Fréttablaðið - 23.06.2011, Blaðsíða 34

23. JÚNÍ 2011 FIMMTUDAGUR4 ● kynning ● gönguskór
● HUGSAÐU VEL UM GÖNGU
SKÓNA Gönguskór geta enst árum
saman ef vel er um þá hirt. Hreinsaðu
gönguskóna alltaf strax og heim er komið
eftir gönguferð svo óhreinindin þorni ekki
inn í leðrið. Blauta gönguskó skal frek-
ar þurrka við stofuhita en leggja þá á ofn
eða í þurrkskáp, hitinn getur farið illa með
leðrið. Með því að troða dagblöðum ofan í
skóna þorna þeir fyrr því blöðin draga í sig
rakann innan úr skónum. Hreina og þurra
skó má svo vatnsverja með þar til gerðum
efnum, vaxi eða leðurfeiti, sem nuddað er
vel inn í leðrið.
● HEIMSÓKN Í
HÖFÐASKÓG Skóg-
ræktarfélag Hafnarfjarð-
ar fagnar 65 ára afmæli í
ár. Í tilefni af því stendur
félagið fyrir skógargöng-
um í sumar til að kynna
skógræktarsvæði sín. Farin
verður ganga á vegum
félagsins í Höfðaskógi í
kvöld. Lagt verður af stað
frá Gróðrarstöðinni Þöll klukkan 20. Gangan tekur um klukkustund og að
henni lokinni verður boðið upp á kaffi. Allar nánari upplýsingar má finna
á vefsíðu Skógræktarfélags Íslands, www.skog.is
● SKILDU TÁFÝLUNA
EFTIR HEIMA Eftir langa
göngu er kærkomið að toga af
sér gönguskóna í rómantískri
náttúru. Slík töfrastund getur
fljótt breyst í martröð ef henni
fylgir megn táfýla. Hér koma því
gild ráð til að verjast illa lykt-
andi tám:
● Notið fótapúður, táfýluúða
eða bakteríudrepandi sápur til
að útrýma bakteríum og halda
fótum þurrum. Hafið fætur
alltaf skraufþurra áður en farið
er í sokka, og gleymið ekki að
þurrka vel á milli tánna.
● Forðist daunilla skó og notið
ekki sömu skó dag eftir dag.
Látið skó sem rakir eru af svita
þorna vel í sól eftir notkun og
takið fram sandala sem inniloka
ekki fætur en halda tánum
þurrum.
● Klæðist ávallt sokkum þegar
verið er í lokuðum skóm. Sokk-
arnir taka við svita og skórnir
verða síður gróðrarstía táfýlu
og baktería. Ullarsokkar og
bómullarsokkar eru einkar góðir
til þess arna.
● RÁÐ VIÐ FÓTKULDA Ef
kuldinn nær að tánum þrátt fyrir
að göngumaður sé á hreyfingu
í gönguskóm og í góðum og
þurrum sokkum, er eitt ráðið að
nota einangrandi leppa í skóna.
Þeir fást í skóbúðum og mynda
einangrunarlag milli sokkanna
og sólans. Lélegt blóðflæði
gæti verið orsökin en auk þess
þröngir sokkar eða of þétt reim-
aðir skór. Stundum dugar bara
að hreyfa tærnar inni í skónum.
Heimild:
Góða ferð - handbók um útivist.