóður Íslands
skilaði 700 milljóna króna hagn-
aði á síðasta ári, að því er fram
kemur í tilkynningu. Heildar-
eignir sjóðsins námu um 5,6
milljörðum króna í lok ársins og
eigið fé var 4,9 milljarðar.
Eina hlutabréfaeign sjóðsins í
lok árs var hlutur sjóðsins í Ice-
landair Group. Í byrjun árs 2011
bættust svo Icelandic Group,
Skýrr, Vodafone, Húsasmiðjan og
Plastprent í hópinn.
Hagnaður Framtakssjóðsins
skýrist aðallega af þeim árangri
sem náðist í rekstri Icelandair á
síðasta ári. - bj
Afkoma Framtakssjóðs góð:
Hagnaðurinn
700 milljónir
Á FLUG Jákvæð afkoma Framtakssjóðs-
ins skýrist einkum af góðum árangri í
rekstri Icelandair Group á síðasta ári.
Sameining rædd
Fulltrúar sveitarstjórnar Bæjarhrepps
og Húnaþings vestra hittust nýlega á
Hvammstanga og ræddu þar ítarlega
um hugsanlega sameiningu sveitar-
félaganna. Ákvörðun um næstu skref
liggur ekki fyrir.
HRÚTAFJÖRÐUR
FÍLABEINSSTRÖNDIN Hermenn hlið-
hollir Alassane Ouattara, sem
sigraði í nýlegum forsetakosning-
um á Fílabeinsströndinni, hafa
tekið stjórnina í höfuðborg lands-
ins. Borgarastyrjöld hefur ríkt í
landinu eftir að Laurent Gbagbo,
sem var forseti landsins, tapaði
í forsetakosningum og neitaði að
fara frá.
Mikill fjöldi fólks hefur flúið
átökin, og er talið að um ein millj-
ón íbúa hafi flúið heimili sín vegna
þeirra. Nærri 500 manns eru talin
hafa látist í átökunum. - bj
Barist á Fílabeinsströndinni:
Milljón manns
sögð á vergangi
LONDON, AP Utanríkisráðherra
Líbíu, Moussa Koussa, kom til
London í gær og tilkynnti að
hann hefði yfirgefið ríkisstjórn
Múammars Gaddafí, að því er
talsmaður bresku ríkisstjórnar-
innar skýrði frá í yfirlýsingu.
Sagt er að Moussa Koussa sé afar
ósáttur við árásir líbíska hersins
á óbreytta borgara í landinu. - gar
Utanríkisráðherra Líbíu fer:
Stunginn af frá
Gaddafí ofursta
GENGIÐ 30.03.2011
GJALDMIÐLAR KAUP SALA
HEIMILD: Seðlabanki Íslands
216,2504
GENGISVÍSITALA KRÓNUNNAR
114,7 115,24
184,15 185,05
161,4 162,3
21,641 21,767
20,484 20,604
18,074 18,18
1,3801 1,3881
181,04 182,12
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
AUGLÝSINGADEILDIR FRÉTTABLAÐSINS – AUGLÝSINGASTJÓRI: Jón Laufdal jonl@frettabladid.is ALMENNAR SÍMI 512-5401: Hendrik Sigurðsson hendrik@frettabladid.is, Guðmundur Steinsson gudmundurs@365.is, Laila Awad laila@365.is, Örn Geirsson orn.geirsson@365.is, Hjördís Zoëga hjordis@frettabladid.is
ALLT SÍMI 512-5402: Jóna María Hafsteinsdóttir jmh@365.is, Þórdís Hermannsdóttir thordish@365.is SÉRBLÖÐ SÍMI 512-5016: Sigríður Hallgrímsdóttir sigridurh@frettabladid.is, Hlynur Þór Steingrímsson hlynurs@365.is, Benedikt Freyr Jónsson benediktj@365.is RAÐAUGLÝSINGAR /FASTEIGNIR SÍMI 512-5403:
Hrannar Helgason hrannar@365.is, Viðar Ingi Pétursson vip@365.is ÞJÓNUSTUAUGLÝSINGAR SÍMI 512-5407: Sigurlaug Aðalsteinsdóttir sigurlaug@365.is, Arna Rut Kristinsdóttir arnarut@365.is, Guðný Gunnlaugsdóttir gunny@365.is KYNNINGARSTJÓRI: Einar Skúlason einar.skulason@365.is
KJARAMÁL Ríkisstjórnin mun í dag
kynna víðtæka aðgerðaáætlun til
að örva atvinnu- og efnahagslíf
landsins. Með því er leitast við að
svara kröfum aðila vinnumark-
aðarins og liðka um fyrir kjara-
viðræðum milli ASÍ og Samtaka
atvinnulífsins (SA). Forsætisráð-
herra segir að þar verði ekki kveð-
ið á um breytingar á fiskveiði-
stjórnunarkerfinu.
Forsvarsmenn ASÍ og SA hittu
forsætisráðherra og fjármálaráð-
herra á fundi í gær og sagði Gylfi
Arnbjörnsson, formaður ASÍ, að
fundi loknum að menn væru orðn-
ir óþreyjufullir eftir útspili stjórn-
valda um grundvöll fyrir kjara-
samningum til þriggja ára.
„Við þurfum innspýtingu í hag-
kerfið til að skapa störf. En við
höfum ekki fengið skýr svör um
það hvernig stjórnvöld ætla að
skuldbinda sig til að stuðla að við-
snúningi í atvinnulífinu.“
Vilhjálmur Egilsson, fram-
kvæmdastjóri SA, sagði að þeir
myndu nú bíða eftir að sjá hvað
fælist í aðgerðaáætlun stjórn-
arinnar, sem kynnt verður eftir
hádegi eftir annan fund með
stjórnvöldum.
„Við vonum að það verði eitt-
hvað þar um það sem við höfum
verið að tala um, þar á meðal
sjávarútvegsmál, gjaldeyris-
höft og fleira sem við viljum sjá
breytast.“
Jóhanna Sigurðardóttir forsæt-
isráðherra sagði þó að ekki væri
að vænta neins um sjávarútvegs-
málin í áætluninni.
„Þetta hefur verið eitt aðal-
vandamálið frá upphafi og við
létum vita af því strax að við teld-
um ekki skynsamlegt að tengja
niðurstöðu í sjávarútvegsmálum
við kjarasamningaumræðurnar.“
Jóhanna vildi ekki tjá sig
um einstaka þætti en sagði að
aðgerðapakkinn yrði víðtæk-
ur og fjallaði meðal annars um
fjárfestingar, framkvæmdir,
skattamál og fleira. Þó vildi hún
geta þess að ekki hefði staðið
neitt upp á stjórnvöld í þessum
kjaraviðræðum.
Jóhanna segir að ríkisvaldið
hafi ekki komið af jafnmiklum
krafti að kjarasamningum og nú
og það muni taka á í ríkissjóði, en
það sé líka mikið í húfi fyrir stöð-
ugleika til þriggja ára.
Spurð sagði Jóhanna að henni
þætti líklegt að verkalýðshreyf-
ingin og atvinnurekendur gætu
náð saman um þriggja ára samn-
inga eftir fundinn í dag.
„Ef menn ætla ekki að láta fisk-
veiðistjórnunarkerfið þvælast
fyrir, þá er þetta það mikill og stór
pakki og svo stórt útspil af hálfu
ríkisvaldsins að það væri engin
sanngirni í öðru en að þeir fallist
á það.“ thorgils@frettabladid.is
Fiskveiðikerfið ekki
í aðgerðapakkanum
Ríkisstjórnin kynnir í dag aðgerðapakka til að höggva á hnútinn í kjaraviðræð-
um. Mun kveða á um framkvæmdir, skattamál og fleira til að örva efnahags-
lífið. Forsætisráðherra segir þó að ekki verði kveðið á um sjávarútvegsmál.
VEÐURSPÁ
Alicante
Basel
Berlín
Billund
Frankfurt
Friedrichshafen
Gautaborg
Kaupmannahöfn
Las Palmas
London
Mallorca
New York
Orlando
Ósló
París
San Francisco
Stokkhólmur
HEIMURINN
Vindhraði er í m/s.
Hitastig eru í °C.
Gildistími korta er um hádegi.
21°
19°
16°
9°
15°
9°
9°
9°
21°
16°
20°
10°
28°
2°
16°
22°
3°Á MORGUN
Sums staðar strekkingur
um tíma.
LAUGARDAGUR
Fremur hægur vindur
víða um land.
2
34
3
23
5
6 4
3
7
7
6
7
6
3
3
4
4
4
1
6
5
5
3
2
4
3
7
2
8
3
VÆTUTÍÐ verður
víða um land
næstu daga en þó
sést til sólar inn á
milli. Sunnan- og
vestanlands verður
nokkuð bjart um
tíma í dag og á
norðausturhorninu
verður bjart með
köfl um á morgun
og laugardaginn.
Ingibjörg
Karlsdóttir
veður-
fréttamaður
BÍÐA EFTIR PAKKANUM Stjórnvöld munu kynna aðgerðapakka til að liðka fyrir kjara-
viðræðum og blása í glæður efnahagslífsins. FRÉTTABLAÐIÐ/GVA
EFNAHAGSMÁL Stjórnvöld ráðgera
ekki að fara í stórfelldar breyt-
ingar í skattamálum á næsta ári.
Þetta kom fram í svari Steingríms
J. Sigfússonar fjármálaráðherra
við fyrirspurn Ólafar Nordal,
þingmanns Sjálfstæðisflokksins,
á þingi síðastliðinn mánudag.
Ólöf vísaði í frétt Fréttablaðsins
um yfirstandandi úttekt fulltrúa
Alþjóðagjaldeyrissjóðsins (AGS)
á skattkerfi landsins.
Spurði hún því hvort til stæði
að hækka virðisaukaskatt, tekju-
skatt einstaklinga eða eldsneytis-
skatt. Ekki væri svigrúm til frek-
ari skattahækkana á fjölskyldur.
Steingrímur svaraði því ekki
beint en sagði að þörf væri á því
að „uppfæra íslenska skattkerfið“,
meðal annars með lækkun trygg-
ingargjalds, sem var hækkað veru-
lega til að mæta kostnaði þegar
atvinnuleysi jókst.
„Sá skattstofn sem ég tel að hvað
mikilvægast væri að geta sem
fyrst lækkað er tryggingargjald-
ið. [...] Eðlilega standa kröfur til
þess frá atvinnulífinu að um leið
og atvinnuleysið minnkar verði
gjöldin þar lækkuð.“
AGS mun ljúka úttekt sinni í
vikulok og að sögn Steingríms
verður skýrsla hans gerð opinber
í maí eða byrjun júní. - þj
Fjármálaráðherra segir mikilvægt að lækka tryggingargjaldið:
Engar meiri háttar skattabreytingar
VILL LÆKKA TRYGGINGARGJALDIÐ
Fjármálaráðherra segir engar stórar
breytingar á skattkerfinu fram undan.
Mikilvægt sé að lækka tryggingargjald.
FRÉTTABLAÐIÐ/VALLI