Faxi - 01.03.1986, Blaðsíða 20
RAÐSTEFNA
UM
NÁTTÚRUVERND
OG
FERÐAMÁL
Einar Egilsson greinarhöfundur er hér til hœgri með hönd undir kinn. Fjœrst á myndinni
mágreina IngólfFalsson en hann ásamt Áka Gránz, fundarstjóra, voru einu sveitarstjórnar-
mennirnir sem mœttu til þessarar áhugaverðu ráðstefhu og var það miður.
Laugardaginn 22. mars s.l. var haldin ráðstefna um náttúru-
verndar- og ferðamál — ástand og horfur, í Glóðinni í Keflavík.
Formaður náttúruverndarnefndar Gullbringusýslu, Halldóra
Thorlacius setti ráðstefnuna, ávarpaði gesti og fól Áka Gránz fund-
arstjórn og Erlingi R. Sveinssyni kennara fundarritun.
Flutt voru framsöguerindi af eftirtöldum aðilum:
1. Dr. Haukur Jóhannesson jarðfræðingur.
2. Sigurður G. Tómasson vatnafræðingur.
3. Kristbjörn Egilsson líffræðingur.
4. Sigurður Blöndal skógræktarstjóri ríkisins.
5. Jón Böðvarsson ritstjóri.
6. Gunnar Schram alþingismaður.
7. Gísli Gíslasosn framkvæmdastjóri Náttúruverndarráðs.
8. Einar Egilsson formaður Náttúrverndarfélags Suðvesturlands.
9. Gunnþórunn Gunnarsd. frá Ferðamálasamtökum Suðurnesja.
Að lokinni ráðstefnunni var í tilefni af 100 ára afmæli Miðnes-
hrepps ekin hringferð um hreppinn undir leiðsögn Halldóru Ingi-
björnsdóttur yfirkennara frá Flankastöðum, en hún er talin fróð-
ust kvenna um örnefni og sögu byggðarlagsins.
Fundarstjóri þakkaði frummælendum áhugaverð og fróðleg er-
indi og Halldóru Thorlacius og Einari Egilssyni fyrir framtakið, en
þau efndu til þessa fundar. Hann harmaði þátttökuleysi sveitar-
stjórnarmanna og væntanlegra sveitarstjórnarmanna, sem fengið
hefðu margvíslegan fróðleik um Skagann okkar — útlit hans og
ágæti til að skapa hér athafnasamt og fagurt mannlíf.
Jón Böðvarsson,
fyrrv. skólameistari
í rœðustól. Vinstra
megin situr Áki
Gránz fundarstjóri.
Halldóra Thorlacius
formaður náttúru-
verndarnefndar
G u llhringusýsl u við
setningu ráðstefn-
unnar.
Félög sem láta sig náttúruvernd
varða, vinna flest að markmiðum
eins og að stuðla að eðlilegum
samskiptum þjóðarinnar við nátt-
úruna. Þannig að eigi spillist að
óþörfu líf, land, sjór, vatn eða
andrúmsloft, vernda og varðveita
það sem sérstætt er og sögulegt í
náttúrunni, auka kynni af land-
inu og fræða almenning um nauð-
syn á góðri umgengni. Þetta eru
mjög yfirgripsmikil markmið og
þeir sem að þeim hafa staðið hafa
aðeins getað sinnt hluta þeirra í
hvert skipti. Þessir aðilar skiptast
í tvo hópa. í fyrri hópnum eru þeir
sem hafa fjármagn til að halda
starfsfólk og kosta framkvæmdir
og í hinum síðari, þeir sem hvor-
ugt geta. Þá á ég við áhugamanna-
félögin eða samtökin sem aðeins
afla fjár með lágum árgjöldum er
nægja til lítils annars en að kosta
félagsfundi og gefa út fréttabréf.
Þetta þýðir að fyrri hópurinn get-
ur tekið fyrir ákveðin verkefni og
framkvæmt þau sjálfur, en seinni
hópurinn, það er áhugamannafé-
lögin, verða að koma sínum mál-
efnum áfram, oft í samstarfi við
aðra. Þetta gerir það að verkum að
starfsemi þessa hóps verður tafs- '
vert frábrugðin hinum, en þó geta
leiðir legið saman. Undirbúning-
ur að þessari ráðstefnu er dæmi
um slíkt. Eg vil nota tækifærið til
að þakka Halldóru Thorlacíus
fyrir að eiga frumkvæðið að þess-
um sameiginlega fundi Náttúru-
verndarnefndar Gullbringusýslu
ogN.V.S.V.
Ég vona að þessi ráðstefna geti
orðið kveikjan að fleirum á Suð-
vesturlandi.
Stjórn hvers félagsskapar hefur
sínar starfsreglur. Starfsreglur
N.V.S.V. eru einfaldar í sjálfu sér
en töluvert margbrotnar í fram-
kvæmd. Þær eru: Að vekja athygli
á því sem vel fer, því sem miður
fer og á nýjungum, að koma af
stað umræðum um þetta, að örva
til athafna og styðja við þær, ef við
teljum þörf þar á.
Þetta er fjórða starfsárið sem við
beitum þessum starfsregium.
Tími er ekki til að ræða það sem >
N.V.S.V. hefur gert og hverju það
telur sig hafa áorkað. Ég ætla að-
eins að nefna nokkur af þeim
verkefnum sem í gangi eru eða
fara í gang á næstunni. Þar vil ég
fyrst nefna hugmynd sem upp
kom í fyrra vetur og kemur inn á
bæði þau málefni sem til umfjöll-
unar eru í dag, náttúruvernd og
ferðamál.
Það er hugmynd að fá skólayfir-
vöfd og sveitarstjórnir til að
standa að því að í efri bekkjum
96 FAXl
i