Fréttablaðið - 09.04.2011, Blaðsíða 104

9. apríl 2011 LAUGARDAGUR72
FÓTBOLTI Manchester United getur
náð tíu stiga forskoti á toppi ensku
úrvalsdeildarinnar í dag tak-
ist liðinu að leggja Fulham á Old
Trafford. Arsenal spilar ekki fyrr
en á morgun, sem fer í taugarnar
á Arsene Wenger, stjóra Ars enal,
enda gæti bilið stækkað fyrir
hvern leik Arsenal og sett auka-
pressu á hans lið.
Man. Utd verður án Waynes
Rooney í dag þar sem hann er í
tveggja leikja banni vegna munn-
safnaðar. Það eru slæm tíðindi
fyrir liðið, þar sem Rooney hefur
loksins verið að finna taktinn í síð-
ustu leikjum. Í hans stað kemur
markahæsti leikmaður deildar-
innar, Dimitar Berbatov, sem
hefur mátt sætta sig við ansi mikla
bekkjarsetu meðan Rooney og Jav-
ier Hernandez hafa spilað.
„Ég er kátur yfir að Rooney
spilar ekki, enda var hann frábær
gegn Chelsea. Það er plús fyrir
okkur að hann skuli ekki spila,“
sagði Mark Hughes, stjóri Fulham,
en hvað finnst honum um bannið
sem Rooney fékk? „Það rífa allir
kjaft og það sést oft. Hann gerði
aftur á móti mistök með því að tala
svona beint í myndavélina.“
Drengirnir hans Hughes hafa
aðeins tapað einum af síðustu sex
leikjum sínum í deildinni og mæta
því nokkuð brattir til leiks á Old
Trafford. „Við erum auðvitað að
spila gegn besta liðinu og besta
stjóranum. Að vinna slíkan leik er
magnað afrek,“ sagði Hughes, sem
lék með Man. Utd til margra ára.
„Við erum svekktir með bann
Rooneys en það mun þjappa okkur
saman engu að síður. Það er frá-
bær andi í hópnum,“ sagði Sir Alex
Ferguson, stjóri Man. Utd, sem er
án fleiri leikmanna en Rooney.
„Rafael er ekki klár í slag-
inn. Hann ætti þó að geta spil-
að á þriðjudag. Wes Brown og
John O’Shea eru aftur á móti til-
búnir. Við erum að fá menn smám
saman til baka og Anderson stend-
ur okkur einnig til boða. Ég á enn
eftir að ákveða liðið og verð að
hafa Meistaradeildarleikinn gegn
Chelsea á þriðjudag í huga. Ful-
ham er erfitt lið og spegilmynd
stjórans síns – grjóthart og bar-
áttuglatt. Við verðum því að sýna
góðan leik,“ sagði Ferguson.
Carlo Ancelotti, stjóri Chelsea,
mun eflaust líka gera einhverjar
breytingar á sínu liði vegna Meist-
aradeildarleiksins eftir helgi.
David Luiz kemur klárlega aftur
inn í lið Chelsea og Yossi Benayo-
un gæti einnig spilað sinn fyrsta
leik síðan í september. Alex verður
aftur á móti á bekknum þar sem
hann er ekki enn búinn að ná sér
fullkomlega af meiðslum sínum.
Það er mikið slúðrað um Chelsea
þessa dagana, þá helst um framtíð
stjórans Carlo Ancelotti, en fyrir-
liðinn John Terry sagði í gær að
allir í klefanum styddu stjórann
sinn. henry@frettabladid.is
Verður Fulham áfram til
vandræða fyrir Man. Utd?
Manchester Utd tekur á móti Fulham í dag án Wayne Rooney. Fulham hefur oft
reynst United erfitt í gegnum tíðina. Arsenal spilar á morgun gegn Blackpool á
útivelli en Chelsea tekur á móti Wigan. Man. City og Liverpool spila á mánudag.
PIRRAÐIR Fulham náði 2-2 jafntefli gegn Man. Utd fyrr í vetur en United sættir sig ekki við neitt minna en þrjú stig í dag.
NORDICPHOTOS/GETTY IMAGES
Roman Abramovich, eigandi Chelsea, elskar
Meistaradeild Evrópu rétt eins og litlir strákar
elska Leiftur McQueen. Hann hefur látið hafa
það eftir sér að lag keppninnar sé eitt af hans
uppáhalds, keppnisfyrirkomulagið fullkomið og
hann þráir bikarinn og hans stóru eyru.
Í Meistaradeildinni hefur enginn verið óheppn-
ari en Roman. Árið 2005 féll lið hans úr leik gegn
Liverpool á marki sem enginn veit enn þann dag
í dag hvort hafi verið inni eða ekki. Árið 2008
í Moskvu var hann einni spyrnu frá fyrirheitna
landinu en þá tók John Terry upp á því að renna
á rassinn í aðhlaupi og skaut boltanum í stöng.
Svo ári seinna lenti hann í Norðmanninum Tom
Henning Övrebro sem flautaði Chelsea úr keppni
í undanúrslitum Meistarardeildinnar. Þegar betur
er að gáð er með ólíkindum að engin rannsókn
hafi farið fram eftir þann leik því dómarnir sem
féllu gegn Chelsea voru ótrúlegir.
Á miðvikudag var enn eitt slæma kvöldið hjá
Roman í útsláttarkeppni Meistaradeildarinnar, lið
hans tapaði 0-1 fyrir Manchester United. Hún var
kunnugleg sagan fyrir Rússann því á loka-
mínútu leiksins braut Patrice Evra leikmaður
Manchester United á Ramirez leikmanni
Chelsea. Klárt víti og rautt en spænskur
dómari lét leikinn halda áfram. Enn
falla hlutirnir ekki fyrir Íslandsvininum
Roman.
Það verður við ramman reip að
draga hjá Chelsea á þriðjudag á Old
Trafford en eitt er víst að ef Carlo
Ancelotti, knattspyrnustjóra Chelsea,
mistekst að slá Manchester United
úr leik þá verður hann ekki kallinn
í brúnni á Brúnni á næstu leiktíð.
Roman er óhræddur við skipta, sama
hvað það kostar. Það sannar 300 milljón
dollara skilnaður hans árið 2007 og þeir
sex knattspyrnustjórar sem hann hefur ráðið
og rekið frá því hann keypti liðið á fallegum
sumardegi 2003.
Sigur á þriðjudag, Carlo, eða þú færð að sofa
með fiskunum, eða missir djobbið alla vega!
Ciao Carlo
Hjörvar Hafliðason sparkspekingur
BADMINTON Ragna Ingólfsdóttir
úr TBR getur jafnað met Elsu
Nielsen á meistaramóti Íslands í
badminton sem fram fer í TBR-
húsunum við Gnoðarvog um
helgina.
Ragna á möguleika á að verða
Íslandsmeistari í einliðaleik í
áttunda sinn á níu árum en Elsa
Nielsen á metið eftir að hafa
orðið átta sinnum Íslandsmeistari
á árunum 1991 til 2000. Ragna
er sigurstranglegust á mótinu
en hún fær örugglega mestu
keppnina frá Tinnu Helgadóttur
sem hefur staðið sig með prýði í
dönsku deildinni.
Helgi Jóhannesson úr TBR er
með fyrstu röðun í einliðaleik
karla á mótinu og því talinn lík-
legur til að vinna titilinn fjórða
árið í röð en hann fær væntan-
lega mestu keppnina frá Atla
bróður sínum. Úrslitin í mótinu
ráðast með úrslitaleikjum á
sunnudaginn. - óój
Meistaramótið í badminton:
Jafnar Ragna
met Elsu?
RAGNA INGÓLFSDÓTTIR Getur unnið
sinn áttunda titil. FRÉTTABLAÐIÐ/VALLI
FIMLEIKAR Íslandsmeistararnir
Viktor Kristmannsson og Thelma
Rut Hermannsdóttir náðu bestum
árangri Íslendinga á Evrópu-
mótinu í áhaldafimleikum í Berl-
ín í Þýskalandi.
Viktor Kristmannsson bar
af íslensku strákunum og náði
79.600 stigum í fjölþrautinni sem
skilaði honum í 40. sæti. Bróð-
ir hans, Róbert Kristmannsson,
fékk 76.850 í einkunn og endaði í
54. sæti, þremur sætum á undan
Ólafi Garðari Gunnarssyni.
Thelma Rut Hermannsdóttir
fékk 46.900 í einkunn og endaði
í 49. sæti. Hún var sex sætum á
undan Dominiqua Ölmu Belányi,
Embla Jóhannesdóttir lenti í 56.
sæti og Jóhanna Rakel Jónasdótt-
ir varð í 58. sætinu. - óój
Evrópumótið í fimleikum:
Tvö komust inn
á topp fimmtíu
VIKTOR OG THELMA RUT Urðu Íslands-
meistarar á dögunum. FRÉTTABLAÐIÐ/DANÍEL
KÖRFUBOLTI KR-ingurinn Brynjar
Þór Björnsson átti sögulegt kvöld
í DHL-höllinni í fyrrakvöld
og varð þar fyrsti íslenski
leikmaðurinn sem skorað 34
stig fyrir sigurlið í í oddaleik
um sæti í lokaúrslitum í sögu
úrslitakeppninnar.
Brynjar skoraði stigin sín 34
á 32 mínútum og úr 21 skoti en
hann hefur brotið tuttugu stiga
múrinn í fimm af sjö leikjum KR
í úrslitakeppninni.
Brynjar var í miklu stuði
í þremur síðustu leikjum
einvígisins á móti Keflavík þar
sem hann skoraði 26,3 stig að
meðaltali og setti alls niður
þrettán þrista.
Brynjar var aðeins einu
stigi frá því að jafna stigamet
Íslendings í slíkum leik en
Falur Harðarson skoraði 35 stig
fyrir Keflavík á móti Njarðvík
í oddaleik undanúrslitanna
1998. Falur átti auk þess 10
stoðsendingar í leiknum en það
dugði þó ekki til sigurs.
Ívar Webster átti áður metið
í sigurleik en hann skoraði 31
stig fyrir Hauka á móti Val í
undanúrslitum 1985. - óój
Flest stig Íslendings í oddaleik
um sæti í úrslitum:
35 stig Falur Harðarson, Keflavík
í tapleik á móti Njarðvík 1998
34 stig Brynjar Þór Björnsson, KR
í sigurleik á móti Keflavík 2011
31 stig Guðni Guðnason, KR
í tapleik á móti Keflavík 1992
31 stig Ívar Webester, Haukum
í sigurleik á móti Val 1985
29 stig Valur Ingimundarson, Njarðvík
í sigurleik á móti Val 1988
28 stig Sigurður Þorvaldsson, Snæfelli
í sigurleik á móti KR 2010
27 stig Kristinn Friðriksson, Keflavík
í tapleik á móti Njarðvík 1994
26 stig Teitur Örlygsson, Njarðvík
í sigurleik á móti Keflavík 1998
26 stig Sturla Örlygsson, Val
í sigurleik á móti Keflavík 1987
Brynjar Þór Björnsson:
Einu stigi frá
stigameti Fals
BRYNJAR ÞÓR BJÖRNSSON Fór illa með
Keflvíkingana á fimmtudagskvöldið.
FRÉTTABLAÐIÐ/STEFÁN
LAUGARDAGUR:
Wolves - Everton
Blackburn - Birmingham
Bolton - West Ham
Chelsea - Wigan
Man. Utd - Fulham
Sunderland - WBA
Tottenham - Stoke
SUNNUDAGUR:
Blackpool - Arsenal
Aston Villa - Newcastle
STAÐA EFSTU OG NEÐSTU LIÐA:
Man United 31 19 9 3 68-32 66
Arsenal 30 17 8 5 59-29 59
Man City 31 16 8 7 50-27 56
Chelsea 30 16 7 7 54-25 55
Tottenham 30 13 11 6 41-34 50
Liverpool 31 13 6 12 42-38 45
Everton 31 9 14 8 42-41 41
------------------------------------------------------------
Birmingham 30 7 13 10 30-42 34
Aston Villa 31 8 10 13 39-53 34
Blackpool 31 9 6 16 45-63 33
West Ham 31 7 11 13 38-53 32
Wolves 31 9 5 17 36-53 32
Wigan Athletic 31 6 13 12 29-51 31
HELGIN