Faxi - 01.03.1986, Síða 33
>*/ •
Þín œvi /íktíst við lítið blóm
9 9 9
Löngum hefur sagt verið að það
læri bömin, sem fyrir þeim er
haft. Aldrei hef ég efast um þá
gæfu er ég naut í föður mínum. Af
orðum hans og æði lærðist mér
flest það er gefur lífinu sitt dýpsta
gildi.
Af listilegum hagleik spann
hann oft orðaræður, hófstilltar og
spakvitrar og barnungri varð mér
nautn af þeim næmleik, skilningi
og fegurðarskyni, sem ég varð
áskynja í orðum, atlæti og öllu
hans dagfari. Til hinsta dags sótti
ég til hans helst allra hollráð og
skilning og fékk að vera barn, en
þó virt að vilja og viti og eigin til-
finningum alla tíð. í slíku er mikil
lífslist fólgin.
Sá háttur var honum inngróinn
að tala í hendingum; vísur og
stökur flugu um menn og málefni
líðandi stundar, ýmist fmmsamd-
ar eða frá öðrum fengnar til
áherslu á einhver algild sannindi
af reynslu kynslóðanna. Sérstak-
ar þakkir og heiður voru veitt með
vísum.
... ilr Ijóðum
Tbrfa
Guðbrandssonar
En tilfallandi vísur mátti aldrei
skrá; — að hans sögn voru þær að-
eins sér til gamans gerðar.
Þegar líða tók á ævi og við sátum
á tveggja manna tali fór hann á
stundum með frumsamin ljóð,
sem virtust eiga sér djúpar rætur.
Sum höfðu verið geymd í minni
meira en hálfa öld, en kölluðu þó
enn fram klökkva tilfmninga, sem
tóku á. Þetta var trúnaðartal, án
vafa okkur báðum mikils virði.
Fyrir þrábeiðni mína féllst hann
á að skrá sumt af þessu niður,
ánefndi mér og nú bý ég að þeim
sjóði. Nokkrum dögum fyrir and-
látið áréttaði hann efnd sína, en
þótti þá að ég tel nokkuð miður,
að sér hefði ekki enst þrek til frek-
ari skráningar.
Þrjú þessara ljóða, Fegurð lífs-
ins, Tíminn og ónefnt minningar-
oghuggunarljóð, sem hefst á orð-
unum Þín ævi líktist við lítið blóm
voru lesin yfír hans eigin mold-
um, enda fátt sem lýsir frekar en
eigin orð lífs- og trúarviðhorfum
hans.
Ýmsir hafa nú ámálgað að birt
verði úr ljóðum hans. Slíkt er ekki
sjálfgefið, hafandi í huga hve treg-
lega hann lét þau í té. Hitt ber þó
á að líta að meira fánýti fer oft
hærra og hefi ég nú fallist á að
birta nokkur þeirra. Sjálfsagt er
mér málið þó of skylt til að líta ljóð
þessi hlutlausum augum, en ég
þykist þó vissulega vita að hugsun
sú og tilfinningar er þau flytja eru
heil og skýr — og holl hverjum
manni.
Mér er sem ég sjái föður minn
horfa hljóðan og hugsi á dverga-
smíð náttúrunnar; hún gladdi
honum guðstrú og lotningu, benti
KEFLAVÍKURVERKTAKAR
óska starfsmönnum og öllum Suðurnesjamönnum
gleðilegs sumars
og þakka samstarf á liðnum vetrí
KEFLAVÍKURVERKTAKAR
KEFLAVÍKURFLUGVELLI
FAXI 109