Fréttablaðið - 23.06.2011, Síða 21

FIMMTUDAGUR 23. júní 2011 21
ÚR ERLENDUM LEIÐURUM
Vandi Sarkozys er Le Pen
Þótt minnst sé á pólitísk ættarveldi
er ekki þar með
sagt að það verði
sósíalisti sem helst
muni ógna Sarkozy.
Le Pen ættin hefur
enn tök í Frakk-
landi. Dóttir Jean
Marie Le Pen, Marine Le Pen, er nú
með 23 prósenta fylgi og hún mun
augljóslega geta aflað sér meira
fylgis.
Eitt er víst að Sarkozy er með
áætlun. Vinnugleði hans er
takmarkalaus og hann eru fullur af
orku. Hann mun að öllum líkind-
um gera allt til þess að fá að vera
um kyrrt í Elyséehöllinni. Vandinn
er hvernig hann getur mætt þeirri
ógn sem stafar af Marie Le Pen án
þess að lenda í gildru hennar.
Í Frakklandi er hefð fyrir fjöl-
menningarsamfélagi, jafnrétti og
þolinmæði. Ef Sarkozy, sem er
sonur ungversks innflytjanda, tekst
ekki að verja þessa hefð á trúverð-
ugan hátt verða það ískyggileg
skilaboð til annarra Evrópulanda.
http://hbl.fi /opinion
Úr leiðara Hufvudstadsbladet
Evrópsk lexía
Axli aðildarríkin ekki pólitíska
ábyrgð, heldur reyni að nota mynt-
bandalagið í eigin þágu, mun ekki
margt breytast. Lönd sem vilja
fljóta með öðrum munu alltaf finna
nýjar smugur.
Auk þess þarf þjóðarinnsýn í
kreppuna í evrulandi sem glímir við
mikinn vanda – annars duga engir
björgunarsjóðir í heimi. En hin
sameiginlega mynt mun halda velli
og vonandi virka betur en áður.
http://www.dn.se/ledare
Úr leiðara Dagens Nyheter
Hvar sem ég kem verð ég var við áhuga fólks á störf-
um Stjórnlagaráðs. Gagnleg-
ar athugasemdir og ábendingar
berast dag hvern frá almenn-
ingi inn á vef ráðsins og eftir
öðrum leiðum. Á fyrri tíð kom
fyrir, að stjórnlagaþing þurftu
að koma saman á afskekktum
stöðum til að fá frið fyrir ágangi
kröfuharðra hagsmunahópa. Svo
er ekki nú. Við komum saman á
opnum fundum í alfaraleið og
bjóðum öllum, sem þess óska, að
leggja hönd á plóg. Endurskoðun
stjórnarskrárinnar er samstarfs-
verkefni, þar sem margir koma
að málum. Þess vegna höfum við
óskað eftir að hafa þjóðina með í
ráðum skref fyrir skref frá upp-
hafi til enda frekar en að vinna
fyrir luktum dyrum og leggja
fram fullmótaðar tillögur að
loknu verki. Allir hafa aðgang að
Stjórnlagaráði. Útlendingar hafa
sýnt þessu opna vinnulagi áhuga
og sagt frá því í erlendum blöðum
og sjónvarpi.
Viðbrögð fólksins í landinu
við þessu frjálslega verklagi
hafa verið góð svo sem við mátti
búast í ljósi mikils fjölda fram-
boða til Stjórnlagaþings í vetur
leið. Frambjóðendurnir 522 gáfu
kost á sér vegna þess, að þeir
töldu endurskoðun stjórnar-
skrárinnar skipta máli og töldu
sig hafa mikilvægar hugmyndir
fram að færa. Svör frambjóð-
enda við spurningum blaða-
manna um stjórnskipunarmál
fyrir kosningarnar í nóvember
vitnuðu um samstöðu í fram-
bjóðendahópnum um æskilegar
breytingar á stjórnarskránni
eins og ég lýsti í tveim greinum
hér í blaðinu 6. og 13. janúar.
Margar þessara tillagna um
breytingar eru nú sem óðast að
taka á sig mynd svo sem áfanga-
skjal Stjórnlagaráðs vitnar um
(sjá vefsetur ráðsins stjornlaga-
rad.is). Að vísu er eftir að fylla
ýmsar eyður og slípa skjalið
grein fyrir grein. Okkur miðar
áfram. Verkinu á að ljúka fyrir
júlílok.
Sumum finnst tillögur Stjórn-
lagaráðs ekki ganga nógu langt.
Öðrum finnst þær ganga of
langt. Það er skiljanlegt. Við
reynum yfirleitt að halda okkur
miðsvæðis, en við leggjum þó
til gagngerar breytingar í ljósi
alls, sem á undan er gengið.
Við leggjum til ýmis nýmæli í
samræmi við niðurstöður þjóð-
fundarins og hugmyndir stjórn-
laganefndar, sem okkur ber að
lögum að taka mið af. Stiklum á
stóru.
• Valddreifing. Við leggjum til
meira jafnræði milli Alþing-
is, ríkisstjórnar og dómstóla
með gagnkvæmu aðhaldi og
eftirliti. Við stefnum að skarp-
ari þrígreiningu valds, til
dæmis með því að færa valdið
til að skipa dómara, ríkis-
saksóknara og kannski fleiri
embættismenn frá ráðherrum
til forseta Íslands, sem hafi
lögbundna nefnd sér við hlið
til að meta hæfi umsækjenda.
Við segjum: Við skipun manna
í embætti skal einungis líta til
hæfni og málefnalegra sjónar-
miða.
• Jafnt vægi atkvæða. Við leggj-
um til nýja kosningaskipan
með persónukjöri, jöfnu vægi
atkvæða alls staðar á landinu
og heimild til að setja lög um
tiltekinn lágmarksfjölda þing-
manna í hverju kjördæmi,
ákveði Alþingi að hafa kjör-
dæmin fleiri en eitt. Einn lyk-
illinn að þessari lausn er, að
hverjum kjósanda er frjálst
að merkja við frambjóðendur
jafnt innan kjördæmis síns og
utan.
• Auðlindir í þjóðareign. Við
leggjum til, að ákvæði um
nytjastofna og aðrar náttúru-
auðlindir í þjóðareign sé sett
í mannréttindakafla stjórnar-
skrárinnar til að undirstrika
rétt almennings til arðsins af
auðlindum landsins við sjálf-
bæra nýtingu þeirra með
almannahag að leiðarljósi.
• Náttúra Íslands. Við leggjum
til, að öllum skuli með lögum
tryggður réttur á heilnæmu
umhverfi og til aðildar að
dómsmálum um mikilvægar
ákvarðanir um auðlindir í
þjóðareigu og náttúru Íslands.
Hugmyndin er að lýsa náttúr-
una friðhelga til jafns við frið-
helgi einkalífs og eignarréttar
til að undirstrika gagnkvæm-
an rétt náttúrunnar gagnvart
okkur mönnunum. Við megum
nýta auðlindir okkar, en við
höfum ekki leyfi til að níðast
á náttúrunni, hvorki hennar
vegna né okkar sjálfra og
afkomenda okkar.
• Opið þjóðfélag. Við leggjum
til, að með lögum skuli
tryggja gegnsæja stjórnsýslu,
greiðan aðgang að upplýsing-
um, frjálsum og sjálfstæðum
fjölmiðlum með gegnsætt
eignarhald og vernd handa
blaðamönnum, nafnlausum
heimildarmönnum þeirra og
uppljóstrurum.
Sumir telja, að stjórnarskráin
eigi að vera lægsti samnefnari
þjóðarsálarinnar, samfélags-
sáttmáli, sem allir geta fellt
sig við í öllum greinum. Ég tel,
líkt og brezki heimspekingur-
inn Karl Popper (1902-1994), að
góð stjórnarskrá þurfi að reisa
traustar lagaskorður við skað-
legu atferli. Réttur eins leggur
skyldu á herðar annars. Því er
eðlilegt, að þeir, sem ný stjórn-
arskrá setur stólinn fyrir dyrn-
ar, felli sig ekki við hana. Listin
er að draga línuna á réttum stað.
Við skulum hlusta hvert á annað
og hjálpast að.
Í DAG
Þorvaldur Gylfason
prófessor
Starfinu miðar áfram
Ég tel, líkt og brezki heimspekingurinn
Karl Popper (1902-1994), að góð stjórnar-
skrá þurfi að reisa traustar lagaskorður
við skaðlegu atferli.
Frumkvöðlasetrið á Ásbrú býður frumkvöðlum og
fyrir tækjum með plássfrek nýsköpunar verkefni hag-
kvæma smiðjuaðstöðu.
Þar er veittur stuðningur, fræðsla og ráðgjöf við að
hrinda hug mynd um í fram kvæmd, og þar gef ast fjöl-
mörg tæki færi til að finna mögu lega sam starfs aðila
og efla tengslanet.
Meðal þeirra sem hafa aðstöðu í Frumkvöðlasetrinu
eru Mýr Design, Leikfangasmiðjan Dunamis, HBT
og Valorka.
Nánari upplýsingar um Frumkvöðlasetrið á Ásbrú
er að finna á asbru.is/nyskopun
Ásbrú í Reykjanesbæ er samfélag frumkvöðla,
fræða og atvinnulífs.
Sími 425 2100 | fyrirspurnir@kadeco.is
Þróunarfélag Keflavíkurflugvallar
Hér er pláss
fyrir stórar hugmyndir
P
IP
A
R
\T
B
W
A
-S
ÍA