Fréttablaðið - 23.06.2011, Blaðsíða 58
23. júní 2011 FIMMTUDAGUR46
golfogveidi@frettabladid.is
G
O
LF
&
H
EI
LS
A
Eru rassvöðvarnir
í fríi?
Magni M. Bernhardsson,
kírópraktor með sérhæfingu í
golfmeiðslum og öðrum íþrótta-
meiðslum.
Eru rassvöðvarnir í sumarfríi? spyr
Magni Bernhardsson kírópraktor
sem segir að vöðvarnir gegni mikil-
vægu hlutverki í golfsveiflunni. Oftar
en ekki séu þeir ekki virkir, sem
leiði til þess að nálægir vöðvar sinni
hlutverki þeirra með miður góðum
árangri.
„Algengt er að golfarar fullyrði
að rassvöðvarnir séu ekki vanda-
málið heldur bakið vegna þess að
verkurinn er þar en svo er oft ekki
því rassvöðvarnir eru í fríi og bakið er
látið vinna alla vinnuna, þess vegna
er bakið stíft en rassvöðvarnir slakir,
segir Magni.
„Rassvöðvarnir ásamt kviðvöðvun-
um gegna því mikilvæga hlutverki að
mynda stöðugleika í golfsveiflunni.
Þegar þessir vöðvar eru ekki virkir
þá er mikil hætta á að bakmeiðsl
myndist ásamt verk í lærvöðva, aftan
í læri. Bakmeiðsl eru algengustu
meiðsl sem golfarar finna fyrir og
geta verið þrálát ef ekkert er að gert.“
En hvað er til ráða?
Magni segir að fyrst verði að
athuga hvort rassvöðvarnir séu virkir.
„Leggist á bakið með iljar á gólfinu,
setjið hægri hendi undir hægri rass-
kinn og vinstri hendi undir vinstri
rasskinn. Kreppið rassvöðvann án
þess að kreppa bakið eða aftan-
verða lærvöðva. Ef þú finnur fyrir því
að þú kreppir rassvöðvana án þess
að kreppa nálæga vöðva þá eru rass-
vöðvarnir ekki í fríi, en ef þú finnur
að þú kreppir aðra vöðva með þá er
tími kominn á rassæfingar.“
Hinrik Gunnar Hilmarsson, sem annast hefur eftirlit, vallarvörslu og
dómgæslu hjá Golfklúbbi Reykjavíkur, gefur smá hugleiðingu sem hann
kallar „Golf með skynsemi“.
Að hleypa fram úr
Sú siðaregla, sem sennilega er oftast brotin og veldur hvað mestri óánægju,
er án efa reglan um hvenær og hvernig hleypa skuli fram úr. Þú hleypir fram
úr:
1. ...þegar hópur, sem á rétt á að fara fram úr, nær hópi sem þú ert í.
2. ...þegar hópar sem leika heilan hring (18 holur) og þinn hópur hefur hafið
leik á annarri holu en þeirri fyrstu (oftast tíundu).
3. ...þegar þinn hópur leikur hægar en þeir sem á eftir koma.
4. ...ef þinn hópur hefur dregist aftur úr þannig að brautin fyrir framan ykkur
er auð og hópurinn á eftir ykkur þarf að bíða.
5. ...ef bolti einhvers leikmanns í þínum hópi er týndur og þið finnið hann
ekki strax (½ mín.).
Aðeins er leyfilegt að leita í 5 mínútur að hverjum
bolta. Finnist hann ekki á þeim tíma er hann, skv.
reglunni, týndur og bannað að leita lengur að
honum. Eigandi hans verður að fara til baka og
slá nýjan bolta gegn einu vítishöggi.
Það er algengur misskilningur að ekki þurfi að
hleypa fram úr fyrr en eftir þessar 5 mín. Hið
rétta er að hleypa skal fram úr þegar ljóst er að
boltinn er ekki auðfundinn.
Leikhraði:
Það virðist vera útbreiddur mis-
skilningur að sá leiktími sem gefinn
er sé sá tími sem á að taka til að
ljúka hring. Sá tími sem gefinn
er, er hámarkstími fyrir hring
og því ættu kylfingar að reyna
að spila innan þess tíma.
Aðalreglan er hins vegar sú
að leikhópar ættu ávallt að
halda í við næsta leikhóp fyrir
framan.
Hollráð Hinna
Skynsemin í pokanum
„Það eru bara tveir kylfingar
sem gera mig agndofa þegar
þeir slá boltann. Rory og Tiger,“
skrifar atvinnukylfingurinn
Darren Clarke í ítarlegri grein
í Guardian, en tilefni skrif-
anna er ótrúlegur sigur kylf-
ingsins Rory McIlroy á Opna
bandaríska meistaramótinu um
helgina. Clarke, og golfheimur-
inn allur, eru á einu máli um að
afrek McIlroy sé aðeins sá fyrsti
af fjölmörgum stórsigrum þessa
22 ára pilts frá Norður-Írlandi og
spáð er metaregni.
Afrek
Þegar McIlroy ýtti golfbolta
sínum niður í lokaholu hins
alræmda Congressional-vallar
á sunnudaginn var ljóst að hann
hafði leikið á 268 höggum eða 16
höggum undir pari, og fjórum
höggum betur en Tiger Woods
árið 2000. Sú frammistaða hefur
verið talin ein sú besta í golfsög-
unni, enda vann Tiger mótið með
15 höggum. McIlroy varð yngsti
sigurvegarinn síðan 1923 og
þriðji kylfingurinn í sögu móts-
ins sem spilar alla mótsdagana
undir 70 höggum.
Clarke segir í grein sinni að
McIlroy hafi „fáránlega mikla
hæfileika“. Um frammistöðu
hans á mótinu segir Clarke.
„Hann lét þetta líta út fyrir að
vera barnaleikur.“
Aðrir afrekskylfingar taka
undir með Clarke því eftir sigur-
inn um helgina hafa menn keppst
við að lofa frammistöðuna. Ekki
síst þeir sem deildu vellinum
með honum á þessu móti og sig-
urvegarar liðinna ára.
Mark O´Meara fullyrðir að
hann sé mun betri en Tiger á
sama aldri; Geoff Ogilvy segir
hann langbesta unga kylfing-
inn sem hann hefur leikið með.
Ernie Els var ekki orðmargur
en þetta misskilst ekki: „Næsti
númer eitt.“
Flestir bera hann saman við
Tiger Woods, auðvitað, og telja
McIlroy eiga alla möguleika á
því að endurtaka sigurgöngu
hans, og bæta um betur. Gull-
björninn, Jack Nicklaus, segir
hann geta náð hæstu hæðum,
taki hann réttar ákvarðanir
um framgang ferilsins á næstu
árum. Hann telur met sitt, 18
risatitlar, ekki fjarstæðukennt
takmark fyrir Norður-Írann
unga.
Auðæfi
Það er nú svo að McIlroy hefur
náð þessum hæðum í einni af
þeim íþróttum sem gefa afreks-
mönnum mest af veraldlegum
gæðum. Tiger Woods er lifandi
dæmi um það. McIlroy hefur
þegar aflað meiri tekna en hann
mun nokkru sinni geta eytt því
um leið og hann gerðist atvinnu-
maður árið 2007 gerði hann góða
samninga við nokkur stórfyrir-
tæki.
Sérfræðingar telja hins vegar
að það sé aðeins byrjunin því
milljarðar á milljarða ofan muni
falla McIlroy í skaut á næstunni
þegar nýir samningar verða und-
irritaðir. Umboðsmaður hans
hefur nokkra tugi slíkra samn-
inga til skoðunar, sem reyndar
lágu fyrir áður en sigur vannst
á bandaríska meistaramótinu.
svavar@frettabladid.is
Kynslóðaskiptin staðreynd
Það vill gleymast í öllu fjölmiðlafárinu í kringum sigurvegarann Rory McIlroy
að annar kornungur kylfingur, Jason Day, tryggði sér annað sætið á US
Open. Hann var einnig í öðru sæti á Masters, fyrsta risamóti ársins. Day er
23 ára gamall Ástrali og situr hann nú í níunda sæti heimslistans.
Fréttaskýrendur í golfheiminum eru á einu máli um að kynslóðaskipti séu
að verða í alþjóðlegu golfi. Tiger Woods og Phil Mickelson hafa leitt vagninn
um langt skeið en ungkylfingar eins og McIlroy og Day auk Ricky Fowler
(f. 1988), Anthony Kim (f.1985) og Dustin Johnson (f. 1984) eru líklegir
til að berjast um æðstu metorð næstu árin. Þá má ekki gleyma þeim Ryo
Ishikawa (f. 1991) og Matteo Manassero (1993) sem þegar eru orðnir tveir
af bestu kylfingum heims.
Kynslóðaskipti í golfinu
Með sigri Rory McIlroy á Opna bandaríska meistara-
mótinu um helgina virðist ljóst að kynslóðaskipti
eru að verða í alþjóðlegu golfi. Kollegar Rory spá því
að hann muni senn taka við sem fremsti kylfingur
samtímans. Hæfileikar hans eru taldir slíkir að fátt
geti komið í veg fyrir að hann slái öll met.
RORY MCILROY Fyrir sjö
árum veðjaði faðir hans
Gerry 100 pundum á að
sonurinn myndi vinna
Opna breska fyrir 25 ára
aldur. Líkur veðbankans
voru þá 500:1. Nú eru
þær metnar 3:1.
471 METRI er lengsta teighögg sem mælt hefur verið í sögunni. 114 METRAR er lengsta pútt sem skráð hefur verið í golfsögunni
Ragnar Ólafsson, landsliðsein-
valdur í golfi, hefur valið landslið
Íslands sem leika á Evrópumót-
um áhugamannalandsliða í júlí
næstkomandi. Karlarnir leika
á Oceanico Victoria-vellinum á
Vilamoura-svæðinu í Portúgal, en
konurnar á Murhof í Austurríki.
Karlaliðið er þannig skipað:
Arnar Snær Hákonarson, Alfreð
Brynjar Kristinsson og Guð-
mundur Ágúst Kristjánsson, allir
úr GR, Axel Bóasson
úr Keili, Guðjón
Henning Hilmars-
son úr GKG og
Ólafur Björn Lofts-
son úr Nesklúbbnum.
Kvennalandslið
Íslands: Guðrún Brá
Björgvinsdóttir, Signý
Arnórs-
dóttir
og Tinna
Jóhanns-
dóttir, allar
úr Keili,
Ólafía Þór-
unn Kristins-
dóttir og Sunna
Víðisdóttir úr
GR, og Valdís
Þóra Jónsdóttir
úr Leyni. - shá
Evrópumót áhugakylfinga:
Landsliðsvalið
liggur nú fyrir
EINPÚTT Valdís Þóra
Jónsdóttir úr Leyni er
ein af landsliðsstelp-
unum okkar.
Meiri Vísir.
FRÉTTIR VIÐSKIPTI ÍÞRÓTTIR LÍFIÐ UMRÆÐAN
Meira sjónvarp, meira útvarp, meiri fréttir,
meiri upplýsingar, meiri umræða, meira líf,
meiri íþróttir, meiri virkni, meira úrval.
Þú færð meira af öllu á vísi.
Á Veiðivísi, nýjum veiðivef Vísis, getur þú nálgast helstu fréttir,
ítarlega umfjöllun og gagnlegar upplýsingar um veiði, hvort heldur
sem er stangveiði eða skotveiði. Fylgstu með í sumar og nýttu þér
allt sem Vísir hefur upp á að bjóða.