Fréttablaðið - 09.04.2011, Qupperneq 36

9. apríl 2011 LAUGARDAGUR36
Þegar nýi Landspítalinn verður tekinn í notk-un mun sjúkrarúmum fjölga um 6. Það gerir 1
prósent. Hins vegar mun hljótast af stækkuninni
mikil og þörf hagræðing, bæði fyrir starfsfólks
spítalans og sjúklinga.
Björn Zoëga, forstjóri Landspítalans, segir
bygginguna vera hugsaða þannig að komi upp
þörf og forsendur í framtíðinni fyrir frekari
stækkanir muni möguleikarnir vera til staðar.
„Íslendingum mun líklegast fjölga á næstu
árum og við vonum að þeir hætti að flytja úr landi,
þannig að þörfin fyrir sjúkrarými mun sennilega
fara vaxandi,“ segir Björn. „Því verðum við að
ná með innri hagræðingu og breytingum, til að
mynda með því að minnka legutímann enn frekar.“
Legutími sjúklinga á Landspítalanum í dag er
6,7 dagar. Björn segir þó að vel hafi gengið að
stytta tímanum á síðustu árum, en takmarkinu sé
þó ekki alveg náð. „Þetta er líka háð því með hvaða
hætti sjúklingurinn getur flust yfir á aðrar sjúkra-
stofnanir eftir legu hjá okkur,“ segir hann.
Björn segir meginbreytingarnar sem komi með
byggingu nýja spítalans snúa að hagræðingu og
samþjöppun. Húsnæðisaðstæðurnar séu í raun
óviðunandi eins og er.
„Ein af ástæðunum fyrir því að læknar vilja
ekki flytja heim er aðstöðu- og tækjaleysi
hér á landi. En það mun breytast með nýju
byggingunum,“ segir Björn.
1.423.504
sprautur 2009
32.095
innlagnir 2009
Úr hornsteini í háskólasjúkrahús
Landspítalinn við Hringbraut hefur verið miðpunktur íslenskrar heilbrigðisþjónustu í rúmlega 80 ár. Umfangsmiklar fram-
kvæmdir eru í vændum hjá stofnuninni á næstu árum sem munu fela í sér miklar breytingar til batnaðar fyrir sjúklinga og
starfsfólk. Sunna Valgerðardóttir skoðaði þessa veigamiklu starfsemi sem tók á móti þriðjungi þjóðarinnar árið 2010.
HIÐ GAMLA OG NÝJA Yfirlitsmyndin sýnir umfang hins Nýja Landspítala í samanburði við núverandi húsnæði spítalans.
FRÉTTABLAÐIÐ/SAMSETT MYND
■ LANDSPÍTALINN Í TÖLUM
■ UMFANGSMIKLAR BREYTINGAR FYLGJA NÝJUM SPÍTALA
5.899.200
hanskar 2009
3.554
fæðingar á Kvennadeild
Landspítalands sem eru rúm
70 prósent
af öllum fæðingum á landinu
27.638.066.897
krónur var heildarkostnaður
Landspítalans árið 2010
69.553
röntgenrannsóknir
2009
Landspítalinn starfar nú á sautján stöðum á höfuðborgarsvæð-inu í um 100 húsum. Er það meginástæða þess að ákveðið var
að fara í framkvæmdir með nýjan spítala. Megnið af byggingum
sjúkrahússins var hannað upp úr 1950 og er því talið að húsin svari
ekki kröfum nútímans. Einnig verður reist áttatíu rúma sjúkra-
hótel á lóðinni. Þaðan verður innangengt í alla meginstarfsemi nýja
spítalans.
Gert er ráð fyrir að um 750 manns muni vinna við nýju bygg-
inguna og verður þörf fyrir vinnuafl mest á árunum 2013 og 2014.
Áætlað er að flutt verði inn í hinar nýju byggingar spítalans árið
2016 og lagfæring eldri húsa fari fram til ársins 2020.
Áætlaður kostnaður við nýbygginguna, sem verður 66 þúsund
fermetrar að stærð, er 33 milljarðar króna á því verðlagi sem var
í gildi í byrjun árs árið 2009. Kostnaður við húsbúnað og tæki er
sjö milljarðar og áætlað er að endurnýjun eldra húsnæðis kosti ell-
efu milljarða. Samtals gerir þetta heildarkostnað upp á 51 milljarð
króna. Talið er að sparnaðurinn sem hlýst af sameiningu spítalans
á einn stað verði um 2,5 milljarðar króna á ári.
Hinar gömlu byggingar Landspítalans við Hringbraut verða allar
notaðar áfram, að undanskildum 9.000 fermetrum sem eru úreltir
og ekki talið hagkvæmt að halda við. Ekki verður hafist handa við
endurbætur á öðru eldra húsnæði fyrr en nýju byggingarnar hafa
verið teknar í notkun.
■ BYGGING OG FRAMTÍÐ NÝJA LANDSPÍTALANS
107.000
einstaklingar komu
á Landspítalann
árið 2009.
58 af þeim
kvörtuðu eða kærðu starf-
semina til landlæknis.
Fæði o.fl . 3%
Hjúkrunarkostnaður
30%
Lækna-
kostnaður
17%
Klínísk stoð-
þjónusta 6%
Gjörgæslu-
kostnaður 4%
Skurðstofu- og skurð-
læknakostnaður 12%
Rekstarkostnaður
deilda 6%
Rannsókn-
arkostnaður
11%
Forstjóri, Mann-
auðssv. fjármál 5%
Sameiginlegur kostn-
aður innan sviða 6%
Kostnaðar-
skipting á
LSH 2010
H
ús þetta – LANDS-
SPÍTA LINN –
var reistur fyrir
fje, sem íslenskar
konur höfðu safn-
að og Alþingi veitt
á fjárlögum til þess að: LÍKNA
OG LÆKNA.“ Þetta stendur ritað
í hornstein Landspítalans, sem
lagður var 15. júní árið 1926 af
Alexandrínu Danadrottningu.
Árni Björnsson skrifar ágrip
af sögunni á heimasíðu spítalans.
Þar kemur fram að nafnið Land-
spítali var fyrst notað á Alþingi
árið 1861. Þó varð ekkert úr fram-
kvæmdum sjúkrahússins fyrr en
samtök kvenna tóku sig saman og
hófu söfnun fyrir byggingu þess.
Hafist var handa við framkvæmd-
ir árið 1925. Landspítalinn tók til
starfa í desember árið 1930.
Í byrjun voru aðeins tvær deild-
ir á Landspítalanum, handlækn-
ingadeild og lyflækningadeild.
Nú eru þær orðnar 15, þar af þrjár
lyflækningadeildir. Um 70 prósent
af fæðingum landsins fara fram á
Landspítalanum og í fyrra fóru
meira en hundrað þúsund kenni-
tölur í gegnum tölvukerfin, sem
þýðir að þriðjungur þjóðarinnar
nýtti sér þjónustu hans á síðasta
ári.
Árið 2001 undirrituðu Land-
spítalinn og Háskóli Íslands sam-
starfssamning til þess að sam-
ríma hagsmuni beggja stofnana.
Háskólinn og spítalinn hófu þar
samstarf sem hefur gefist vel og
var með það að markmiði að efla
vísindarannsóknir og mennt-
un heilbrigðisstétta. Hjúkrunar-
fræðingar, ljósmæður, lyfjafræð-
ingar, læknar, matvælafræðingar,
sálfræðingar og tannlæknar eru
meðal þeirra sem sóttu nám sitt
að miklum hluta á Landspítal-
anum. Klínískt rannsóknarsetur
Landspítalans og Háskóla Íslands
var opnað í janúar í fyrra, með
enn meiri samnýtingu í huga og
áhersla var lögð á að gæði rann-
sókna standist alþjóðlegar gæða-
kröfur.
Spítalinn hefur þjónað Íslend-
ingum í meira en 80 ár og brátt
mun nýtt blað verða brotið í
sögu hans þegar framkvæmdir
hefjast við byggingu hins Nýja
Landspítala.
1930
Árið sem Landspítalinn
tók til starfa
BJÖRN ZOËGA, FORSTJÓRI LANDSPÍTALANS Björn segir núver-
andi húsnæðisaðstæður Landspítalans í raun vera óviðunandi
eins og staðan er í dag.