Fréttablaðið - 23.06.2011, Blaðsíða 46

23. júní 2011 FIMMTUDAGUR34
tonlist@frettabladid.is
TÓNNINN GEFINN
Trausti Júlíusson
Þátttakendur í Lagalistanum: Bylgjan, FM957, Xið 977, Rás 2, Kaninn, tonlist.is. Verslanir í Tónlistanum: Skífan, Hagkaup, Penninn/Eymunds-
son, 12 tónar, Harpa, Smekkleysa plötubúð, Elkó, tonlist.is
Listarnir eru teknir saman fyrir Félag hljómplötuframleiðenda. Listarnir eru birtir í heild sinni á Vísir.is.
Stendur í stað síðan í síðustu viku Fellur um sæti síðan í síðustu viku Hækkar á lista síðan í síðustu viku Nýtt á lista
Skýringar:
TÓNLISTINN
Vikuna 16. - 22. júní 2011
LAGALISTINN
Vikuna 16. - 22. júní 2011
Sæti Flytjandi Lag
1 Bubbi Morthens.................................Blik augna þinna
2 A Friend In London ............................... New Tomorrow
3 Coldplay .........................Every Teardrop Is A Waterfall
4 Lady Gaga ..........................................The Edge Of Glory
5 GusGus ......................................................................... Over
6 Bruno Mars .......................................................Lazy Song
7 Memfismafían & Valdimar ........Það styttir alltaf upp
8 Rihanna ............................................California King Bed
9 BlazRoca og fl. ...................................... Reykjavíkurnætur
10 Aloe Blacc ................................................ I Need A Dollar
Sæti Flytjandi Plata
1 Gus Gus ......................................................Arabian Horse
2 Bubbi ..............................................................Ég trúi á þig
3 Ýmsir .................................Sjómenn: Íslenskir við erum
4 Ýmsir ................................................................. Pottþétt 55
5 Páll Óskar .........................................................Silfursafnið
6 FM Belfast ...................................... Don’t Want To Sleep
7 Magnús og Jóhann ................Ástin og lífið 1971-2011
8 Ýmsir ......Eurovision Song Contest 2011: Düsseldorf
9 Valdimar ............................................................Undraland
10 Víkingur Heiðar Ólafsson ..................... Bach / Chopin
Önnur plata Bon Iver er
komin út. Hún var tekin
upp í gamalli innisundlaug
skammt frá æskuheimili
forsprakkans Justins Ver-
non í Wisconsin-ríki.
Bon Iver hefur gefið út aðra
plötu sína og er hún samnefnd
hljómsveitinni. Hún var tekin
upp í fyrrum dýralæknastofu í
bænum Fall Creek í Wisconsin
sem forsprakkinn Justin Vernon
og bróðir hans keyptu árið 2008
og breyttu í hljóðver. Aðalupp-
tökurýmið er í gamalli innisund-
laug sem tengdist læknastofunni.
Hljómar ekki ósvipað og Sund-
laugin sem Sigur Rós hefur lengi
notast við. „Að vinna á þessum
stað sem við byggðum upp veitti
okkur mikið frelsi,“ sagði Vernon.
„Hann er bara fimm kílómetrum
frá húsinu þar sem ég ólst upp og
bara í tíu mínútna fjarlægð frá
barnum þar sem foreldrar mínir
kynntust.“
Hinn þrítugi Vernon stofnaði
Bon Iver árið 2007 eftir að hann
hætti í þjóðlagabandinu DeYarmon
Edison og sömuleiðis með kærust-
unni sinni. Hann langaði að kom-
ast í burtu og flutti upp í fjalla-
kofa föður síns. Þar fékk hann
hugmyndina að Bon Iver-nafninu,
samdi lágstemmd kassagítarlög
og texta þar sem sambandsslitin
voru krufin til mergjar. Eftir að
hafa fengið góð viðbrögð við lög-
unum hjá vinum sínum gerði hann
samning við fyrirtækið Jagjaguw-
ar sem gaf út plötuna For Emma,
Forever Ago árið 2008. Hún fékk
mikið lof gagnrýnenda og lagið
Skinny Love naut sérstakra vin-
sælda. Rapparinn Kanye West var
einn þeirra sem sperrti eyrum og
fékk Vernon til að aðstoða sig á
síðustu plötu sinni, My Beautiful
Dark Twisted Fantasy, með góðum
árangri.
Flottir tónlistarmenn aðstoðuðu
Vernon við upptökurnar á nýju
plötunni og hann segir þá eiga
alveg jafnmikinn hlut í Bon Iver-
verkefninu og hann sjálfur. Eiga
þeir það sammerkt að hafa unnið
með virtum flytjendum á borð við
Tom Waits, Arcade Fire, Sufjan
Stevens, Antony and the Johnsons
og The National.
Útsetningarnar eru fjölbreytt-
ari en áður og elektróník kemur
við sögu. Andrúmsloftið er engu að
síður svipað og á For Emma, For-
ever Ago þar sem notaleg falsettu-
rödd Vernons svífur yfir vötnun-
um. Platan hefur fengið mikið lof
gagnrýnenda. The Guardian gefur
henni fullt hús, eða fimm stjörn-
ur, Uncut sömuleiðis og Pitchfork
splæsir á hana 9,5 í einkunn af 10
mögulegum. Tímaritin Mojo og
Q eru einnig hrifin og gefa henni
fjórar stjörnur af fimm á meðan
Rolling Stone límir á hana þrjár og
hálfa stjörnu og segir að á henni
sé meira af öllu en á síðustu plötu.
freyr@frettabladid.is
Meira af öllu frá Bon Iver
BON IVER Önnur plata Bon Iver, samnefnd hljómsveitinni, er nýkomin út.
Rokkararnir í Kings of Leon höfnuðu
boði um að semja aðallag næstu James
Bond-myndar.
Sjálfur 007, Daniel Craig, bað hljóm-
sveitina þrívegis um að semja fyrir sig
lagið en varð ekki að ósk sinni. Þrátt
fyrir þetta segjast rokkararnir núna
vera tilbúnir til að semja lagið enda hafa
þeir alltaf viljað prófa að nota strengja-
hljóðfæri og þetta veiti þeim gott tæki-
færi til þess. Óvíst er samt hvort þeir
fá verkefnið enda líklegt að Craig hafi
leitað annað eftir að þeir neituðu honum
í þrígang.
Ný heimildarmynd um Kings of Leon
er komin út. Hún nefnist Talihina Sky og
þar ræða Followill-bræðurnir um upp-
vöxt sinn í suðurríkjum Bandaríkjanna
og leið sína upp á stjörnuhimininn. Sveit-
in spilaði í Hyde Park í London í gær-
kvöldi og endurtekur leikinn í kvöld.
Höfnuðu James Bond
KINGS OF LEON Rokkararnir vildu ekki semja lag
fyrir James Bond.
Bandaríski upptökustjórinn og tónlistarmaðurinn Brian Burton, sem
er þekktari undir nafninu Dangermouse, er ekki þekktur fyrir að fara
hefðbundnar leiðir í tónlistarsköpun sinni. Hann vakti fyrst athygli
fyrir The Grey Album sem var sambland af hinu hvíta albúmi Bítl-
anna og The Black Album með Jay-Z. Hann hefur síðan tekið þátt í
mörgum spennandi tónlistarverkefnum, m.a. með Gorillaz og Gnarls
Barkley auk þess að vera í dúóinu Broken Bells með James Mercer,
leiðtoga The Shins. Nýjasta útspil Dangermouse er platan Rome, gerð
með ítalska tónlistarmanninum
Daniele Luppi, sem er þekktur
í heimalandinu bæði fyrir popp
og kvikmyndatónlist.
Ítalinn og Bandaríkjamaður-
inn eiga sameiginlegt mikið
dálæti á tónlist spaghettívestr-
anna sem Ennio Morricone
gerði. Þegar þeir kynntust
fyrir fimm árum ákváðu þeir
að gera plötu saman sem væri
óður til ítalskrar kvikmynda-
tónlistar sjöunda og áttunda
áratugarins. Hugmyndin fékk
tíma til að þróast og á endan-
um ákváðu þeir að gera plöt-
una með sömu hljóðfæraleikurum og unnu með Morricone á sjöunda
áratugnum og taka hana upp í Forum Music Village í miðborg Rómar
og nota eingöngu gamladags upptökugræjur. Í Forum Music Village er
hið goðsagnakennda Ortophonic hljóðver sem Morricone og fleiri not-
uðu á sjöunda áratugnum.
Rome kom út í maí. Tónlistin á henni sækir mikið í stemningu og hljóð-
heim Morricones. Lögin eru samt flest popplög með söngmelódíum og
til að syngja þau fengu þeir félagar m.a. Jack White (úr White Stripes)
og Noruh Jones. Útkoman er fín plata sem er í senn nútímaleg og gam-
aldags. Hún á eflaust eftir að draga athygli margra hlustenda að þeirri
frábæru tónlist sem Morricone og fleiri gerðu á sjöunda áratugnum.
Aftur til Rómar
FARSÆLT SAMSTARF Jack White, Norah Jones,
Dangermouse og Daniele Luppi.
>PLATA VIKUNNAR
Ég trúi á þig ★★★★
Bubbi og Sólskuggarnir
„Fjölbreytt og vel heppnað ferða-
lag inn í heim sálartónlistarinn-
ar.“ - TJ
>Í SPILARANUM
Sævar - Laugardagur í apríl
Varsjárbandalagið - Russian Bride
Beyoncé - 4
Fucked Up - David Comes to Life
BEYONCE KNOWLES SÆVAR MAGNÚSSON
Allt sem þú þarft
Þú færð Fréttablaðið
á kostnaðarverði á 120 stöðum
um land allt. Nánari upplýsingar
á visir.is/dreifing