Faxi - 01.12.1986, Blaðsíða 21

Sigurður B. Magnússon, skipstjóri:
Hmkninga sjóferð
Faxi hefur beðið mig að segja
frá hrakningum, sem ég lenti í
á m/b Guðnýju árið 1941.
Við vorum á útilegu, sem kallað
var, vestur við Jökul á m/b Guð-
nýju, 42 tonna bát. Þann 27. febr-
úar fórum við í róður og lögðum
línuna út á svokallaða Jökul-
tungu.
Þegar við erum langt komnir að
draga línuna fór að hvessa á N A og
var komið hvassviðri um 12 leyt-
ið. Mig minnir að við legðum af
stað áleiðis undir Jökulinn um
eitt leytið. Var þá komið NA rok
og gekk ferðin hægt. Vegna veð-
urs urðum við að fara með hægri
ferð. Það var mikið ffost og hlóðst
mikið á bátinn og þurfti alltaf að
vera að berja af klakann og það
var erfitt verk í þessu veðri, en
það voru góðir menn um borð,
sem stóðu sig vel.
Eftir 8 tíma siglingu í mjög
vondu veðri sáum við grilla í
Malarrifsvitann og var þá farið að
dimma. Annars sást mjög stutt
vegna misturs í lofti og snjókomu
annað slagið. Ég vil geta þess hér
að við vorum tæpa tvo tíma að
sigla á miðin um nóttina.
Á landstíminu var ég búinn að
heyra í skipum, sem lágu á Bervík
og áttu í erfiðleikum vegna þess
að legufærin héldu ekki vegna
veðurs. Því datt okkur í hug að
setja út ljósbauju og andæfa við
hana um nóttina. Var það gert
klárt og leyst utan af baujufærinu.
En þegar það var búið kom hnút-
ur á bátinn og tók baujufærið með
sér og fór það í skrúfuna og allt
var stopp. Var nú ekki glæsilegt
útlitið að eiga eftir að reka út í
þetta fárviðri aftur eftir að vera
búnir að baksa við að komast í
landvar í 8 klst.
Ég vissi að það lágu togarar á
Bervík svo ég kallaði í þá í gegn-
um talstöðina og bað þá um hjálp
til að komast í var. TVeir togara-
skipstjórar voru búnir að svara
mér og sögðust þeir ekki treysta
sér að hreyfa skipin. En rétt á eftir
kallar Vörður frá Patreksfirði og
sagðist ætla að reyna að koma.
Skipstjóri á Verði var Gísli
Bjamason. En rétt á eftir kemur
skip með öllum ljósum rétt að
okkur, svo við gátum kallað til
þeirra og beðið þá um hjálp, en
þeir sögðust hafa nóg með sig og
héldu áfram. Höfðu þeir stefnu á
Sigurður B. Magniísson, skipstjóri.
Reykjavík að okkur fannst. Þetta
var togarinn Gullfoss og fórst
hann í þessu veðri. Um ellefu
leytið um kvöldið kom Vörður og
vorum við þá komnir út í hauga
sjó og vitlaust veður, svo það var
ekki hægt fyrir hann að fara það
nærri okkur að þeir gætu kastað
til okkar línu. Fór hann þá að
reyna að skjóta til okkar úr línu-
byssu og hittu þeir í fimmta skoti.
En á meðan við vomm að reyna að
draga til okkar línuna fékk Vörð-
ur á sig brotsjó og lagðist á brúar-
væng og slitnaði þá línan. Gísli
kallaði þá í okkur rétt á eftir og
sagði að þetta væri tilgangslaust
og sagðist hann mundu láta reka
með okkur um nóttina og reyna að
hafa okkur til hlés við sig, sem
hann og gerði og hellti lýsi og grút
í sjóinn til að lægja brotin. Þama
á meðan við vomm á rekinu feng-
um við á okkur brot, sem hálf-
fylltu stýrishúsið og fór talsverður
sjór ofan í bátinn og vélin stopp-
aði. Vomm við þá ljóslausir um
stund en eftir dálítinn tíma komst
vélin í gang svo við fengum ljós
aftur. Við vomm með jullu í
davíðum og urðum við að skera
hana af okkur, því hún var orðin
full af sjó og klaka. Eins fór mest
allt lauslegt af dekkinu.
í birtingu um morguninn var að-
eins farið að lægja veðrið. Gat þá
Vörður kastað til okkar línu og
tekið okkur aftan í og gekk nú allt
áfallalaust eftir það, en hann var
24 tíma með okkur upp undir
Jökulinn aftur. Þar var lagst við
akkeri og smíðuðu vélamenninir
fyrir okkur skrúfuhníf og með
honum gátum við skorið færið úr
skrúfunni. Eftir að því var lokið
komumst við síðan af sjálfsdáðum
til Reykjavíkur.
Síðan var aftur farið á miðin fyr-
ir vestan, þegar búið var að koma
öllu í samt lag aftur um borð.
Það var vel gert af þeim á Verði,
að fara út í þetta veður þegar engir
aðrir treystu sér til að koma okkur
til hjálpar.
Ég er búinn að stunda sjó lengi
og er þetta eitt það versta veður
sem ég hef lent í.
4
M/b Guðný GK 315 að koma til hafhar á Sigluprði drekkhlaðin af'stld.
Póst- og símamálastofnunin
í Keflavík auglýsir
Þeir símnotendur sem óska eftir breytingum í
símaskrá, svo og þeir sem óska eftir skráningu
aukanafna og farsíma veröa aö vera búnir aö því
fyrir 21 desember 1986 svo aö ný nöfn og allar
breytingar komist inn í símaskrá 1987.
FAXI 297